شىنخۇا ئاگېنتلىقى،تېھران،12-فېۋرال تېلىگىراممىسى:

تۈنۈگۈن ئىراننىڭ ھەرقايسى جايلىرىدا ئىران ئىسلام ئىنقىلابى غەلىبە قىلغانلىقىنىڭ 33 يىللىقىنى خاتىرىلەش پائالىيىتى ئۆتكۈزۈلدى،نەچچە ئون مىڭ ئىرانلىق پائالىيەتكە قاتناشتى.

شۇ كۈنى ئىراننىڭ پايتەختى تېھراندىكى <ئازاد> مەيدانىغا 30 مىڭچە ئامما يىغىلىپ،1979-يىلى غەلىبە قىلغان ئىران ئىسلام ئىنقىلابىنى خاتىرىلىدى.بەزى نامايىشچىلارنىڭ قولىدىكى <ئامېرىكا ئۆلۈمگە مەھكۇم> دېگەن خەتلەر يېزىلغان لوزۇنكا كۆزگە ئالاھىدە چېلىقتى.