كىچىك بالىلار ئاڭلاشنى ئەڭ ياخشى كۆرىدىغان 40 جۈملە كىچىك بالىلارغا دائىم دېيىلىدىغان سۆزلەرنىمۇ تاللاپ دېيىش كېرەك، چۈنكى ئۆيدە كۆپ تەكرارلىنىدىغان سۆزمۇ تەبىئىي ھالدا ئەمدىلا تىلى چىقىۋاتقان بالىڭىزنىڭ تىلى چىققاندا تولا دەيدىغان گېپىگە ئايلىنىدۇ. بەزى مەدەنىيەتسىز گەپلەرنى ئاتا-ئانىلار ئىشلەتسە كىچىك بالىمۇ تېزلا شۇ گەپنى ئۆزىنىڭ "شۇئارى" غا ئايلاندۇرۇۋالىدۇ. شۇڭا بالىغا دەيدىغان گەپلەرمۇ تاللانغان بولسا بالىنىڭ ئەخلاق، ئەقىل، تەپەككۇرىغا تەسىر كۆرسىتىدۇ. تۆۋەندە پىسخىكا مۇتەخەسسىسلىرى ئوتتۇرىغا قويغان بالىلار ئاڭلاشنى ئەڭ ياخشى كۆرىدىغان 40 جۈملىنى ھوزۇرۇڭلارغا سۇنىمىز: dkZئاقيول تور بىكىتى

dkZئاقيول تور بىكىتى

1. بىز ئەمدى ئويۇن ئوينايلى. 2. ئاپاڭ ئويلىيالمىغاننى سەن ئويلاپسەن ھە! 3. يۈرەكلىك بىلەن قىلغىن، خاتا قىلساڭ ھېچ گەپ يوق، ئەڭ مۇھىمى خاتالىقىڭنى تونىساڭ بولدى. 4. بىئارام بولغاندا دەۋەتسەڭ ياخشىراق، مەن سېنىڭ ھازىرقى ھېسسىياتىڭنى ناھايىتىمۇ چۈشۈنۈپ تۇرۇپتىمەن، مەن ساڭا ياردەملىشىپ ھەل قىلىشىپ بېرىمەن. 5. ئامال ھامان قىيىنچىلىقتىن كۆپ بولىدۇ. 6. مەن سېنىڭ كۈلگەن ۋاقتىڭنى بەك ياخشى كۆرىمەن. 7. ئۆزۈڭگە ئىشەنگىن. 8. سەن ناھايىتى ئەقىللىق، ئاسان ئۇسۇل بىلەن بۇ قىيىن مەسىلىنى ھەل قىلغىن. 9. سېنىڭ گېپىڭنىڭ ئاساسى بار، داۋاملىق سۆزلىگىن. 10. سەن ھېلىمۇ كۆپ تىرىشتىڭ، يەنە ئازراق تىرىشساڭلا بۇ مەسىلە ھەل بولۇپ كېتىدۇ.dkZئاقيول تور بىكىتى

11. سېنىڭ نېمە يېگۈڭ بار؟ بىز بىللە ئېتەيلى بولامدۇ؟ 12. بالام، غەيرەت قىلغىن، سەن چوقۇم قىلالايسەن! 13. قېنى ئىككىمىزدىن كىم بۇرۇن ئۆيگە يۈگۈرۈپ بارالايدۇ. 14. سەن يەنە ئۆسۈپسەن! 15. بالام، سەن بەك ئىش ئۇقىسەن جۇمۇ، ئاپاڭغا ياردەملىشىپ جىق ئۆي ئىشلىرى قىلىپ بەردىڭ. 16. سەن شۇنداق نوچى تۇرساڭ يەنە ئاپاڭنىڭ ياردىمىگە ئېھتىياجلىقمۇ؟ 17. ئويلاپ باقە، بۈگۈن سېنى ئەڭ خۇشال قىلغان ئىش قايسى؟ 18. كەچۈرگىن ھە، مەن سېنى خاتا چۈشۈنۈپ قاپتىمەن. 19. بۈگۈن دوستۇڭ بىلەن بىللە ئويناپ خۇش بولدۇڭمۇ؟ نېمىشقا؟ 20. بۇ ئىشقا سەن قانداق قارايسەن؟ قانداق ھەل قىلىش ئۇسۇللىرىڭ بار؟ 21. بۇ مەسىلىنى بىز ھەممىمىز ئۇقمايدىكەنمىز، لېكىن بىز بىرلىكتە ماتېرىيال ئىزدەپ باقساق بولىدۇ. 22. يىغلىغۇڭ كەلگەن بولسا يىغلىۋالغىن، يىغلاپ بولغاندىن كېيىن بۇرۇنقىغا قارىغاندا تېخىمۇ چىدامچان بولۇپ كېتىسەن. 23. بەدىنىڭنىڭ قەيەرى بىئارام بولىۋاتىدۇ؟ 24. بۇ ئايدا چىقىمىڭ ئېشىپ كەتتى، قېنى ئىككىمىز بەسلىشىپ باقايلى، كىم ئەڭ تېجەشلىككىن؟ 25. بۈگۈن داداڭ-ئاپاڭنىڭ خاتا قىلغان يەرى بارمۇ؟ قانداق قىلساق توغرا بولاتتى؟ 26. بىز ئۆگىنىشكە تېگىشلىك نەرسىلەر بەك كۆپ، ئالدىرىمىغىن، بىر-بىرلەپ كېلەيلى. 27. بىزگە دېگۈڭ يوق گەپلەرنى ئۆزۈڭگە دېسەڭمۇ بولىدۇ، ئۆزۈڭگە توغرا مۇئامىلە قىلغىن. 28. سەن ئاۋۋال ئىنچىكىلىك بىلەن ئويلىشىپ باققىن، مېنىڭ سوئالىمغا جاۋاب بېرىشكە ئالدىرىمىغىن. 29. ئاپاڭ بىردەم ئارام ئېلىشقا مۇھتاج، سەن ئۆزۈڭنى ياخشى كۈتكىن ھە. 30. سېنىڭ قايسى مىسالغا تازا ئىشەنچىڭ يوق؟ 31. بۆجەنچاق سېنىڭ ئۇنىڭغا غەمخورلۇق قىلىشىڭغا مۇھتاج. 32. يالغانچى بالىلارنى باشقىلار ياخشى كۆرمەيدۇ، راستچىل بولغىن ھە! 33. سەن ئەسكەرتىپ قويغاچقا ئاپاڭ ئاچقۇچنى ئۇنتۇپ قالمىدى. 34. سەن چوقۇم باشقىلارغا تايىنىشنىڭ ئۆزىگە تايىنىشقا يەتمەيدىغانلىقىنى بىلىشىڭ كېرەك. 35. يەنە بىر قېتىم قىلىپ قاراپ باققىن، نەتىجىسىدە قانداق ئوخشىماسلىق بولىدىكىن، 36. كۆپچلىكنىڭ ھەممىسى سەن ئېيتقان ھېكايىنى ئاڭلاشنى ياخشى كۆرىدۇ. 37. ھېچقىسى يوق، سەن كۆپرەك ماتېرىيال كۆرۈپ ئىزدەنگىن! 38. بۈگۈن يىقىلىپ چۈشۈپمۇ يىغلىمىدىڭ، يارايسەن، بۇندىن كېيىن كۆپرەك دىققەت قىلغىن! 39. ئاپاڭ بۇنچە كۆپ نەرسىنى كۆتۈرۈپ بولالمايدۇ، كىم ئاپاڭغا ياردەم قىلار؟ 40. سەن ھەقىقەتەنمۇ ئەدەپلىك جۇمۇ، بىز ھەممىمىز سەندىن ئۆگىنىشىمىز كېرەك. پىسخىكىنىڭ كۈچىگە ھەرگىز سەل قارىماڭ، بەزىدە ئاددى بىر جۈملە سۆزمۇ ئادەمنىڭ ھاياتىغا تەسىر كۆرسىتىشى مۇمكىن! dkZئاقيول تور بىكىتى

dkZئاقيول تور بىكىتى
dkZئاقيول تور بىكىتى