گۋاتېمانىڭ پايتەختى گۋاتېما شەھىرىنىڭ سىرتىغا جايلاشقان بىر جىلغىدا، نەچچە يۈزلىگەن كىشى ھەركۈنى دېگۈدەك شۇ يەردە «ئالتۇن كولايدىكەن». ئۇلار ئۇيەردىن يۇقىرى ئېقىندىكى ئەخلەت دۆۋىسىدىن ئېقىپ چۈشكەن ئۈزۈك، بىلەيزۈك قاتارلىق زىننەت بۇيۇملىرىنى ۋە يىغىۋېلىشقا بولىدىغان مېتال بۇيۇملارنى تېرىۋالىدىكەن. ناۋادا زىننەت بۇيۇملار بولمىسا، بۇرما مىخ، جۈمەك قاتارلىق ئەسكى-تۈسكىلەرنى يىغىۋالىدىكەن ھەمدە ھەر كىلوگرامىنى 1.9 ئامېرىكا دوللىرى ئەتراپىدا ساتىدىكەن.