يەر شارى تورى خەۋىرى نۇر تورى تەرجىمىسى، 11-ئاينىڭ 13-كۈنى خەۋىرى، ئامېرىكىنىڭ داڭلىق كىنو چولپىنى ئاننا ھازاۋاي يېقىندا يېڭى فىلىمى ‹پاجىئەلىك دۇنيا› ناملىق فىلىمدە رول ئېلىش ئۈچۈن كۈندە سۇلۇ يارمىسى يېيىش ئۇسۇلىدىن پايدىلىنىپ 10 كىلوگرام ئورۇقلىغان. ئىگىلىنىشىچە، بۇ فىلىم 12-ئاينىڭ 12-كۈنى ياپونىيىدە قويۇلىدىكەن.

ئىگىلىنىشىچە، بۇ فىلىم ھاگونىڭ داڭلىق ھېكايىسىگە ئاساسەن ئۆزگەرتىپ ئىشلەنگەن بولۇپ، ئاننا ھازاۋاي بۇ فىلىمدە قىزىنى بېقىش ئۈچۈن چاچلىرىنى سېتىپ جان باقىدىغان پاھىشە ئايالنىڭ رولىنى ئالغان. 12-ئايلىق ‹VOGUE› ژۇرنىلى زىيارىتى داۋامىدا ئۇ قارىماققا ‹ئۆلەي دەپ قالغاندەك ›ھالەتتە ئورۇقلاش نىيىتىنىڭ بارلىقىنى ئېيتقان. دەسلەپكى سۈرەتكە ئېلىش ۋاقتىدا ھازاۋاي 5كىلوگرام ئورۇقلىغان. كېيىن كۈندە سۇلۇ يارمىسىنى يەپ 7كىلوگرامدەك ئورۇقلىغان.

ئۆزىگە قاتتىق تەلەپ قويۇپ ئورۇقلىغان بۇ كەسىپ سۆيەر چولپان:‹ئەمەلىيەتتىن ھالقىشنىڭ ھېچ يېرى خاتا ئەمەس. فىلىمدە رول ئالغانىكەنمەن فىلىمدىكى ئوبرازىمنى ھەقىقىي ئاننا ھازاۋاي دەپ بىلىشىم كېرەك. فىلىم ئىشلەپ بولغاندىن كېيىن مەن ئەمەلىيەتكە قايتالماي فىلىمدىكى ئوبرازىم ئىچىدە ياشاپ كەلدىم. مەن ئەمەلىيەتكە قايتىش ئۈچۈن مەلۇم ۋاقىتقا موھتاجمەن›دېگەن.