تەييارلىغۇچى: مۇھەممەد تۇرسۇن ( بىرزات)
نورۇز كىلىپ ئەڭ بۇرۇن ياشىردىغان كۆكتاتلارنىڭ ئەۋۋىلى بېدە بولسا كېرەك.
ماتېرياللاردا ئېيتىلىشىچە بېدەكۆكنىڭ تەركىبىدە ئاقسىل، ۋىتامىن A, B, C, E, ساتۋول، كوۋمېترول، فورمونونېتىن، دەيدزئېن، ترىرسىن، ستروللىن، كانالىنلار بار ئىكەن.
قەشقەر تەرەپلەردە كىشىلەر بېدە يېڭى بىخ سۈرۈپ چىققىلى تۇرغاندا ئۈزۈپ ئىلىپ << كۆك >> نامى بىلەن ئوتياش ئورنىدا تاماقلارغا ئىشلىتىپ كۆك چۈچۈرىسى، كۆپ سامسىسى دېگەندەك تاماق-غىزالارنى ئېتىپ يېيىشنى ئالاھىدە ياخشى كۆرىدۇ.
كۆكنىڭ تەبئىتى ھۆل سوغۇق بولۇپ كۆپۈنچە ھاللاردا كۆك چۆچۈرسىنى قوي مېيى بىلەن ئارىلاشتۇرۇپ ئىتىدۇ. بۇنداق بولغاندا يېڭى كۆك ھەم تەملىك ھەم سوغۇق كەلمەيدىغان بولىدۇ.
كۆكنىڭ شىپالىق رولى : تەرەتنى يۇمشىتىش، ئىششىق قايتۇرۇش، جىنسىي قۇۋۋەتنى ياخشىلاش، بەدەننى سەمىرتىش ، كۆرەكنىڭ قۇرۇقلىقىدىن بولغان قۇرۇق ھۆتەللەرنى پەسەيتىش , قان تەركىبىدىكى مىكروبلارنى ئۆلتۈرۈش، قان ئايلىنىشنى راۋانلاشتۇرۇش، غەيرىي تەبىئىي خىلىتلارنى سۈرۈش.
قاتارلىق خۇسۇسىيەتلەرگە ئىگە. يەنە بېدىدە گۈلقەنت ياساپ ئىستىمال قىلسا يۇقۇردىكى تەسىرلەرنى بېرىش بىلەن بىرگە قان تولۇقلاش، ئۈچەينى سىلىقلاپ قەۋزىيەتنى راۋان قىلىش، ھەيزنى ماڭدۇرۇش قاتارلىقلارغا ئۈنۈمى بولىدۇ.
بېدە كۆكى تەركىبىدە كالتىسىي ،فوسفور قاتارلىق مېنىرال ماددىلار ۋە ھەر خىل ۋىتامىنلار خېلى مول بولغاچقا ،ئۇ ساقلىقنى ساقلاشتا مۇھىم رول ئوينايدۇ .
1. بېدە كۆكىنى سوقۇپ ، سۇس ئوتتا قورۇپ ،قايماق بىلەن ئارىلاشتۇرۇپ كۈندە ئىستىمال قىلىپ بەرسە ،سۈيدۈكنى راۋانلاشتۇرۇپ ،پەي تارتىشىش ۋە نەپەس سىقىلىشقا مەنپەئەت قىلىدۇ ،شۇنداقلا چوڭ تەرەتنى راۋانلاشتۇرۇپ ،قەۋزىيەتنىڭ ئالدىنى ئالىدۇ .
2. بېدە كۆكىنى ئىزىپ ، ھەسەلگە ئارىلاشتۇرۇپ ئىششىغان جايغا چاپسا ، ئىششىقنى ياندۇرۇپ، ياللۇغنى قايتۇرىدۇ .
3. بېدە كۆكىنى سوقۇپ قورۇپ ، شېكەر بىلەن قوشۇپ بىر مەزگىل ئىستىمال قىلىپ بەرسە ، بەدەننى قۇۋۋەتلەپ ، قاننى كۆپەيتىدۇ .
4. يېڭى چىققان بېدە كۆكىنى قۇرۇتۇپ ، چاي بىلەن دەملەپ ئىچىپ بەرسە ، ئىشتىھانى ئاچىدۇ، قاندىكى ياغ مىقدارىنى تۆۋەنلىتىدۇ .
5. بېدىنىڭ سۈيىدە بوۋاسىرنى يۇيۇپ بەرسە، قان توختىتىدۇ.
6. بېدىنى سايىدا قۇرۇتۇپ، ئاندىن يۇمشاق سوقۇپ، مۇۋاپىق مىقداردا سۇدا قاينىتىپ، كۆپۈكىنى ئېلىۋېتىپ، بىر يېرىم كىلوگرام ھەسەل ئارىلاشتۇرۇپ بېدە مۇرابباسى تەييارلاپ، كۈندە ئۈچ قېتىم، ھەر قېتىمدا ئون گرامدىن يەپ بەرسە يەل ھەيدەيدۇ. چوڭ تەرەتنى راۋانلاشتۇرىدۇ، چاچ چۈشۈش، چاچ بالدۇر ئاقىرىش ۋە بالدۇر قورۇق چۈشۈشنىڭ ئالدىنى ئالىدۇ.
7. بېدىنى كۆپرەك يەپ بەرسە، تېرىنى پارقىرىتىپ، قورۇقنى يوقىتىپ يۈزنى نۇرلاندۇرىدۇ.
8. بېدىدىن 35 گرام ئېلىپ، سۇدا قاينىتىپ ئىچىپ بەرسە، بەزگەككە مەنپەئەت قىلىدۇ.
9. بېدىدىن مۇۋاپىق مىقداردا ئېلىپ، دەملەپ چاي ئورنىدا ئىچىپ بەرسە، ھەزىم بۇزۇلۇش ۋە ئىسسىق ئۆتۈشكە مەنپەئەت قىلىدۇ.
10. بېدىنى سوقۇپ، سۈيىنى چىقىرىپ يەرلىك ئورۇنغا سۈركەپ بەرسە، قان بۇزۇلۇش سەۋەبىدىن بولغان بەدەن قىچىشىشقا مەنپەئەت قىلىدۇ.(تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.) |
