7-ئاينىڭ 23-كۈنى نەشىردىن چىققان «يەر شارى ۋاقىت گېزىتى» نىڭ خەۋىرىگە ئاساسلانغاندا، ئامېرىكا بىرلەشمە ئاگېنتلىقى 22-ئىيۇل خەۋەر قىلىشىچە، ئامېرىكا تەيۋەن سودىگەرلەر ئۇيۇشمىسى شۇ كۈنى ئاشكارىلىشىچە، ئامېرىكىنىڭ تەيۋەنگە F-16 كۈرەشچى ئايروپىلان سېتىپ بېرىشىنى ئىزچىل ئىلگىرى سۈرۈۋاتقان جۇمھۇرىيەتچىلەر پارتىيىسىنىڭ پارلامېنت ئەزاسى جون بىلەن ئامېرىكا دۆلەت كاتىبى ھىلارى بىردەكلىك ھاسىل قىلغان بولۇپ، 10-ئاينىڭ 1-كۈنىدىن بۇرۇن تەيۋەنگە ئۇرۇش ئايروپىلانى سېتىپ بېرىشىنىڭ ئەڭ ئاخىرقى قارارىنى جاكارلىشى مۇمكىن ئىكەن. بىراق، ئامېرىكا بىرلەشمە ئاگېنتلىقىنىڭ قارىشىچە، ئامېرىكىنىڭ مۇئاۋىن پىرىزدېنتى بىدېننىڭ جۇڭگونى زىيارەت قىلىشى ۋە جۇڭگو رەھبەرلىرىنىڭ ھاۋاينى زىيارەت قىلىشىنى كۆزدە تۇتقاندا، تەيۋەنگە قورال سېتىپ بېرىش سودىسىنى مۇۋاپىقىيەتلىك پۈتۈشۈشنىڭ ئىستىقبالى تازا ياخشى ئەمەس ئىكەن.
تەيۋەن 2006-يىلىلا ئامېرىكىغا 66 دانە F-16C/D تىپلىق ئۇرۇش ئايروپىلانى سېتىۋېلىشنى ئوتتۇرىغا قويغان. جۇڭگو ئامېرىكىنىڭ تەيۋەنگە ئىلغار قورال سېتىپ بېرىشىگە ئىزچىل قارشى تۇرغان.