جۇڭگو ئاخبارات تورىنىڭ 24-ئىيۇل خەۋىرى: يەمەننىڭ جەنۇبىي قىسىمدىكى ئادىن شەھىرىدە 24-ئىيۇل ماشىنا بومبا پارتلاش ۋەقەسى يۈز بەرگەن، بىر ھەربىي گازارما ھۇجۇم نىشانى قىلىنغان. فرانسىيە ئاخبارات ئاگېنتلىقىنىڭ ئەڭ يېڭى ئۇچۇرىغا ئاساسلانغاندا، پارتلاشتا 8 ئادەم ئۆلگەن، 15 ئادەم يارىدار بولغان.
ئۆلۈم-يېتىم سانلىق مەلۇماتىنى تىببىي خادىملار ئاشكارىلىغان. ھۆكۈمەت ئارمىيىسىنىڭ بىلدۈرۈشىچە، ھۆكۈمەت ئارمىيىسى قىسىملىرى ئادىندىكى ھەربىي ئورگاندىن ئابيان ئۆلكىسىگە ئاتلىنىشقا تەييارلانغاندا پارتلىتىش ھۇجۇمىغا ئۇچرىغان.
يەمەن بىخەتەرلىك قىسىملىرى ئابيان ئۆلكىسىدە ئەل قائىد تەشكىلاتى بىلەن مۇناسىۋىتى بار قوراللىق كۈچلەر بىلەن كەسكىن ئېتىشىۋېتىپتۇ.
ھايات قالغان بىر ئەسكەر:«ئەينى چاغدا بىز ئابيان ئۆلكىسىگە ئاتلىنىشقا تەييارلىنىۋاتقان ئىدۇق، تۇيۇقسىز بىر ماشىنا گازارمىنىڭ ئىشىكى ئالدىغا كەلدى، كېيىن قاتتىق پارتلاش يۈز بەردى» دېگەن.