• مەنبە: it.sohu.com

 

 

 

سوخۇ تورىنىڭ بېيجىڭ ۋاقتى 3-ئاينىڭ 20-كۈنىدىكى خەۋىرى، چەتئەل ئاخبارات ۋاسىتىلىرىنىڭ خەۋەرلىرىگە ئاساسلانغاندا، ئامېرىكا بازار تەكشۈرۈش تەتقىقاتى شىركىتى comScore نىڭ ئېلان قىلغان دوكلاتىدا مۇنداق دېيىلدى:«مىكروسوفتنىڭ ئامېرىكىدا يولغا قويغان تور ۋىدېئوسى مۇلازىمىتىنىڭ ئابونتى 48 مىليون 800 مىڭغا يېتىپ، ئامېرىكا تور ۋىدېئوسى بازىرىدا ئىلگىرىكى يەتتىنچى ئورۇندىن بىراقلا كۆتۈرۈلۈپ ئىككىنچى ئورۇنغا ئۆتكەن.
بۇ يىل ئىككىنچى ئايدا گۇگېلنىڭ قارمىقى ئاستىدىكى ۋىدېئو  تور بېكىتى YouTube نىڭ ئابونتى 140 مىليون110 مىڭغا يەتكەن. بۇ جەھەتتە ياخۇ ۋە  Facebook لار ئايرىم-ئايرىم ھالدا ئۈچىنچى ۋە تۆتىنچى ئورۇندا تۇرغان.
ئەلۋەتتە، مىكروسوفت تور تېلېۋىزىيىسى ئابونتىنىڭ بۇنداق شىددەت بىلەن يۇقىرى كۆتۈرۈلۈشىنى تورداشلارنىڭ Bing Video نى ئىشلىتىشى بىلەن مۇناسىۋەتلىك ئىكەنلىكىگە سەل قارىماسلىق كېرەك. كەسپىي خادىملارنىڭ قارىشىچە، Bing  مۇ بىر قىسىم ۋىدېئولارغا ئىگە ئىكەن. لېكىن Bing دىن ۋىدېئو ئىزدىگەن ۋاقىتتا كۆرۈنىدىغان ۋىدېئولارنىڭ مۇتلەق كۆپ قىسمى يەنىلا YouTube نىڭ ۋىدېئولىرى ئىكەن.
comScore بۇ ھەقتە مۇنۇلارنى ئېلان قىلغان:«بۇ يىل ئىككىنچى ئايدا ئامېرىكا تور ۋىدېئوسى كۆرۈرمەنلىرىنىڭ سانى 170 مىليونغا يەتكەن بولۇپ، ھەر كىشى بۇ بىر ئايدا ئوتتۇرا ھېساب بىلەن تەخمىنەن 13.6 سائەت ئەتراپىدا ۋىدېئو كۆرگەن.