ئادەتتە بەزى كىشىلەر بېشى ئاغرىسىلا ئالدىراپ ئاغرىق توختىدىغان دورىلارنى ئىچىدۇ، بۇنداق قىلغاندا دورا ئەكىس تەسىر بېرىپ قويىشى مۈمكىن. شۇڭا باش ئاغرىغاندا تۆۋەندىكى ئۇسۇللارنى سىناپ بېقىش كېرەك.
1. يېتىپ ئارام ئېلىش: بېشىنى ئىگىز قىلىپ، 10 مىنۇت يېتىۋالسا، جىددىيلىك پەيدا قىلغان باش ئاغرىقىنى يېنىكلەتكىلى بولىدۇ.
2. بويۇننى نەمدەش: سوغاق سۇغا چىلانغان لۆڭگىنى ئۈچ مىنۇتتا بىر قېتىم ئالماشتۇرۇپ بويۇننى نەمدەپ بەرسە، قان ئايلىنىش توسالغۇغا ئۇچراشتىن پەيدا بولغان باش ئاغرىقىغا مەنپەئەت قىلىدۇ.
3. پۇتنى يۇيۇش: ئىككى جاۋۇرغا ئايرىم-ئايرىم ئىسسىق ۋە سوغاق سۇ ئېلىپ، ئىككى پۇتنى نۆۋەتلەشتۈرۈپ چىلاپ بەرسە، قان ئيلىنىش توسالغۇغا ئۇچراشتىن پەيدا بولغان باش ئاغرىقى توختايدۇ.
4. نەپەسلىنىش ھەركىتى: دېرىزىنى ئېچىۋېتىپ، چوڭقۇر نەپەس ئالسا، مىڭىگە ئوكسىگىن يېتىشمەسلىكتىن كېلىپ چىققان باش ئاغرىقىغا مەنپەئەت قىلىدۇ.


مەنبە: « شىنجاڭ مائارىپى » ژورنىلى