جۇڭگو ئاخبارات تورىنىڭ 9-ئاۋغۇست خەۋىرى: چەتئەل ئاخباراتلىرىنىڭ خەۋىرىگە ئاساسلانغاندا، 8-ئاينىڭ 9-كۈنى ئەتىگەندە، داغىستان جۇمھۇرىيىتىنىڭ ئۇنتسۇكۇلسكي  (Untsukulsky) رايونىدا ئىككى كەنت ئاممىسى ئارىسىدا ئۇرۇشۇش ۋە قوراللىق ئېتىشىش يۈز بەرگەن. ۋەقەدە 7 ئادەم قازا قىلغان.

ئىگەللىنىشچە، دەسلەپتە 2 ئادەم قازا قىلغان، كۆپ ئادەم يارىدار بولغان، يېقىن كەنتتىكى دوختۇرخانىغا ئېلىپ بېرىلىپ داۋالىتىلغان. ئەمما توقۇنۇشقان ئىككى تەرەپ ئارىسىدا قوراللىق جەڭ باشلىنىپ كەتكەن.

يەرلىك ساقچىنىڭ ئاشكارلىشىچە، ئۇرۇشۇش ۋە قوراللىق توقۇنۇشتا قازا قىلغانلار سانى 7 ئادەمگە يەتكەن، قازا قىلغانلار ئىچىدە 7 ياشلىق قىز بالىمۇ بار ئىكەن. دەسلەپكى ئۇچۇرلارغا ئاساسلانغاندا، توقۇنۇش جەمەتنىڭ ئىچكى قىسىمىدىكى سەۋەبتىن كېلىپ چىققان.

خەۋەردە كۆرسىتىلىشىچە، داغىستان جۇمھۇرىيىتى ئۇزۇن مەزگىللىك چىرىكلىك، ئىشسىزلىق ۋە نامراتلىقنىڭ ئازابىغا ئۇچرىغان، زوراۋانلىق ۋەقەلىرى ئۇدا كۆرۈلگەن.