قەلەمكەش ئاكا ئاغىنەم ئابدۇرسۈل سىيتقا ئوچۇق خەت

ئەسسالامۇ ئەلەيكۇم ئابدۇرۇسۇل ئاكا ! ياخشى تۇرىۋاتامسەن ، مىھماندوس ، خۇش چاخچاق ، مەردانە ئوغلانلارنىڭ ئارىسىدا كۆلكە چاخچاق بىلەن ئولتۇرۇپ يەنە چاقچاقچىلارنىڭ تارىخى كەچۈرمىشلىرى بىلەن ئادەمنىڭ باغرىنى ئىزىدىغان رىئال قىسمەتلىرى ھەققىدە ئىزدىنىپ يۇرىۋاتامسەن ؟ سەن بىلەن ئالدىنقى يىلى توققۇس تارادا ھال مۇڭ بولغانچە مەن ئوقۇش سەۋەپلىك قايتا دىدارى مۇلاقەت بۇلۇش نىسپ بولمىغان بولسمۇ لىكىن سەن « ئىلى دەرياسى » ژۇرنىلىدا ئۈزۇلدۇرمەي ئىلان قىلىۋاتقان چاخچاقچىلارنىڭ كەچۈرمىشلىرى ھەققىدىكى تەسىرلىك ۋە چىن بايانلاردىن بەزىدە ھۇزۇر ئالسام بەزىدە كۆزلىرىمگە ياش ئىلىپ . ئۇلار بىلەن بىزنىڭ قەلبىمىزنىڭ ئۇلىنىشى ئۈچۈن كۆۋرۇك بۇلىۋاتقان ھالال ھەم سەمىمى ئەمگەكلىرىڭگە بولغان ھۈرمىتىم ئاشقان بولسا ، ئابلىكىم ھەسەننىڭ باھانىسى بىلەن ئابدۇخىلىل مىرخىلىل ئاكنىڭ خۇشچاقچاق ئوچۇق مىجەزى . دولقۇن روزىنىڭ ئۆتكۇر پىكىرلىرى . شەۋكەت ئىبراھىمنىڭ سەممىيتى . ئەدىھەم ئىبراھىمنىڭ تەمكىن ۋە ئوچۇقلىغى . شېئىرىيەت گۈلزارىدىكى بىر جۈپ گۈل بولغان دىلمۇھەممەد جەفەرى ۋە ئابلەھەت زەپەرىلەر بىلەن تونۇشقانلىغىمدىن پەخىرلىك ھىسياتقا چۈمدۇم
شۇ تاپتا چاخچاق ۋە ئۇيغۇر سەنئىتىگە يات بىر ماكاندا ئولتۇرۇپ سىلەر بىلەن قىسقا ئەمما كۆڭۇللۇك ئۆتكەن بىر نەچچە كۇنلۇك ھاياتىم توغۇرسىدا ئويلىنىپ غىرىپچلىق خاندانغا مەھكۇم بولغىنىمدا ئوت يۇرەك شائىر قەلەمكەشلەرگە . سەنئەتكارلارغا ، ئىلى باللىرىنىڭ بىشىغا نى نى قىسمەتلەر كەلسمۇ ئەسىرلەردىن بىرى دىھقانغا ئوزۇق ، شائىرغا ئىلھام بۇلۇپ ئەلنى ئۆز ئانىسدەك باغرىغا ئىلىپ پەرۋىش ئەتكەنچە ئۆز سەپىرىنى داۋام ئېتىدىغان دولقۇنلۇق ئىلى دەرياسى ۋە سىلەرنىڭ ئايىغىڭلارغا پايانداز بۇلىۋاتقان خۇشپۇراق گۈل باغلار بىلەن ھاياتنىڭ پەيزىنى سەن بىلەن بىللە سۇرىدىغان بارلىق قەدىردانلارغا سەن ئارقىلىق سالام يوللۇغۇم كەلدى
چۈنكى مەن سىلەرنىڭ ئاراڭلاردا بولسام ھەرگىزمۇ غىرىپسنماس ئىدىم . ياقا يۇرىتتا ئولتۇرۇپ سىلەرنىڭ قىزغىن كەيپىيات ئىچىدە داۋام ئىتىدىغان سورۇنلىرىڭلارنى ئەدەبىيات ، تارىخ ھەققىدىكى پىكىرلەرنىڭ ئۇچۇرششىلىرىنى . ئەسئەت ئابدۇرشىتنىڭ چىراينى ئۆزگەرتمەي تۇرۇپ قىلىدىغان چاخچاقلىرىنى ئاڭلاشقا . ئاۋاز قوشۇشقا مۇيەسسەر بۇلار ئىدىم . دەپ ئويلاپ بارلىق بۇرادەرلەرنى چۇڭقۇر سىغىنىش ئىچىدە ئەسلىدىم
مەن دوستلارغا سەن ئارقىلىق سالام يوللاش بىلەن بىرگە سەن بىلەن ئىلى چاخچاقلىرى ۋە چاقچاقچىلىرى ھەققىدە ئورتاقلاشماقچى . بۇ مەسلە مىنى ئىزچىل ئويغا سىلىپ كىلىۋاتقان بولغاچقا بەزى كۆڭۈل سۆزلىرىمنى سالامىم بىلەن قوشۇپ ئېيتىش قارارغا كەلدىم
ئاتا بوۋىلىرىمىز ھۇنەر نەسەپتىن ئارتۇق دەپ ئەر كىشىنىڭ ھۇنەر ۋە ماھارەت يىتىلدۇرشى توغۇرلۇق بىزگە نەسىھەت قىلىپ ئەر كىشىنىڭ يۇزىنى يورۇق قىلىدىغان ئون خىل ماھارەت ھەققىدە سۆزلەپ ئەڭ ياخشسى سۆزلەش ماھارىتى دىگەن ئىكەن . قابۇسنامىدە بۇ توغۇرلۇق مۇنداق بىر گەپ بار . ئەي ئوغۇل تىرىشىپ تىلىڭنى سۆزلەش ماھارىتى ۋە پاساھەت بىلەن بىزىگەيسەن . خەلىققە تاتلىق تىل بىلەن گۈزەل سۆزلەشنى ئادەت قىلغايسەن . ھەركىمنىڭ تىلى تاتلىق بولسا ئۇنىڭ دوستى كۆپ بۇلىدۇ . سۆزگە ئۇستا كىشى ھەر بىر سۆزنىڭ ئورنىنى تاپمىسا ئىيتمايدۇ . چۇنكى ھەر قانداق سۆز ئۆز جايىدا سۆزلەنمىسە ھەر قانچە گۈزەل بولسىمۇ تېتىقسىز بىلىنىدۇ (تەھرىرلىگۈچى:admin ئەسەر ئورتاقلاشقاندا مەنبەنى ئۇنۇتماڭ.)