18-يانۋار، بېيجىڭ ۋوگزالى تۇمان ئارىسىدا قالدى. شۇ كۈنى بېيجىڭنى تۇمان قاپلىدى، بېيجىڭ ھاۋارايى ئىستانسىسى سائەت 7دىن 55 مىنۇت ئۆتكەندە تۇمانلىق ھاۋارايىدىن سېرىق رەڭلىك ئاگاھلاندۇرۇش سىگنالى بەردى. (شىنخۇا ئاگېنتلىقى تارقاتقان)

تۈنۈگۈن بېيجىڭ شەھىرىنى تۇمان قاپلاپ، كۆرۈنۈش دەرىجىسى بىر كىلومېتىرغىمۇ يەتمىدى، ھاۋا سۈپىتى ئوتتۇرا دەرىجىلىك بۇلغاندى. ھاۋارايى ئىستانسىسىنىڭ ئېيتىشىچە، تۇمانلىق ھاۋا رايى 21-يانۋارغىچە داۋاملىشىپ، بۈگۈن شەرقىي جەنۇب بىلەن غەربىي جەنۇب رايونلىرىدا «ئېغىر دەرىجىدە بۇلغىنىش» كۆرۈلۈشى، شەھەر ئالتە رايونىدىمۇ «ئوتتۇرا دەرىجىلىك بۇلغىنىش» بولۇشى مۇمكىن ئىكەن.