چۇمادۇ يەنە بىر ياشنىڭ جېنىغا زامىن بولدى

ياشلىرىمىز ئارىسىدا يامراۋاتقان چۇمادو « دورىسى » بۈگۈن يەنە بىر ئون گۈلىنىڭ توققۇزى ئېچىلمىغان تېخى يىگىرمە ياشقىمۇ كىرمىگەن بالىنىڭ جېنىغا زامىن بولدى .
زىيانكەشلىككە ئۇچرىغۇچى تۆنۈگۈن كەچ ئۆزىدىن نەچچە ياش كىچىك بالىلار بىلەن شۇ « دورا » نى كۆپ ئېستىمال قىلغان ، بۈگۈن سەھەرلىكى باشقىلار ئويغىنىپ ، ئۇنى ئويغاتسا مەن بەك ھېرىپ كەتتىم ، دەپ يەنە ياتقان . باشقىلار شۇنىڭ بىلەن چىقىپ كېتىشكەن .
( بۇ كۈنى زىيانكەشلىككە ئۇچرىغۇچى ئۆز ئۆيىدە ياتمىغان ئىكەن )
ئارىدىن قانچىلىك ۋاقىت ئۆتكەنلىكى ئېنىق ئەمەس ، كېيىن باشقىلار ئۇ ياتقان ئۆيگە كىرسە ئۇنىڭ ئاللىبۇرۇن تىنىقى توختاپ بولغانلىقىنى كۆرۈشكەن .
زىيانكەشلىككە ئۇچرىغۇچى بۇ « دورا » نى ئۇزۇن مۇددەت ئېستىمال قىلغان بۇلۇشى مۇمكىن .
مېنىڭ تۇنۇشلىرىمنىڭ ئېيتىشىچە ، بۇ « دورا » نى ئۇزۇن مۇددەت ئېستىمال قىلسا ، پۇت ـ قول تۇيۇقسىز ئۇيۇشۇپ قېتىپ قىلىشنى كەلتۈرۈپ چىقىرىدىكەن ، بۇنداق ئىشنى تولا كۆرۈپ كەتكەنلەر قېتىپ قالغۇچىنىڭ كۆكسىگە مۇشت ياكى تېپىك بىلەن كۈچەپ ئۇرغاندىن كېيىن ئوڭشىلىپ قالىدىكەن .
ئەگەر شۇنداق ئەھۋال كۆرۈلگەن كىشىنىڭ يېنىدا باشقىلار بولمىغان ئەھۋال ئاستىدا ئېغىر بولسا ئۆلۈم خەۋىپى كېلىپ چىقىدىكەن .
بۇ « دورا » يەنە ئادەم بەدىنىدىكى ئىچكى ئاجراتما ھورمونلارنىڭ ئايلىنىشىغا زور تەسىر كۆرسىتىپ ، ئۇزۇن مەزگىل ، كۆپ مىقداردا ئېستىمال قىلىنسا پەرزەنت كۆرۈش ئىقتىدارىنى نابۇت قىلىدىكەن .

بۇ « دورا » توغرىلىق ئىلگىرىمۇ بىرزات ئەپەندى 80 خالتا ئۇيغۇر تېبابەت تورىدا كۆپ توختالغان ئىدى .
خەنزۇچە توربەتلەرگە كىرىپ ئىزدىسىڭىز بۇ « دورا » نىڭ كاساپىتىدىن ئۆلۈپ كەتكەن خەۋەرلەرنىڭ ساماندەك ئىكەنلىكىنى « ئۆزھال » ئەپەندى ئېيتقان ئىدى .
بۈگۈن بۇ « دورا » يەنە بىر ياشنىڭ گۈلدەك ھاياتىنى نابۇت قىلدى .
سەلكىن مۇنبىرىدىن شائىر - ئەپەندى تەييارلىغان .
  2009-3-24