جۇڭگو ئاخبارات تورىنىڭ 9-ئاۋغۇست خەۋىرى: 8-ئاينىڭ 9-كۈنى سەھەردە، لىۋىيە پايتەختى تىرىپولى ش ئا ئە ت لىۋىيەگە ھاۋا ھۇجۇمى قىلغاندىن بۇيانقى ئەڭ كۈچلۈك بومباردىمانغا ئۇچرىغان.

خەۋەرلەردە دېيىلىشىچە، تىرىپولىنىڭ ھەر قايسى جايلىرىدىن كۈچلۈك پارتلاش ئاۋازىنى ئاڭلىغىلى بولىدىكەن، ئامما ئارقا-ئارقىدىن قېچىپ كەتكەن. قۇتقۇزۇش ۋە ئوت ئۆچۈرۈش ماشىنىلىرى تىرىپولىنىڭ شەھەر مەركىزىگە 20 كىلومېتىر كەلمەيدىغان جايغا تېزلىكتە ئاتلانغان، مەزكۇر رايون ئالدىنقى ئىككى كۈندە ش ئا ئە ت ئۇرۇش ئايروپىلانلىرىنىڭ بومباردىمان قىلىشىغا ئۇچرىغان.

لىۋىيە ھۆكۈمەت تېلېۋىزىيە ئىستانسىسى دېيىشىچە، ش ئا ئە ت ئۇرۇش ئايروپىلانلىرى تىرىپولىدىكى ھەربىي ۋە ئاممىۋى ئەسلىھەلەرنى بومباردىمان قىلغان.

چەتئەل ئاخباراتلىرىنىڭ خەۋىرىگە ئاساسلانغاندا، لىۋىيە ھۆكۈمىتىنىڭ باياناتچىسى ئىبراھىم 9-ئاۋغۇست ش ئا ئە ت نىڭ بىر قېتىملىق ھاۋا ھۇجۇمىدا پۇقرالارنىڭ ئۆلىشىنى كەلتۈرۈپ چىقارغانلىقىنى ئەيىبلىگەن.

ئىبراھىمنىڭ دېيىشىچە، لىۋىيەنىڭ غەربىدىكى زلىتان بازىرىنىڭ جەنۇبىغا جايلاشقان ماجىر كەنتى شۇ جاي ۋاقتى 8-ئاۋغۇست ھۇجۇمغا ئۇچرىغان. شۇ جاي ۋاقتى 8-ئاۋغۇست كەچ سائەت 11 ئەتراپىدا، ش ئا ئە ت ئۇرۇش ئايروپىلانلىرى بۇ كەنتنى 3 قېتىم بومباردىمان قىلغان، كۆپلىگەن پۇقرالارنىڭ ئۆلىشى ۋە يارىدار بولىشىنى كەلتۈرۈپ چىقارغان.