Cnbeta تورىنىڭ 4-ئاينىڭ 5-كۈنىدىكى خەۋىرى، نوكىيا شىركىتىنىڭ يېڭىدىن ۋەزىپە تاپشۇرۇۋالغان باش ئىجرائىيە ئەمەلدارى ستېفېن.ئېلاپ (Stephen Elop) «بۇ يىل شىركىتىمىز WP7 نى ئېلان قىلمايدۇ» دەپ بايانات ئېلان قىلغاندىن كېيىن، نوكىيا شىركىتىنىڭ يەنە بىر ئىجرائىيە ئەمەلدارىنىڭ ئېلان قىلغان باياناتىدا مۇنداق دېيىلگەن:«بۇ يىل نوكىيا شىركىتى ئەڭ كەم دېگەندىمۇ 40 خىل يېڭى پاسوندىكى يانفون بازارغا سالىدۇ. ئۇ 12 خىل يېڭى پاسوندىكى ئەقلىيفۇننىمۇ ئۆز ئىچىگە ئالىدۇ».
نۆۋەتتە، نوكىيا جۇڭگوغا يۈزلىنىۋاتقان بولۇپ، ئۇنىڭ كورىيە ۋە ھىندىستان يانفون سودىگەرلىرى بىلەن بولغان رىقابىتى تېخىمۇ كەسكىنلىشىپ كەتكەن. بۇ خىل رىقابەت تەبىئىي ھالدا نوكىيا مەھسۇلاتلىرىنىڭ بازار ئىگىلەش نىسبىتىنى تۆۋەنلىتىۋەتكەن. ئۇنىڭدىن باشقا، IDC نىڭ ستاتىستىكىسىغا ئاساسلانغاندا، قارال بۆلجۈرگەن، ئالما ۋە گۇگېل قاتارلىقلارنىڭ ئۆتكەن ئىككى يىلدىكى بازار ئىگىلەش نىسبىتى ئۈزلۈكسىز ئېشىپ بارغان.
نوكىيا يانفونلىرىنىڭ بازار ئىگىلەش نىسبىتىگە چوڭ تەسىر كۆرسەتكىنى ھىندىستاننىڭ ئەرزان باھالىق يانفونلىرى ئىكەن. ئىگىلىنىشىچە، بۇ قېتىم ئېلان قىلىنىدىغان 12 خىل ئەقلىيفۇنغا سايپان مەشغۇلات سىستېمىسى ئىشلىتىلىدىكەن.