ياپونىيە مەبىلەغ سېلىش ئورگىنى بولغان «يېڭى چىگرا» تاۋار بىرژىسىنىڭ  لىدىرى  چىچۈەنيەن مۇنداق دېدى:« بىن لادېننىڭ ئۆلۈمىنىڭ تەسىرىدە ماي، ئالتۇننى تۆكمە قىلىپ سېتىلىپ، پايچەك كۆپلەپ سېتىۋېلىندى. بىراق، بۇ ئەھۋال پەقەت قىسقا مەزگىللىك ئەھۋال بولۇپ، بازار يەنە ئەسلى ھالىتىگە قايتىدۇ».     ئامېرىكا مەبىلەغ سېلىش ئورگىنى بولغان چەۋەنداز كاپىتال گوروھى دائىمىي ئىشلار لىدىرى بودې.كېنى مۇنداق دېدى:«بىن لادېنىىڭ ئۆلۈمىنىڭ بازارغا كۆرسەتكەن تەسىرى ھەرگىزمۇ پۈتۈنلەي ئاكتىپ ئەمەس. بۇ بەلكىم ئوتتۇرا شەرىق ۋەزىيىتىنىڭ مۇقىمسىزلىقىنى تېخىمۇ كۈچەيتىۋېتىشى مۇمكىن».
     تۈنۈگۈن «ئەلقائىدە تەشكىلاتى» نىڭ باشلىقى بىن لادېننىڭ  ئامېرىكا ھەربىي كۈچلىرى تەرپىدىن ئۆلتۈرۈلگەنلىك خەۋىرى تارقىلىشى بىلەن، ئاسىيا پايچەك بازىرىدا جىبۇس 500 قەرەللىك مېلى قاتارلىق خەتەردىن ساقلىنىش كاپىتالى گوروھلىرىنىڭ پايچىكى باھاسى ئۆستى. ئامېرىكا دوللىرى كۆرسەتكۈچ سانىمۇ ئۈچ يىلدىن بويانقى ئەڭ تۆۋەن بولغان 72.81 ئورۇندىن ئۆسۈپ 73.72 گە چىقتى. بۇنىڭ تەسىرىدە قىممەتلىك مېتاللار بازاسىمۇ چۈشتى.
     شۇنىڭ بىلەن بىر ۋاقىتتا ، ئاساسلىق ئىستىمال بويۇملىرىنىڭ باھاسى چۈشتى. بۇنىڭ ئىچىدە نيو-يۇرىكتا ماي ۋە مىسنىڭ قەرەللىك مال باھاسى ئايرىم -ئايرىم ھالدا %1.8 پىرسەنىت ۋە %1.1 پىرسەنىت چۈشتى. خەلقئارا ئالتۇن باھاسىمۇ %0.7 پىرسەنىت چۈشۈپ، ھەر ئۇنسىيىسى (يەنى بىر ئۇنسىيە 31.10 گىرامغا تەڭ) 1553 ئامېرىكا دوللىرى بولدى.
     بىراق دىققەت قىلىشقا ئەرزىيدىغىنى شۇكى، تۈنۈگۈن بايراملىق دەم ئېلىش مۇناسىۋىتى بىلەن لوندون بازىردا ھېساپلاش توختىتىلغان بولۇپ،  ئاسىيا ئەتىگەنلىك بازرىى بىر قەدەر مۇقىم بولدى.
     پۈتۈن دۇنيادىكى مەبىلەغ سالغۇچىلار ئۈچۈن ئېلىپ ئېيىتقاندا، بىن لادېننىڭ ئۆلۈمى مەبىلەغ بازىرىنىڭ ئەھۋالىنى ئۆزگەرتەمدۇ ياكى  بىر قېتىملىق پۇرسەتمۇ؟ بولۇپمۇ  ئامېرىكا دوللىرىنىڭ قىممىتى بۇنىڭدىن كېيىن قانداق بولىدۇ؟ قاتارلىق مەسىلەرگە قارىتا فېڭشېڭ بايلىق باشقرۇۇش تەتقىقات ئورنىنىڭ تەتقىقاتچىسى لوجىۋېي مۇخبىغا مۇنداق دېدى:« بىن لادېن ئۆلۈمىنىڭ تەسىرىنى ئىككى جەھەتتىن قاراش كېرەك. ئالدى بىلەن بۇ خەۋەر يەنى بىن لادېننىڭ ئۆلۈمى دۇنيا خەتەردىن ساقلىنىش كاپىتالىغا پايدىلىق. بىراق، پەقەت مەبىلەغ سېلىش كەيپىياتىغاىلا تەسىر كۆرسىتەلەيدۇ.  كاپىتال قىممىتىگە ئۇزاق مەزگىل تەسىر كۆرسىتەلمەيدۇ. ئۇنىڭدىن كېيىن ، بىن لادېنغا ئەگەشكۈچىلەر ئەگەر ئۆچ ئېلىش ھەركىتىنى قوزغىسا،  بۇ كاپىتال بازىرىغا زور تەسىر كۆرسىتىشى مۇمكىن».
     نىفىت ئىكىسپورت قىلغۇچى دۆلەتلەر ئىتتىپاقىدا ئالدىنقى ھەپتە ماي باھاسى  قىسقا ۋاقىت ئىچىدە ئازىراق چۈشۈپلا يەنە ئۆرلەپ كەتتى. نىفىت ئىكىسپورت قىلغۇچى دۆلەتلەر ئىتتىپاقىنىڭ كاتىپى  2-ماي ئېلان قىلغان سانلىق-مەلۇماتلاردا كۆرسىتىلىشىچە، نىفىت ئىكىسپورت قىلغۇچى دۆلەتلەر ئىتتىپاقى بازار تەكشۈرۈش بۆلۈمى نىفىت باھاسىنى ھەر تۇڭى 119.79 ئامېرىكا دوللىرىغا ئۆستۈرگەن بولۇپ، بۇ 2008-يىل 7-ئايدىكى ئەڭ ئاخىرقى بىر ھەپتىدىن بويانقى ئەڭ يۇقىرى باھا بولۇپ ھېساپلىنىدۇ.
    باھا ئورگىنى 18-ئاپىرېل  ئامېرىكىنىڭ ئاساسلىق قەرىز ئىناۋەتلىك دەرىجىسىنى تۆۋەنلەتتى.  ئۇنىڭ ئۈستىگە بازار ماي باھاسىنىڭ داۋاملىق ئۆسۈپ كېتىشىدىن ئەنسىرگەچكە، مايغا بولغان ئېھتىياجنى تەڭشەش قويۇشى مۇمكىن. مۇشۇ تەسىرلەر ئاسىتىدا داۋاملىق ئۆسۈپ، يېڭى رېكورت يارىتىۋاتقان ماي باھاسى 4-ئاينىڭ 3-ھەپتىسىدە ئازىراق چۈشتى. بىراق نىفىت ئىكىسپورت قىلغۇچى دۆلەتلەر ئىتتىپاقى ئەكسىچە نىفىت باھاسىنى ئۆستۈردى