شىنخۇا ئاگېنتلىقى،موسكۋا،3-ئۆكتەبىر تېلىگىراممىسى:

رۇسىيەنىڭ شىمالىي ئاتلانتىك ئەھدى تەشكىلاتىدا تۇرۇشلۇق باش ئەلچىسى راگوزىن تۈنۈگۈن موسكۋادا مۇنداق دېدى: رۇسىيە بىلەن شىمالىي ئاتلانتىك ئەھدى تەشكىلاتىنىڭ باشقۇرۇلىدىغان بومبىغا قارشى تۇرۇش مەسىلىسىدە ئېلىپ بارغان سۆھبىتى چەكلىك بولسىمۇ، لېكىن ئىككى تەرەپ يەنىلا يول قويۇشى مۇمكىن.

راگوزىن مۇنداق دېدى: ياۋروپا باشقۇرۇلىدىغان بومبا سىستېمىسىنى ياۋروپاغا ئورۇنلاشتۇردى، رۇسىيە ياۋروپا قىتئەسىگە تەۋە دۆلەت، شۇڭا باشقۇرۇلىدىغان بومبا سىستېمىسى يالغۇز ئامېرىكىلىقلارنىڭلا ئىشى ئەمەس، ياۋروپانىڭ باشقۇرۇلىدىغان بومبىغا قارشى　سىستېمىسىغا رۇسىيە قاتناشمىسا ئادەمنىڭ ئەقلى يەتمەيدۇ. راگوزىن مۇنداق دېدى: رۇسىيە ھەر قانداق ئېغزاكى ۋەدىگە ئىشەنمەيدۇ، شىمالىي ئاتلانتىك ئەھدى تەشكىلاتىدىن قانۇنىي كاپالەت بېرىشنى،　باشقۇرۇلىدىغان بومبىغا قارشى سىستېمىسىنى رۇسىيەگە قاراتمايدىغانلىقى ھەققىدە ۋەدە بېرىشنى تەلەپ قىلىدۇ. ئۇ: بۇ خىل كاپالەت خەلقئارا كېلىشىمگە يېزىلىشى كېرەك دەپ تەكىتلىدى.