شىياڭگاڭ ئاخبارات ۋاستىلىرنىڭ خەۋىرىگە قارىغاندا، ئامېرىكىنىڭ كالفورنىيەدىكى بىر شىركەت بىر خىل پۇراق چىقىرىش ئۈسكۈنىسى ياساپ چىققان بولۇپ، پەقەت ئۇنى كومپيۇتىر ياكى ئۇيۇنچۇققا ئۇلاپ قويسىلا، بۇ ئۈسكۈنە ئويۇن كۆرۈنۈشىگە ماس كېلىدىغان پۇراق چىقىرىدىكەن، يەنى ئورمانلىقنىڭ، ياكى دېڭىزنىڭ پۇرىقى. نۆۋەتتە، ھەر بىر پۇراق چىقىرىش ئۈسكۈنىسىنىڭ سېتىلىش باھاسى 69.99 دوللار ئىكەن.
پۇراق چىقىرىش ماشىنىسى ScentScape بولسا يۇمشاق دىتال ئىشلەپچىقىرىش شىركىتى Scent Sciences تەتقېق قىلغان بولۇپ، ئويۇن كۆرۈنۈشىنىڭ ئوخشىماسلىقىغا ئاساسەن، ھەر خىل پۇراقلارنى چىقىرىدىكەن. بۇ ئۈسكۈنىنىڭ ئىچىگە يەنە تەھرىرلەش پىروگراممىسى قاچىلانغان بولۇپ، ئىشلەتكۈچىلەر ئۆزى خالىغان پۇراقلارنى قوشالايدىكەن، ھەم ئۇيۇن ھەۋەسكارلىرى بىلەن ئورتاقلىشالايدىكەن.
بۇ خىل ئۈسكۈنىگە تەخمىنەن 20 خىل پۇراق قوشۇلغان بولۇپ، يەنە پۇراق قۇتىسى قوشۇلغان بولۇپ، ئىشلەتكۈچىلەر ئۆزى خالىغانچە پۇراق قوشالايدىكەن. Scent Sciences شىركىتى بۇ يىلدىن باشلاپ ScentScape نى سېتىشقا باشلايدىكەن.