ئوخشىمىغان ياش قاتلىمىدىكى بالىلارنىڭ زۇكامداپ قېلىشىنىڭ ئالدىنى ئېلىش ئۇسۇلىمۇ ئوخشىمايدىكەن .
    نۆل ياشتىن بىر ياشقىچە بولغان بالىلارغا سۇيۇق ۋە يۇمشاق يېمەكلىكلەرنى بېرىش كېرەك . چۈنكى بوۋاقلارنىڭ يۇقىرى نەپەس يولى تولۇق يېتىلىپ بولالمىغاچقا ، ئىممۇنىتېت كۈچىمۇ ئاجىز بولىدۇ .  ئەگەر بالىنىڭ ھالىدىن ياخشى خەۋەر ئېلىنمىسا ياكى كىلىمات ئۆزگىرىشىنىڭ ۋە ناچار مۇھىتنىڭ تەسىرىگە ئۇچرىسا ، يۇقىرى نەپەس يولى ياللۇغلىنىپ قېلىشى مۇمكىن . ئۈچ ئايلىقتىن چوڭ بالىلارغا قوشۇمچە يېمەكلىكلەرنى بېرىش كېرەك . ئەمچەكتىن ئايرىلمىغان ئەھۋالدا زۇكام بولۇپ بولۇپ قالسا ، ۋاقتىنچە ئازراق ئەمدۈرۈش ، سۇيۇق ياكى يۇمشاق يېمەكلىكلەر كۆپرەك بېرىپ ، كېسەلگە قارشى كۈچىنى ئاشۇرۇش كېرەك .
    ئىككى ياشتىن ئۈچ ياشقىچە بولغان بالىلارغا قايناق سۇنى كۆپرەك ئىچكۈزۈش ، ئۆينىڭ ھاۋاسىنى ئالماشتۇرۇپ تۇرۇش كېرەك . بۇ ياشتىكى بالىلارنىڭ كۆپىنچىسى ۋىرۇسلۇق زۇكام بولىدۇ . شۇڭا بالا زۇكام بولۇپ قالارمىكىن ، دەپ ئىشىك - دېرىزىلەرنى ئاچمىغاندا ، ۋىرۇس تېخىمۇ كۆپىيىپ ، بالا ئاسان زۇكام بولۇپ قالىدۇ . شۇنىڭ بىلەن بىر ۋاقىتتا ھەرىكەتنى ئازايتىش كېرەك ، تېنى ئاجىزراق بالىلارنى شۇ مەزگىلدە ھاۋاسى ئالماشمايدىغان ئاممىۋى سورۇنلار ( تاللا بازىرى ، سودا سارىيى ، كىنو - تىياتىر دېگەندەك ) غا ئازراق ئاپىرىش ، ئاپارغان تەقدىردىمۇ قايتىپ كېلىپلا قولىنى پاكىز يۇيۇش ، زۇكام بولۇپ قالغانلار بىلەن ئۇچراشتۇرماسلىق كېرەك .

    ئۈچ ياشتىن يەتتە ياشقىچە بولغان بالىلارغا كۆپرەك كۆكتات يېگۈزۈش  ۋە مۇۋاپىق كىيىندۈرۈش كېرەك . بۇ ياشتىكى بالىلارنىڭ ئادەتتە ھەرىكىتى كۆپ بولغاچقا ، ئاسان تەرلەيدۇ . يېمەك - ئىچمەك جەھەتتە قايناق سۇنى كۆپرەك بەرگەندىن سىرت ، سوغۇق يېمەك - ئىچمەكلىكلەرنى بەرمەسلىك ، كۆكتات قاتارلىق يېمەكلىكلەرنى كۆپرەك يېگۈزۈپ ئوزۇقلۇق تولۇقلاش كېرەك . قىزىتمىسى ئۆرلەپ قالغاندا ياتقۇزۇپ ئارام ئالدۇرۇش ، ئىسسىقراق ساقلاش كېرەك .
    بۇنىڭدىن سىرت ، يەسلىگە ، ئوقۇشقا كىرگەن بالىلاردا بىر - بىرىدىن يۇقۇملىنىش ئەھۋالى كۆپرەك كۆرۈلىدۇ ، شۇڭا سىنىپنىڭ ھاۋاسىنى كۆپرەك ئالماشتۇرۇپ ، ھاۋانى ساپلاشتۇرۇش كېرەك .