نايىك شىركىتى سېتىلىش باھاسىنى 180 ئامېرىكا دوللىرى دەپ ئېلان قىلغان «ئۇچقۇر ئادەم جوردان» ماركىسىنىڭ يېڭى پاسونلىق تەنھەرىكەت ئايىغى 24-دېكابىر ئامېرىكىدا بازاغا سېلىندى. بۇ ئاياغ چەكلىك سېتىلغانلىقتىن سېتىۋالغۇچىلار تالىشىپ سېتىۋېلىپ، مالىمانچىلىق كېلىپ چىقتى.

«ئۇچقۇر ئادەم جوردان» ماركىلىق يۈرۈشلۈك مەھسۇلاتلار 1984-يىلىدىن باشلاپ بازارغا سېلىنغان بولۇپ، بۇندىن بۇرۇنمۇ ئاياغ سېتىۋېلىش سەۋەبلىك ئادەم قازا قىلىش ۋەقەسى يۈز بەرگەن ئىدى. بۇ يۈرۈشلۈك مەھسۇلاتتىن ھەر يىلى بىر يېڭى پاسوندىكى ئاياغ بازارغا سېلىنىدىغان بولسىمۇ، يېقىنقى بىر نەچچە يىلدا بۇنىڭدەك تالىشىپ سېتىۋېلىش ئەھۋالى ناھايىتى ئاز كۆرۈلگەن.