چەتئەل ئاخبارات ۋاستىلىرى خەۋىرى: ش ئا ئە ت نىڭ بىر دانە تىك ئۇچار ئايروپىلانى شۇ جاي ۋاقتى 25-ئىيۇل ئاففانىستاندا چۈشۈپ كېتىپ، ئايروپىلاندىكى خادىملار يىنىك دەرىجىدە يارىلىنىپ، ئادەم ئۆلۈش ئەھۋالىك كۆرۈلمىگەن، تالىبانلار بۇ قېتىمقى ۋەقەگە مەسئۇل بولىدىغانلىقىنى ئېيتقان.
خەۋەردە كۆرسىتىلىشىچە، ش ئا ئە ت دۆلەتلىك بىخەتەرلىك ئەترىتىنىڭ باياناتىدا كۆرسىتىلىشىچە، شۇ كۈنى ئاففانىستاننىڭ شەرقىي قىسمىدا، ش ئا ئە ت نىڭ بىر دانە تىك ئۇچار ئايروپىلانى چۈشۈپ كەتكەن. بىر نەپەر ساقچى خادىمىنىڭ ئېيتىشىچە، بۇ ئايروپىلان بىر راكېتا تەرىپىدىن چۈشۈرۈۋېتىلگەن.
ۋەقەدىن كېيىن ش ئا ئە ت قۇتقۇزۇش ئەترىتى ئايروپىلان چۈشۈپ كەتكەن نەق مەيدانغا يېتىپ بارغان، ئۇ يەرگە  بېرىپلا قوراللىق ئۇنسۇرلارنىڭ ھۇجۇمىغا ئۇچرىغان ھەمدە قايتۇرما ھۇجۇمغا ئۆتكەن.
تالىبانلار بۇ ئايروپىلاننى ئۆزلىرىنىڭ ئېتىپ چۈشۈرگەنلىكىنى ئېيتىپ، يەنە ئىككى نەپەر تالىبان ئادىمىنىڭ ئىككى تەرەپ ئېتىشىشىدا قازا قىلغانلىقىنى، شۇنىڭ بىلەن بىرگە ئاففانىستاندا تۇرۇشلۇق چەتئەل ئەسكەرلىرىدىن 22 سىنى ئېتىپ ئۆلتۈرگەنلىكىنى بىلدۈرگەن.
ئاففانىستاننىڭ شەرقىي قىسمىدىكى كۇنار ئۆلكىسدىكى مۇناسىۋەتلىك تارماقلارنىڭ ئېيتىشىچە، بۇ  ئايروپىلان چۈشۈپ كەتكەندىن كېيىن پۈتۈنلەي ۋەيران بولۇپ كەتكەن.
ساقچى تەرەپنىڭ ئېيتىشىچە،  ش ئا ئە ت نىڭ يەنە بىر دانە ئايروپىلانى قوراللىق ئونسۇرلارغا قايتۇرما ھۇجۇم ئېلىپ بارغان، تاڭ سۈزۈلگەندىن كېيىن نەق مەيداندىن ئىككى نەپەر قوراللىق ئونسۇرنىڭ جەسىتى بايقالغان.