بىرازىلىيەنىڭ سان پاۋلو شەھىرىدە بىر مەيدان چوڭ كۆلەمدىكى «ئادەم بەدىنى كۆرگەزمىسى» ئۆتكۈزۈلدى. ھەر بىر راست ئادەم جەسىتى ئالاھىدە تېخنىكا ئارقىلىق بىرتەرەپ قىلىنىپ، سۇ ۋە ماينى چىقىرىۋېتىپ، ئادەم بەدىنىنىڭ مۇسكۇل توقۇلمىسىنى ھەتتا ھەر بىر ئورگىنىنى مۇكەممەل ساقلاپ قالغان بولۇپ، ھەرگىز غەيرى پۇراق ياكى سېسىپ كېتىش ئەھۋالى كۆرۈلمەيدىكەن. «جەسەت» دەپ ئاتالغان بۇ كۆرگەزمە ، ئاڭلاشقا بىر ئاز قورقۇنۇچلۇق بىلىنسىمۇ، ئەمەلىيەتتە بۇ جەسەتلەر ھەر خىل قىزىقارلىق شەكىلدە قويۇلغاچقا، يەنىلا نۇرغۇن ھەر خىل ياشتىكى ئاھالىلەرنى ئۆزىگە قىزىقتۇردى. بەزى ئاتا-ئانىلار بۇ كۆرگەزمىدىن پايدىلىنىپ بالىلىرىغا ئادەم بەدىنىنىڭ قۇرۇلمىسىنى چۈشەندۈردى.