‍‍    ئەنگىلىيە ‹‹ كۈندىلىك پوچتا گېزىتى ›› نىڭ 5-مايدىكى خەۋىرىگە قارىغاندا ، ئەرەب بىرلەشمە خەلىپىلىكى خەلقئارا ئاۋىياتسىيە شىركىتى بەش يۇلتۇزلۇق مېھمانساراينى ئايروپىلانغا ‹‹ كۆچۈرۈپ ›› ، ئالاھىدە ھەشەمەتلىك مۇلازىمەت تۈرىنى يولغا قويغان . ئىگىلىنىشىچە ، بۇ ئايروپىلاندا تاق مۇساپە ئۈچۈنلا 12 مىڭ 500 فوندستېرلىڭ ( تەخمىنەن 130 مىڭ يۈەن خەلق پۇلى) كېتىدىكەن .

‍‍‍‍    بۇ ھەدىدىن زىيادە ھەشەمەتلىك مۇلازىمەت ئەرەب بىرلەشمە خەلىپىلىكى خەلقئارا ئاۋىياتسىيە شىركىتى يولغا قويغان يېڭى مۇلازىمەت تۈرى بولۇپ ، بەش يۇلتۇزلۇق مېھمانسارايدەك بېزەلگەن بۇ ئىككى ئايروپىلان ئايرىم –ئايرىم ھالدا ھاۋادىكى ئاپتوبوس A380 بىلەن بوئىن 787 ئارزۇ ئايروپىلانى ئىكەن . بۇ ئايروپىلانلارنىڭ ئىچىگە ياتاق ئۆي ، مۇنچا ، مېھمانخانا ، قوش كىشىلىك كارىۋات ، كەڭ ئېكرانلىق تېلېۋىزور ۋە سىمسىز تور ئورۇنلاشتۇرۇلغان . بۇندىن سىرت ، يەنە ئايروپىلاندا مەخسۇس ئائىلە خادىمى بار بولۇپ ، يولۇچىلارنى ئەتراپلىق مۇلازىمەت بىلەن تەمىنلەيدىكەن .