سۆيەلمەمدىم سېنى مەنمۇ باشقىلاردەك سۆيەلمەمدىم، مەشۇقۇم دەپ ساڭا كۆڭۈل بېرەلمەمدىم. سۆيگۈنۈمنى پەقەت بىررەت بىلسەڭ سەنچۈن، سۇغا چۈشۈپ ئوتلارغىمۇ كىرەلمەمدىم.
مۇھەببىتىم مەڭگۈ ساڭا دېسەڭ بىررەت، قۇلۇڭ بولاي مەڭگۈ ساڭا دىيەلمەمدىم. پۇرىسا گەر ئىللىق ھېدىڭ باياۋاندا، سېنى ئىزلەپ چۆل-باياۋان كېزەلمەمدىم.
ھايات شامىم يانار ئىدى سەن بىلەن تەڭ، ئوتۇڭ يانسا كۆيۈپ ئۇندا ئېرەلمەمدىم. سۆيگۈ ۋاپا باغلىرىغا بىللە كىرسەڭ، سەنچۈن سۆيگۈ ئۇرۇقىنى تېرەلمەمدىم.
ۋىسالىڭ گەر ئېقىپ كەتسە يىراقلارغا، ۋىسال ئىزلەپ دەريالاردا ئۈزەلمەمدىم. ئاچچىق دېمە قول يەتمىگەن ئۈزۈمنىمۇ، مەيلىڭ بولسا ئامال قىلىپ ئۈزەلمەمدىم.
ياياق يۈرۈپ يىقىلساڭ گەر دەشت-چۆلدە، قولۇڭ تۇتۇپ،تىك تۇرغۇزۇپ يۆلەلمەمدىم. ئۆلۈم كېرەك بولسا يايرىم سېنىڭ ئۈچۈن، ئەزىز جاندىن كېچىپ مەنمۇ ئۆلەلمەمدىم.
كۈلۈپ باقساڭ ئۇچراشقاندا ماڭا بىررەت، تاجۇ-تەختىم سەن مىنىڭ دەپ بىلەلمەمدىم. رەنجىمىگىن چۈنكى مەنبىر سەۋدايىمەن، ھېچ بولمىسا سەندىن سۆيگۈ تىلەلمەمدىم.
ئاپتۇرى:ئەنۋەر تۇراخۇن (مەجنۇنتال) 2010.4.25
(تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.) |
