جىنسىيەت بوھرانى (ھېكايە)

  
ﻛﯧﺴﻪﻟﻠﯩﻚ ﺭﻭﻫﯩﻤﯩﺰﻧﻰ، ﺟﯩﺴﻤﯩﻤﯩﺰﻧﻰ ﭼﯩﺮﻣﺎﭖ ﯬﻗﻠﻰ ﻗﯘﯞﯞﻩﺗﻠﯩﺮﯨﻤﯩﺰﻧﻰ ﺯﻩﺋﯩﭙﻠﻪﺷﺘﯜﺭﯛﭖ ﺳﺎﻏﻼﻡ ﺑﻮﻟﻐﺎﻥ ﻫﺎﻳﺎﺗﻠﯩﻖ ﭼﯜﺷﻪﻧﭽﯩﺴﻰ ﺑﯩﻠﻪﻥ ﯲﺯ ﺭﯨﯫﻟﻠﯩﻘﯩﻤﯩﺰﻏﺎ ﺩﺍﺩﯨﻞ ﻳﯜﺯﻟﯩﻨﯩﺸﻜﻪ ﺯﻭﺭ ﺗﻮﺳﺎﻟﻐﯘ ﭘﻪﻳﺪﺍ ﻗﯩﻠﻤﺎﻗﺘﺎ. ﻛﯧﺴﻪﻟﻠﯩﻚ ﭼﯩﺮﻣﯩﻐﺎﻥ ﯪﺟﯩﺰ ﺗﯧﻨﯩﻤﯩﺰﻧﯩﯔ، ﺯﻩﺋﯩﭗ ﺭﻭﻫﯩﻤﯩﺰﻧﯩﯔ ﻧﯩﻤﺠﺎﻥ ﺋﯩﯖﺮﺍﺷﻠﯩﺮﯨﺪﺍ ﯲﺯﯨﻤﯩﺰﻧﻰ ﻳﻮﻗﯘﺗﯘﺷﻘﺎ ﺑﺎﺷﻠﯩﺪﯗﻕ. ﯬﺧﻼﻗﺴﯩﺰﻟﯩﻖ ﯞﯗﺟﯘﺩﯨﻤﯩﺰﻏﺎ ﻣﯩﻜﺮﻭﺏ ﻛﻪﺑﻰ ﻳﺎﻣﯩﺮﺍﭖ ﺑﯩﺮ ﭘﯘﺗﯘﻥ ﺟﯩﺴﻤﯩﻤﯩﺰﻧﻰ ﻣﯩﻜﺮﻭﺑﻘﺎ ﯪﻳﻼﻧﺪﯗﺭﯗﭖ ﺭﻭﻫﯩﻴﻪﺗﻨﻰ ﻛﯚﻳﺪﯛﺭﻣﻪﻛﺘﻪ. ﻣﻪﺳﯱﻟﯩﻴﻪﺗﺴﯩﺰﻟﯩﻚ ﺷﻪﺧﺴﯩﻴﺘﯩﻤﯩﺰﮔﻪ ﻳﻪﻝ ﺑﯩﺮﯨﭗ، ﺳﺎﺧﺘﺎ ﻫﺎﻛﺎﯞﯗﺭﻟﯩﻘﯩﻤﯩﺰﻧﻰ ﻛﯜﭼﻪﻳﺘﻤﻪﻛﺘﻪ. ﺳﻪﻣﯩﻤﯩﻴﻪﺕ ﯮﺭﻧﯩﻨﻰ ﻳﺎﺳﺎﻟﻤﺎ ﯪﻟﯩﻴﺠﺎﻧﺎﺑﻠﯩﻖ، ﺳﺎﺧﺘﺎﭘﻪﺯﻟﯩﻚ ﺋﯩﮕﻪﻟﻠﯩﺪﻯ. ﻗﯩﻤﻤﻪﺕ - ﻗﺎﺭﺍﺵ ﯲﺯﮔﻪﺭﺩﻯ. ﭘﯜﭼﻪﻛﻠﻪﺷﺘﻰ. ﻛﻪﻳﯩﭗ ﺑﻮﻟﻐﺎﻥ ﺷﻪﻳﺘﺎﻧﻼﺭ ﺩﺍﻗﺎ -ﺩﯗﻣﺒﺎﻗﻠﯩﺮﯨﻨﻰ ﻳﺎﯕﺮﯨﺘﯩﭗ ﯰﺳﺴﯘﻟﻐﺎ ﭼﯜﺷﺘﻰ.
        ﯬﻟﻘﯩﺴﺴﻪ، ﯬﻣﺪﻯ ﮔﻪﭘﻨﻰ ﯰﺯﯗﻥ ﻳﯩﻞ ﺭﻭﻫﯩﻲ ﺳﻪﺭﺳﺎﻧﭽﯩﻠﯩﻖ ﺩﻩﺳﺘﯩﺪﯨﻦ ﺗﯩﻨﻰ ﯪﺟﯩﺰﻻﭖ، ﻣﻪﺟﺮﯗﻫ ﺑﻮﻟﯘﭖ ﻗﯩﻠﯩﺶ ﺧﻪﯞﭘﯩﮕﻪ ﺩﯗﭺ ﻛﻪﻟﮕﻪﻥ ﺑﯩﺮ ﻳﺎﺷﻨﯩﯔ ﻗﯩﺴﻘﯩﭽﻪ ﻛﻪﭼﯜﺭﻣﯩﺸﻠﯩﺮﯨﻨﻰ ﺑﺎﻳﺎﻥ ﻗﯩﻠﯩﺸﯩﻐﺎ ﺋﯩﺠﺎﺯﻩﺕ ﻗﯩﻠﻐﺎﻳﻤﯩﺰ! ﯰﻧﯩﯔ ﻣﺎﯕﺎ ﻳﺎﺯﻏﺎﻥ ﺧﯩﺘﯩﻨﻰ ﻛﯚﭖ ﺗﻪﻫﺮﯨﺮﻟﯩﻤﻪﻳﻼ ﻫﻮﺯﯗﺭﯗﯕﻼﺭﻏﺎ ﺳﯘﻧﻐﺎﻳﻤﻪﻥ.

       ﺳﺎﻻﻡ ﺑﯩﺮﺯﺍﺕ ﯬﭘﻪﻧﺪﯨﻢ . ﺳﯩﺰﻧﯩﯔ مۇنبەرلەرگە ﻳﻮﻟﻠﯩﻐﺎﻥ ﺗﯩﺒﺎﺑﻪﺕ ﻫﻪﻗﻘﯩﺪﯨﻜﻰ ﻳﺎﺯﻣﯩﻠﯩﺮﯨﯖﯩﺰﻧﻰ ﯮﻗﯘﭖ ﻣﻪﻧﭙﻪﯬﺕ ﯪﻟﻐﺎﻥ ﯪﺩﻩﻡ ﻳﺎﻟﻐﯘﺯ ﻣﻪﻧﻼ ﺑﻮﻟﻤﯩﺴﺎﻡ ﻛﯩﺮﻩﻙ. ﺳﯩﺰﻧﯩﯔ ﻛﯚﺭﺳﻪﺗﻤﯩﯖﯩﺰ ﺑﯩﻠﻪﻥ ﺗﯘﺭﻣﯘﺷﺘﯩﻜﻰ ﻧﺎﭼﺎﺭ ﯪﺩﻩﺗﻠﻪﺭﻧﻰ ﺗﺎﺷﻼﭖ ﯮﺯﯗﻗﻠﯘﻗﻨﻰ ﻣﯘﯞﺍﭘﯩﻖ ﺗﯜﺭﺩﻩ ﺗﻪﯕﺸﻪﭖ ﯲﺯﯛﻣﻨﻰ ﺳﺎﻏﻼﻣﻠﯩﻘﯩﻢ ﯴﭼﯜﻥ ﻛﯚﭖ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﻪﺗﺘﯩﻢ، ﺳﯩﺰ ﺋﯧﻴﺘﻘﺎﻥ ﺳﺎﻏﻼﻡ ، ﭘﺎﻛﯩﺰ ﺑﻮﻟﻐﺎﻥ ﻫﺎﻳﺎﺗﻠﯩﻖ ﻗﺎﺭﯨﺸﯩﻐﺎ ﺋﯩﮕﻪ ﺑﻮﻟﯘﺵ ﯴﭼﯜﻥ ﺑﯩﺮ ﻣﻪﺯﮔﯩﻠﻠﯩﻚ ﺟﻪﺭﻳﺎﻥ ﻛﻪﺗﺘﻰ ﯬﻟﯟﻩﺗﺘﻪ. ﺑﯘ ﺟﻪﺭﻳﺎﻧﺪﺍ ﻛﯧﺴﻪﻟﻠﯩﻚ ﻳﯧﻠﺘﯩﺰﯨﻨﯩﯔ ﯪﺩﻩﻡ ﺭﻭﻫﯩﻴﺘﯩﺪﻩ ﺑﻮﻟﯩﺪﯨﻐﺎﻧﻠﯩﻘﻰ، ﺭﻭﻫﯩﻴﻪﺗﺘﯩﻜﻰ ﻛﯧﺴﻪﻟﻠﯩﻜﻨﯩﯔ ﯪﺧﯩﺮﯨﻘﻰ ﻫﯧﺴﺎﺑﺘﺎ ﺟﯩﺴﻤﺎﻧﯩﻴﺘﯩﻤﯩﺰﻧﻰ ﭘﺎﻟﻪﭺ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺗﯧﺨﯩﻤﯘ ﺋﯩﻠﮕﯩﺮﻟﯩﮕﻪﻥ ﻫﺎﻟﺪﺍ ﭼﯜﺷﯜﻧﯜﭖ ﻳﻪﺗﺘﯩﻢ.
        ﺳﯩﺰﮔﻪ ﺩﯦﺴﻪﻡ ﻣﻪﻥ ﻫﯘﺷﯘﻣﻨﻰ ﺗﺎﭘﻤﯩﺴﺎﻡ ﺑﻮﻟﻤﯩﻐﯘﺩﻩﻙ ﺩﻩﭖ ﯲﺯ ﯲﺯﯛﻣﺪﯨﻦ ﯬﻧﺴﯩﺮﻩﭖ ﻳﯜﺭﮔﻪﻥ ﻛﯜﻧﻠﻪﺭﺩﻩ ﯲﺯﯛﻣﻨﻰ ﺗﯜﮔﻪﺷﻜﻪﻧﺪﻩﻛﻠﻪ ﻫﯧﺲ ﻗﯩﻼﺗﺘﯩﻢ، ﭘﯘﺕ ﻗﻮﻟﻠﯩﺮﯨﻢ ﻣﺎﻏﺪﯗﺭﺳﯩﺰ، ﯰﺳﺘﯩﺨﺎﻧﻠﯩﺮﯨﻢ ﺳﯩﺮﻗﯩﺮﺍﭖ ﯪﻏﺮﯨﻴﺘﻰ، ﻫﯧﭻ ﺋﯩﺸﻘﺎ ﺧﻮﺵ ﻳﺎﻗﻤﺎﻳﺘﺘﻰ. ﻧﯘﺭﺳﯩﺰ ﭼﯩﺮﺍﻳﯩﻢ ﺗﯧﺨﯩﻤﯘ ﺳﺎﺭﻏﯩﻴﯩﭗ ،ﻛﯚﺯﻟﯩﺮﯨﻢ ﯮﻟﺘﯘﺭﺷﯘﭖ ﻛﻪﺗﻜﻪﻥ ﺋﯩﺪﻯ. ﻳﺎﺵ ﺗﯘﺭﯗﭘﻼ ﭼﯧﭽﯩﻢ ﭼﯜﺷﯜﭖ ، ﻳﯜﺯ ﺗﯧﺮﻩﻣﺪﻩ ﯪﻧﺪﺍ -ﺳﺎﻧﺴﺎ ﻗﻮﺭﯗﻕ ﭘﻪﻳﺪﺍ ﺑﻮﻟﻐﯩﻠﻰ ﺗﯘﺭﺩﻯ. ﯰﺧﻠﯩﻤﺎﻕ ﺑﻮﻟﯘﭖ ﻳﺎﺗﺴﺎﻣﻼ ﻗﺎﻻﻳﻤﯩﻘﺎﻥ ﭼﯜﺵ ﻛﯚﺭﯛﭖ ﻫﺎﺭﺩﯗﻗﯘﻡ ﭼﯩﻘﻤﺎﻳﺘﺘﻰ. ﺗﯘﺭﻣﯘﺷﯘﻡ ﺑﻪﻙ ﭼﯩﭽﯩﻼﯕﻐﯘ، ﻫﺎﻳﺎﺗﺘﺎ ﺋﯩﻨﯩﻖ ﺑﯩﺮ ﻳﺎﺷﺎﺵ ﻧﯩﺸﺎﻧﯩﻢ ﻳﻮﻕ ، ﻟﻪﻳﻠﻪﭘﻼ ﻳﯜﺭﻩﺗﺘﯩﻢ،ﺩﺍﯞﺍﻣﻠﯩﻖ ﯲﺯﯛﻣﻨﻰ ﯬﻳﯩﭙﻠﻪﻳﺘﺘﯩﻢ، ﯬﺗﺮﺍﭘﯩﻤﺪﯨﻜﻰ ﻣﻮﻫﯩﺘﺘﯩﻦ ﻗﺎﻗﺸﺎﭘﻼ ﻳﯜﺭﻩﺗﺘﻢ، ﺩﯨﻤﯩﺴﻪﻣﻤﯘ ﻣﻪﻥ ﯪﺷﯘ ﻣﻮﻫﯩﺘﻨﯩﯔ ﻣﻪﻫﺴﯘﻟﻰ ﯬﻣﻪﺳﻤﯘ؟!!! ﻧﯧﻤﻪ ﯴﭼﯜﻥ ﺗﯘﻏﯘﻟﻐﯩﻨﯩﻤﻨﻰ، ﻧﯧﻤﻪ ﯴﭼﯜﻥ ﻳﺎﺷﺎﭖ ﻧﯧﻤﻪ ﯴﭼﯜﻥ ﯲﻟﯩﺪﯨﻐﯩﻨﯩﻤﻨﻰ ﯮﻳﻼﺷﻘﺎ، ﻣﺎﻫﯩﻴﻪﺗﻨﻰ ﭼﯜﺷﯜﻧﯜﺷﻜﻪ ﻛﺎﻟﻼﻣﺪﺍ ﺋﯧﻨﯩﺮﮔﯩﻴﻪ ﯪﺯﻟﯩﻖ ﻗﯩﻼﺗﺘﻰ. ﻧﯧﺮﯞﯨﻠﯩﺮﯨﻢ ﺳﯜﺯﯛﻛﻠﯜﻛﺪﯨﻦ ﺧﺎﻟﻰ ﻫﺎﻣﺎﻥ ﺑﯩﺮ ﻗﻪﯞﻩﺕ ﻗﯩﻠﯩﻦ ﺗﯘﻣﺎﻥ ﺋﯩﭽﯩﺪﻩ ﺳﯩﻠﻜﯩﻨﻪﺗﺘﻰ.
        ﻛﯩﭽﯩﮕﯩﻤﺪﯨﻦ ﺗﺎﺭﺗﯩﻨﺎﭼﺎﻕ ﺑﺎﻻ ﺋﯩﻜﻪﻧﻤﻪﻥ، ﻧﯧﻤﯩﻼ ﻗﯩﻠﻤﺎﻱ ﯪﺗﺎ -ﯪﻧﺎﻣﻨﯩﯔ ﯬﻳﯩﭙﻠﯩﺸﯩﮕﻪ ﯰﭼﺮﺍﻳﺘﺘﯩﻢ. ﻣﯧﺠﻪﺯﯨﻤﻨﻰ ﺗﻪﯕﺘﯘﺷﻠﯩﺮﯨﻢ ﻳﺎﻗﺘﯘﺭﻣﯩﻐﺎﭼﻘﺎ ﻣﯧﻨﻰ ﯪﺭﯨﻐﺎ ﯪﻟﻤﺎﻳﺘﺘﻰ. ﻛﯩﻴﯩﻦ ﺳﻪﻝ ﭼﻮﯕﻤﯘ ﺑﻮﻟﺪﯗﻡ. ﺷﻪﻧﺒﻪ - ﻳﻪﻛﺸﻪﻧﺒﻪ ﻛﯜﻧﻠﯩﺮﻯ ﻣﻪﻫﻪﻟﻠﯩﺪﯨﻜﻰ ﭼﻮﯓ - ﻛﯩﭽﯩﻚ ﺑﺎﻟﻼﺭ ﺑﻮﻟﯘﭖ ﻗﻮﻱ - ﻛﺎﻟﯩﻠﯩﺮﯨﻤﯩﺰﻧﻰ ﻫﻪﻳﺪﻩﭖ ﺩﻩﺭﻳﺎ ﺑﻮﻳﻠﯩﺮﯨﻐﺎ ﻛﯧﺘﻪﺗﺘﯘﻕ، ﻣﻪﻧﺪﯨﻦ 4-5 ﻳﺎﺵ ﭼﻮﯓ ﻛﯩﻠﯩﺪﯨﻐﺎﻥ ﺑﺎﻟﻼﺭﻧﯩﯔ ﭘﺎﺭﺍﯕﻠﯩﺮﯨﻨﻰ ﯪﯕﻼﺷﻘﺎ ﺧﯘﺷﺘﺎﺭ ﺑﻮﻟﯘﭖ ﻗﺎﻟﺪﯨﻢ. ﯰﻻﺭﻧﯩﯔ ﯬﺭ ﺧﻮﺗﯘﻧﻼﺭ ﯪﺭﯨﺴﯩﺪﯨﻜﻰ ﻫﻪﺭ ﺧﯩﻞ ﻣﯘﻧﺎﺳﯩﯟﻩﺗﻠﻪﺭ، ﺷﯘﻧﺪﺍﻕ ﺋﯩﺸﻼﺭ ﻣﻪﺯﻣﯘﻥ ﻗﯩﻠﯩﻨﻐﺎﻥ <<ﻗﯩﻠﯩﻦ>> ﻛﯩﻨﻮﻻﺭ ﻫﻪﻗﻘﯩﺪﯨﻜﻰ ﭘﺎﺭﺍﯕﻠﯩﺮﻯ ﯞﯗﺟﯘﺩﯗﻣﻨﻰ ﺳﺎﺭﺍﺳﯩﻤﯩﮕﻪ ﺳﺎﻻﺗﺘﻰ. ﻫﻪﺗﺘﺎ ﺑﯩﺮﺳﯩﻨﯩﯔ ﻗﻮﻟﻰ ﯪﺭﻗﯩﻠﯩﻖ ﻫﻮﺯﯗﺭﻻﻧﻐﯩﻨﻨﻰ ﯪﯕﻼﭖ ﺩﻩﺳﻼﭖ ﺗﺎﺯﺍ ﭼﯜﺷﯜﻧﻪﻟﻤﯩﺪﯨﻢ ﻛﯩﻴﯩﻦ ﻣﻪﻧﺪﯨﻤﯘ ﯪﺷﯘﻧﺪﺍﻕ ﺋﯧﺴﺘﻪﻙ ﭘﻪﻳﺪﺍ ﺑﻮﻟﯘﭖ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺳﯩﺰﯨﭗ ﻗﺎﻟﺪﯨﻢ. ﺋﯩﻨﯩﻖ ﺋﯩﺴﯩﻤﺪﻩ ، 13 ﻳﺎﺷﻨﯩﯔ ﻗﺎﺭﯨﺴﯩﻨﻰ ﯪﻟﻐﺎﻥ ﺑﯩﺮ ﻛﯜﻧﻰ ﻫﯩﻠﯩﻘﻰ ﺑﺎﻟﻼﺭﻧﯩﯔ ﻗﯩﻠﯩﺸﯩﺪﯨﻐﺎﻥ ﭘﺎﺭﺍﯕﻠﯩﺮﯨﻨﻰ ﯮﻳﻠﯩﻐﺎﭺ ﻳﯘﻳﻨﯩﯟﯦﺘﯩﭗ ﺑﺎﻻﻏﻪﺗﻜﻪ ﻳﻪﺗﻜﻪﻧﻠﯩﻜﯩﻤﻨﻰ ﻫﻪﻳﺮﺍﻧﻠﯩﻖ، ﭼﯜﭼﯜﺵ ﺋﯩﭽﯩﺪﻩ ﺑﯩﻠﺪﯨﻢ. ﺷﯘ ﺋﯩﺸﺘﯩﻦ ﻛﯩﻴﯩﻨﺒﯩﺮﻩﺭ ﻫﻪﭘﺘﯩﮕﯩﭽﻪ ﺑﯩﺮ ﺧﯩﻞ ﻳﯧﻘﯩﻤﻠﯩﻖ ﺳﯧﺰﯨﻢ ﯪﺭﯨﻠﯩﺸﯩﭗ ﻛﻪﺗﻜﻪﻥ ﺧﯩﺠﯩﻠﻠﯩﻖ ﺗﯘﻳﻐﯘﺳﻰ ﻛﯚﻛﺮﻩﻙ ﻗﻪﭘﯩﺴﯩﻤﺪﯨﻦ ﭘﻪﻗﻪﺕ ﺑﻮﺷﯩﻤﯩﺪﻯ. ﻳﯜﺯﯛﻡ ﺑﻪﻙ ﻗﯩﺰﯨﺮﯨﭗ ﻛﻪﺗﺘﯩﻤﯩﻜﯩﻦ ﺩﻩﭖ ﭘﺎﺕ - ﭘﺎﺕ ﯬﻳﻨﻪﻛﻜﻪ ﻗﺎﺭﺍﭖ ﻗﻮﻳﺎﺗﺘﯩﻢ. ﺷﯘﻧﯩﯖﺪﯨﻦ ﻛﯩﻴﯩﻦ ﻗﯩﺰﻻﺭ ﻫﻪﻗﻘﯩﺪﻩ ﺗﯜﮔﯜﻣﻪﺱ ﺧﯩﻴﺎﻟﻼﺭﻏﺎ ﺑﻪﻧﺖ ﺑﻮﻟﯘﺷﻘﺎ ﺑﺎﺷﻠﯩﺪﯨﻢ. ﺑﯘ ﺧﯩﻴﺎﻟﻼﺭﻏﺎ ﯬﮔﯩﺸﯩﭗ ﻛﻪﻟﮕﯩﻨﻰ ﺗﻪﻟﯟﻩ ﯪﻧﺎﻧﯩﺰﯨﻤﻐﺎ ﯴﮔﯜﻧﯜﭖ ﻗﯩﻠﯩﺶ ﺑﻮﻟﺪﻯ.
        ﻛﯩﻴﯩﻦ ﯴﺭﯛﻣﭽﯩﮕﻪ ﯮﻗﯘﺷﻘﺎ ﺑﺎﺭﺩﯨﻢ. ﯴ ﻳﻪﺭﺩﯨﻜﻰ ﯬﺭﻛﯩﻦ -ﯪﺯﺍﺩﯨﭽﯩﻠﯩﻚ، ﭼﯩﺮﺍﻳﻠﯩﻖ ﻗﯩﺰﻻﺭﻧﯩﯔ ﻛﯚﭘﻠﯩﻜﯩﺪﯨﻦ ﻛﺎﻟﻼﻡ ﭘﯩﺮﻗﯩﺮﺍﭘﻼ ﻗﺎﻟﺪﻯ. ﺳﺎﯞﺍﻗﺪﺍﺷﻠﯩﺮﯨﻢ ﭘﺎﺕ-ﭘﺎﺕ ﺩﯦﺒﺎ - ﻫﻪﺭ ﺧﯩﻞ ﻛﻪﭼﻠﯩﻚ ﺑﻪﺯﻣﯩﺨﺎﻧﯩﻼﺭﻏﺎ ﺑﯩﺮﮔﻪ ﺑﯩﺮﯨﺸﻨﻰ ﺋﯧﻴﺘﺎﺗﺘﻰ. ﻛﯚﯕﻠﯜﻣﺪﻩ ﻣﻪﻳﻠﯩﻢ ﺑﻮﻟﺴﯩﻤﯘ ﺑﯘﺯﯗﻟﯘﭖ ﺑﯧﻘﯩﺸﻘﺎ ﺟﯜﺭﺋﯩﺘﯩﻢ ﻳﻮﻕ ﺋﯩﺪﻯ. ﺩﺍﺩﺍﻣﻨﯩﯔ ﻣﯧﻨﻰ ﯰﺯﺗﺎﺭ ﭼﺎﻏﺪﺍ ﻗﯩﻠﻐﺎﻥ ﻧﻪﺳﯩﻬﻪﺗﻠﯩﺮﻯ ﺗﯧﺨﻰ ﻗﯘﻟﯩﻘﯩﻤﺪﯨﻦ ﻛﻪﺗﻤﯩﮕﻪﻥ ﺋﯩﺪﻯ.ﻫﻪﺭ ﺧﯩﻞ ﺑﺎﻫﺎﻧﯩﻠﻪﺭﻧﻰ ﻛﯚﺭﺳﯩﺘﯩﭗ ﺑﺎﺭﻣﺎﺳﻠﯩﻘﻘﺎ ﺗﯩﺮﺷﺎﺗﺘﯩﻢ. ﻳﺎﺗﺎﻗﺘﺎ ﻳﺎﻟﻐﯘﺯ ﻗﯩﻠﯩﭗ ﻣﻪﻳﺪﻩ -ﻛﯧﻨﺪﯨﻜﻠﯩﺮﻯ ﯮﭼﯘﻕ، ﺳﺎﻏﺮﯨﺴﯩﻨﻰ ﯮﻳﻨﯩﺘﯩﭗ ﻣﯧﯖﯩﭗ ﺗﻮﻣﻮ-ﺗﻮﻣﯘﺭﻟﯩﺮﯨﻤﺪﯨﻦ ﯮﺕ ﯪﻟﺪﯗﺭﯨﯟﯨﺘﯩﺪﯨﻐﺎﻥ ﺷﻪﻫﻼ ﻛﯚﺯ ﻗﯩﺰﻻﺭﻧﻰ ﺧﯩﻴﺎﻝ ﻗﯩﻠﯩﭗ ﻳﻪﻧﻪ ﻫﯩﻠﯩﻘﻰ ﻧﻪﺱ ﺋﯩﺸﻨﻰ ﻗﯩﻼﺗﺘﯩﻢ.
          ﺷﯘ ﻛﯜﻧﻠﻪﺭﺩﻩ ﻣﻪﻥ ﺗﻮﺭﺧﺎﻧﯩﻐﺎ ﻛﯚﻧﯩﯟﺍﻟﺪﯨﻢ. ﯪﺭﺍﻡ -ﺋﯩﻠﯩﺶ ﻛﯜﻧﻠﯩﺮﻯ، ﺑﻪﺯﯨﺪﻩ ﺗﯧﺨﻰ ﻛﻪﭼﻠﻪﭖ ﺗﻮﺭﺧﺎﻧﯩﺪﯨﻦ ﭼﯩﻘﺎﻟﻤﺎﻳﺘﺘﯩﻢ، ﺗﻮﺭ ﻣﯧﻨﻰ ﯲﺯﯨﮕﻪ ﻣﻪﻫﻜﻪﻡ ﺑﺎﻏﻠﯩﯟﺍﻟﻐﺎﻥ ﺋﯩﺪﻯ. ﺩﻩﺳﻠﻪﭖ ﭼﺎﻳﺨﺎﻧﯩﻼﺭﺩﺍ ﭘﺎﺭﺍﯕﻠﯩﺸﯩﺸﻨﻰ ﯴﮔﻪﻧﺪﯨﻢ. ﺧﻪﺕ ﺑﯧﺴﯩﺶ ﺳﯜﺭﺋﯩﺘﯩﻤﻤﯘ ﺑﺎﺭﻏﺎﻧﭽﻪ ﻳﺎﺧﺸﯩﻠﯩﻨﯩﭗ ﺑﯩﺮ ﻗﯩﺘﯩﻤﺪﺍ ﺑﯩﺮ ﻗﺎﻧﭽﻪ ﻗﯩﺰﻻﺭ ﺑﯩﻠﻪﻥ ﭘﺎﺭﺍﯕﻠﯩﺸﺎﻻﻳﺪﯨﻐﺎﻥ ﻫﺎﻟﻪﺗﻜﻪ ﻳﻪﺗﺘﯩﻢ. ﺑﺎﺭﺍ -ﺑﺎﺭﺍ ﺷﻪﻫﯟﺍﻧﯩﻲ - ﺳﯩﺮﯨﻖ ﺭﻩﺳﯩﻤﻠﻪﺭﻧﻰ، ﻛﯩﻨﻮ-ﻓﯩﻠﯩﻤﻠﻪﺭﻧﻰ ﺋﯩﺰﺩﻩﭖ ﻳﯜﺭﯛﭖ ﻛﯚﺭﯨﺪﯨﻐﺎﻥ ﺑﻮﻟﯘﭖ ﻗﺎﻟﺪﯨﻢ. ﺗﺎﻣﺎﻗﻘﺎ ﺧﻪﺟﻠﻪﻳﺪﯨﻐﺎﻥ ﭘﯘﻟﻠﯩﺮﯨﻤﻨﻰ ﺗﻮﺭﺧﺎﻧﯩﻐﺎ ﺧﻪﺟﻠﯩﮕﻪﭼﻜﻪ، ﯰﻧﯩﯔ ﯴﺳﺘﯩﮕﻪ ﻫﯩﻠﯩﻘﻰ ﻧﻪﺱ ﺋﯩﺸﻘﺎ ﯴﮔﯜﻧﯜﭖ ﻗﺎﻟﻐﺎﻥ ﺑﻮﻟﻐﺎﭼﻘﺎ ﯰﺯﯗﻥ ﯲﺗﻤﻪﻳﻼ ﭼﯩﺮﺍﻳﯩﻢ ﺳﺎﺭﻏﯩﻴﯩﭗ، ﻛﯚﺯﻟﯩﺮﯨﻢ ﯮﻟﺘﯘﺭﯗﺷﯘﭖ ﻛﻪﺗﺘﻰ. ﭘﯘﺕ -ﻗﻮﻟﯘﻡ ﺟﺎﻧﺴﯩﺰ، ﺑﻪﺩﯨﻨﯩﻢ ﻳﯩﻘﯩﻤﺴﯩﺰ ﯪﻏﺮﯨﭗ ﺗﯘﺭﺍﺗﺘﻰ. ﺩﻩﺭﯨﺴﻠﻪﺭﮔﻪ ﭘﻪﻗﻪﺕ ﺧﻮﺷﻴﺎﻗﻤﺎﻱ ﻛﯜﻧﻠﻪﭖ ﺩﻩﺭﺱ ﺗﺎﺷﻼﭘﻤﯘ ﻗﺎﻻﺗﺘﯩﻢ. ﻣﻪﻥ ﻳﻪﻧﯩﻼ ﻫﯘﺷﯘﻣﻨﻰ ﺗﺎﭘﻤﯩﺪﯨﻢ.

          ﺑﺎﺷﺘﺎ ﺩﯦﮕﯩﻨﯩﻤﺪﻩﻙ ﻳﺎﺕ ﺟﯩﻨﯩﺴﻼﺭ ﺑﯩﻠﻪﻥ ﻳﯧﻘﯩﻨﻠﯩﺸﯩﺸﻘﺎ ﺑﺎﺭﻏﺎﻧﭽﻪ ﺟﯜﺭﺋﯩﺘﯩﻢ ﻗﺎﻟﻤﯩﺪﻯ. ﺑﺎﺷﻘﯩﻼﺭﻧﯩﯔ ﻛﯚﺯﯨﮕﻪ ﯲﺭﻩ ﻗﺎﺭﯨﻴﺎﻟﻤﺎﻳﻤﻪﻥ. ﺑﯩﺮﺳﻰ ﺑﯩﻠﻪﻥ ﮔﻪﭖ ﺗﺎﻟﯩﺸﯩﭗ ﻗﯩﻠﯩﺸﺘﯩﻨﻤﯘ ﻗﻮﺭﻗﯩﺪﯨﻐﺎﻥ ﺑﻮﻟﯘﭖ ﻗﺎﻟﺪﯨﻢ. ﻟﯩﻜﯩﻦ ﺧﯩﻴﺎﻟﯩﻲ ﺩﯗﻧﻴﺎﺩﺍ ﺑﻪﻙ ﯞﻩﻫﺸﯩﻲ ﺋﯩﺪﯨﻢ. ﺗﻮﺭﺩﺍ ﻧﯘﺭﻏﯘﻥ ﻗﯩﺰ ﺩﻭﺳﺖ ﺗﯘﺗﺘﯘﻡ. ﻛﯚﯕﻠﯜﻣﮕﻪ ﻳﺎﻗﻘﺎﻥ ﺑﯩﺮ ﺋﯩﺶ - ﯰﻻﺭﻣﯘ ﻣﺎﯕﺎ ﯮﺧﺸﺎﺵ ﻣﻪﯞﻫﯘﻣﻠﯘﻗﺘﺎ ﻣﯘﻫﻪﺑﺒﻪﺗﻠﯩﺸﯩﺸﻨﻰ ﺧﺎﻻﻳﺪﯨﻜﻪﻥ. ﻛﯩﻨﻮﻻﺭﺩﯨﻦ، ﻣﻪﺯﻣﯘﻧﻰ ﺳﺎﻏﻼﻡ ﺑﻮﻟﻤﯩﻐﺎﻥ ﻛﯩﺘﺎﺑﻼﺭﺩﯨﻦ ﯴﮔﯩﻨﯩﯟﺍﻟﻐﯧﻨﯩﻤﯩﺰ ﺑﻮﻳﭽﻪ ﻣﯘﻫﻪﺑﺒﯩﺘﯩﻤﯩﺰﻧﻰ ﻗﯩﺰﻏﯩﻦ ﺩﺍﯞﺍﻣﻼﺷﺘﯘﺭﺩﯗﻕ. ﻣﻪﻥ ﯲﺯ ﻫﯧﺴﻴﺎﺗﯩﻤﻨﻰ ، ﻗﯘﺗﺮﺍﭖ ﺗﯘﺭﻏﺎﻥ ﺷﻪﻳﺘﺎﻧﯩﻲ ﺋﯩﺴﺘﻪﻛﻠﯩﺮﯨﻤﻨﻰ ﺧﻪﺕ ﯪﺭﻗﯩﯩﻠﯩﻖ ﺋﯩﭙﺎﺩﯨﻠﻪﭖ ﻧﻪﭘﺴﯩﻤﻨﻰ ﯪﺭﺍﻡ ﺗﺎﭘﺘﯘﺭﺍﺗﺘﯩﻢ.
ﺳﯧﺰﮔﻪ ﺩﯦﺴﻪﻡ ﯰ ﭼﺎﻏﺪﺍ ﻛﺎﻟﻼﻣﺪﯨﻜﻰ ﺭﯨﯫﻟﻠﯩﻖ ﯰﻗﯘﻣﯩﻨﻰ ﻳﺎﻧﭽﯘﻗﺘﺎ ﭘﯘﻝ ﺗﯜﮔﯩﮕﻪﻧﺪﯨﻼ ﺑﺎﻳﻘﺎﻳﺘﺘﯩﻢ.ﻣﻪﻥ ﺑﯩﺮ ﻗﯩﺰ ﺑﯩﻠﻪﻥ ﯰﺯﯗﻥ ﻣﻪﺯﮔﯩﻞ ﻣﯘﻫﻪﺑﺒﻪﺗﻠﻪﺷﺘﯩﻢ، ﺳﻪﯞﻩﺑﻰ - ﯰ ﻗﯩﺰ ﺑﺎﺷﻘﺎ ﻗﯩﺰﻻﺭﻏﺎ ﻗﺎﺭﯨﻐﺎﻧﺪﺍ ﻣﺎﯕﺎ ﻛﯚﻳﯜﻧﮕﻪﻥ ﺗﻪﻟﻪﭘﭙﯘﺯﺩﺍ ﮔﻪﭖ ﻗﯩﻼﺗﺘﻰ.ﯪﺧﯩﺮﻯ ﺑﯩﺮ ﻛﯜﻥ ﯰ ﻗﯩﺰ ﺑﯩﻠﻪﻥ ﯰﭼﺮﯨﺸﯩﺸﻘﺎ ﻛﯩﻠﯩﺸﺘﯘﻕ. ﯪﻱ ﻳﯩﺮﯨﻤﻼﺷﻤﺎﺳﺘﯩﻼ ﻳﯧﻨﯩﻤﺪﺍ 50 ﺳﻮﻣﻼ ﭘﯘﻝ ﻗﺎﻟﻐﺎﻥ ﺋﯩﺪﻯ. ﯰ ﻗﯩﺰ ﺑﯩﺮ ﺩﻭﺳﺘﯩﻨﻰ ﺑﺎﺷﻼﭖ ﻛﻪﭘﺘﯘ. ﭼﯩﺮﺍﻱ ﺗﯘﺭﻗﯩﻤﯘ ﯪﺩﻩﺗﺘﯩﻜﯩﭽﻪ، ﻛﻪﻡ -ﺳﯚﺯ ﻗﯩﺰ ﺋﯩﻜﻪﻥ. ﻟﯩﻜﯩﻦ ﺩﻭﺳﺘﻰ ﺑﻪﻙ ﻳﺎﻣﺎﻥ ﻗﯩﺰﺩﻩﻙ ﻗﯩﻼﺗﺘﻰ. ﺑﯩﺰ ﯪﺯﺍﺩﻩ ﺑﯩﺰﻩﻟﮕﻪﻥ ﺑﯩﺮ ﺗﺎﻣﺎﻗﺨﺎﻧﯩﻐﺎ ﻛﯩﺮﺩﯗﻕ. ﯰ ﻗﯩﺰﻧﯩﯔ ﺩﻭﺳﺘﻰ ﺗﺎﻣﺎﻕ ﺗﯧﺰﯨﻤﻠﯩﻜﯩﺪﯨﻦ ﺋﯩﺴﺴﯩﻖ-ﺳﻮﻏﯘﻕ ﺳﻪﻱ ﺑﻮﻟﯘﭖ 6-7 ﺗﻪﺧﺴﻪ ﺗﺎﻣﺎﻕ ﺑﯘﻳﺮﯨﯟﻩﺗﺘﻰ. ﺋﯩﭽﯩﻢ ﭘﯘﺷﯘﭖ ﺗﯘﺭﺍﺗﺘﻰ . ﺗﺎﻣﺎﻕ ﺗﯩﺰﯨﻤﻠﯩﻐﺎﻥ ﺧﯩﻨﯩﻢ ﻛﯚﺯﯛﻣﮕﻪ ﻗﺎﺭﺍﭖ 48 ﺳﻮﻡ ﺑﻮﻻﭘﺘﯘ ، ﺩﯦﺪﻯ.- ﺷﯜﻛﯜﺭﻯ، ﺩﯦﺪﯨﻢ ﺋﯩﭽﯩﻤﺪﻩ ﭘﯘﻟﻨﻰ ﺗﯚﻟﯩﮕﻪﭺ. ﺷﯘﻧﺪﺍﻕ ﻗﯩﻠﯩﭗ ﻳﺎﻧﭽﯘﻕ ﻗﯘﺭﯗﻗﺪﺍﻟﻐﺎﻧﺪﯨﻦ ﻛﯩﻴﯩﻦ ﯪﻱ ﯪﺧﯩﺮﯨﻨﻰ ﺑﻪﻙ ﺗﻪﺳﺘﻪ ﯲﺗﻜﯜﺯﺩﯛﻡ. ﻗﻮﺭﺳﺎﻕ ﻛﻮﻟﺪﯗﺭﻟﺪﭖ ﺗﯘﺭﺳﺎ ﯪﺩﻩﻡ ﯮﻳﻠﯩﻤﺎﻱ ﻗﺎﻻﻣﺪﯗ ﺩﻩﻣﺴﯩﺰ. ﯲﺯﯛﻣﻨﯩﯔ ﻧﯧﻤﻪ ﺑﻮﻟﻐﯩﻨﯩﻤﻨﻰ ، ﻗﻪﻳﻪﺭﮔﻪ ﻛﯧﺘﯩﯟﺍﺗﻘﯩﻨﯩﻤﻨﻰ ﯮﻳﻠﯩﺪﯨﻢ ، ﻟﯩﻜﯩﻦ ﻳﻪﻧﯩﻼ ﺑﺎﺷﻘﺎ ﺋﯩﻠﯩﭗ ﭼﯩﻘﺎﻟﻤﯩﺪﯨﻢ. ﻛﺎﻟﻼﻡ ﺋﯩﺴﯩﻠﯩﭗ ﭼﯩﯖﻘﺎﻟﻐﺎﻧﺪﻩﻙ ﺑﻮﻻﺗﺘﻰ. ﺑﻪﻝ - ﭘﯘﺗﻠﯩﺮﯨﻢ ﻗﯩﺮﻯ ﯪﺩﻩﻣﻨﯩﯖﻜﯩﺪﻩﻙ ﺗﯩﻠﯩﭗ ﯪﻏﺮﯨﻴﺘﺘﻰ. ﺑﻪﺯﻯ ﻛﻪﭼﻠﯩﺮﻯ ﭘﯜﺗﯜﻥ ﺑﻪﺩﯨﻨﯩﻢ ﻣﯘﺯﺩﻩﻙ ﺗﻪﺭﻟﻪﭖ، ﺟﺎﻥ ﻳﯧﺮﯨﻤﻨﻰ ﯪﻏﺮﯨﻖ ﺗﯘﺗﯩﯟﺍﻻﺗﺘﻰ. ﺗﻮﯞﺍ ﺩﻩﭖ ﻛﻪﺗﺘﯩﻢ. ﻧﻪﭼﭽﻪ ﻗﯧﺘﯩﻢ ﺋﯩﯖﺮﺍﭘﻤﯘ ﺗﺎﺷﻠﯩﺪﯨﻢ. ﻳﺎﺗﺎﻗﺪﺍﺷﻠﯩﺮﯨﻢ ﺗﺎﺗﻠﯩﻖ ﭼﯜﺵ ﻛﯚﺭﯛﭖ ﯰﻳﻘﯘﺳﯩﻨﻰ ﯰﺧﻼﯞﺍﺗﺎﺗﺘﻰ. ﻣﯩﻬﺮﯨﺒﺎﻥ ﯪﺗﺎ-ﯪﻧﺎﻣﻨﻰ ﯬﺳﻠﯩﺪﯨﻢ. ﯲﻟﯜﻣﻨﻰ ﯬﺳﻠﯩﺪﯨﻢ. ﺧﯘﺩﺍﻧﻰ ﯬﺳﻠﻪﺷﺘﯩﻦ ﻳﯜﺯﯛﻡ ﯰﯞﯗﺗﺎﺗﺘﻰ. ﻣﻪﻥ ﻛﻪﭼﯜﺭﮔﯩﻠﻰ ﺑﻮﻟﻤﺎﻳﺪﯨﻐﺎﻥ ﺑﯩﺮ ﮔﯘﻧﺎﻫﻠﯩﻖ ﻗﯩﻠﻤﯩﺶ ﭘﺎﺗﻘﯩﻘﯩﻐﺎ ﭘﺎﺗﻘﺎﻥ ﺋﯩﺪﯨﻢ. ﯲﺯﯛﻣﻨﻰ ﻗﺎﺭﻏﺎﻳﺘﺘﯩﻢ. ﺟﻪﻣﯩﻴﻪﺗﻨﯩﯔ ﺑﯘﺯﯗﻗﻠﯩﻘﯩﺪﯨﻦ، ﯪﺩﻩﻣﻠﻪﺭﺩﻩ ﻣﯘﻫﻪﺑﺒﻪﺗﻨﯩﯔ ﯲﻟﮕﻪﻧﻠﯩﻜﯩﺪﯨﻦ ﻫﻪﻳﺮﻩﺗﺘﻪ ﺋﯩﺪﯨﻢ. ﺑﯘﺭﯗﻧﻘﻰ ﺟﻪﻣﯩﺌﯩﻴﻪﺗﺘﯩﻜﻰ 14 ﻳﺎﺷﻘﺎ ﻛﯩﺮﯨﭗ ﺑﻮﻟﻐﯘﭼﻪ ﯲﻳﻠﻪﭖ ﻗﻮﻳﯩﺪﯨﻐﺎﻥ ﺋﯩﺸﻤﯘ ﻣﻪﻥ ﯴﭼﯜﻥ ﺑﻪﻙ ﺋﯩﺴﯩﻞ ﺋﯩﺶ ﺗﯘﻳﯘﻟﯘﭖ ﻛﻪﺗﺘﻰ. ﻫﺎﻳﯟﺍﻧﻼﺭ ﺟﯩﻨﯩﺪﺍ ﺑﺎﻻﻏﻪﺗﻜﻪ ﻳﻪﺗﻜﻪﻥ ﭼﺎﻏﺪﺍ ﺧﯘﺩﺍ ﺑﻪﻟﮕﯩﻠﻪﭖ ﺑﻪﺭﮔﻪﻥ ﻗﺎﻧﯘﻧﻰ ﺑﯩﻠﻪﻥ ﺟﯩﻨﺴﯩﻲ ﺋﯩﺴﺘﻪﻛﻠﯩﺮﯨﻨﻰ ﻗﺎﻧﺪﯗﺭﯨﺸﺎﺗﺘﻰ. ﺋﯩﻨﺴﺎﻧﻼﺭ ﻣﻪﺩﻩﻧﯩﻴﻪﺕ ﻳﺎﺭﺍﺗﻘﺎﻥ ﺑﯩﻠﻪﻥ ﻫﺎﻳﯟﺍﻧﻼﺭﺩﻩﻙ ﺑﻮﻻﻟﻤﺎﻳﺪﯨﻜﻪﻥ. ....ﺗﻮﻱ ﻗﯩﻠﻤﺎﻱ ﯲﺯﯨﻨﻰ ﻧﯩﻤﺎﻧﭽﻪ ﻗﯩﻴﻨﺎﺵ ﺑﯘ ....ﺩﯦﮕﻪﻧﻠﻪﺭﻧﻰ ﯮﻳﻼﭖ ﭼﯩﻘﺘﯩﻢ. ﻳﻪﻧﻪ ﯮﻳﻠﯩﺪﯨﻢ ﯰﻧﯩﯔ ﻧﯧﺮﺳﯩﻐﺎ ﻳﯧﺘﻪﻟﻤﯩﺪﯨﻢ.
ﯪﺷﯘﻧﺪﺍﻕ ﻗﯩﻴﻨﯩﻠﯩﭗ ﻳﯜﺭﯛﭖ ﻳﻪﻧﻪ ﺑﯩﺮ ﻗﺎﻧﭽﻪ ﻛﯜﻧﻨﻰ ﯲﺗﻜﯜﺯﺩﯛﻡ. ﺑﯩﺮ ﻛﯜﻥ ﺩﻩﺭﯨﯩﺴﻜﯩﻤﯘ ﭼﯩﻘﺎﻟﻤﯩﺪﯨﻢ..ﯪﺧﯩﺮﻯ ﯲﻳﺪﯨﻦ ﭘﯘﻝ ﻛﻪﻟﺪﻯ. ﺑﯩﺮ ﺋﯩﻜﻜﻰ ﻛﯜﻥ ﻳﺎﺧﺸﻰ ﯮﺯﯗﻗﻠﯩﻨﯩﭗ ﺧﯩﻠﻰ ﻳﺎﻣﺎﻥ ﯬﻣﻪﺱ ﺑﻮﻟﯘﭖ ﻗﺎﻟﺪﯨﻢ. ﺧﯘﺩﺍﻏﺎ ﻣﯩﯔ ﺗﻮﯞﺍ ﺩﻩﭖ ﺷﯜﻛﯜﺭﻯ - ﺳﺎﻧﺎﻻﺭ ﺋﯧﻴﺘﯩﭗ ﻳﯧﯖﯩﺪﯨﻦ ﯪﺩﻩﻡ ﺑﻮﻟﯩﻤﻪﻥ ﺩﻩﭖ ﯬﺗﺘﯩﮕﻪﻥ ﯮﺭﻧﯩﻤﺪﯨﻦ ﺗﯘﺭﯗﭖ ﻣﯘﻧﭽﯩﻐﺎ ﺑﯩﺮﯨﭗ ﻳﯘﻳﯘﻧﯘﭖ ﻣﻪﺳﭽﯩﺘﻜﻪ ﺑﺎﺭﺩﯨﻢ. ﺧﯘﺩﺍﻏﺎ ﻳﯩﻐﻠﯩﺪﯨﻢ. ﺟﺎﻣﺎﯬﺕ ﺑﯩﻠﻪﻥ ﻧﺎﻣﺎﺯﺩﺍ ﺑﯩﻠﻠﻪ ﺑﻮﻟﺪﯗﻡ. ﯰﺯﯗﻧﺪﯨﻦ ﯰﺯﯗﻥ ﺩﯗﯪ ﻗﯩﻠﯩﭗ ﻛﻪﺗﺘﯩﻢ. ﺧﯩﻠﻰ ﻳﻪﯕﮕﯩﻠﻠﻪﭖ ﻗﺎﻟﻐﺎﻧﺪﻩﻙ، ﻧﯧﺮﯨﭙﻠﯩﺮﯨﻢ ﺳﯜﺯﯛﻛﻠﯩﺸﯩﭗ ﻗﺎﻟﻐﺎﻧﺪﻩﻙ ﺑﻮﻟﺪﯗﻡ. ﻣﻪﺳﭽﯩﺘﺘﻪ ﻳﻪﻧﻪ ﯰﺯﯗﻧﺮﺍﻕ ﯮﻟﺘﯘﺭﻏﯘﻡ ﺑﺎﺭ ﺋﯩﺪﻯ. ﻣﻪﺯﻧﺎﺧﯘﻧﯘﻡ ﺋﯩﺸﯩﻜﻨﻰ ﺗﺎﻗﺎﻳﻤﯩﺰ ﺩﻩﭖ ﺗﯘﺭﯨﯟﺍﻟﺪﻯ.
ﻳﯩﻨﯩﭗ ﭼﯩﻘﺘﯩﻢ. ﻣﻪﻛﺘﻪﭘﻜﻪ ﺑﺎﺭﻏﯘﭼﻪ ﯲﺯﯛﻣﮕﻪ ﻧﯘﺭﻏﯘﻥ ﯞﻩﺩﯨﻠﻪﺭﻧﻰ ﺑﯩﺮﯨﭗ ﻣﺎﯕﺪﯨﻢ. ﺗﻮﺭﺧﺎﻧﺎ ﺩﯦﮕﻪﻧﮕﻪ ﺋﯩﻜﻜﯩﻨﺠﻰ ﺩﻩﺳﺴﯩﻤﻪﻳﻤﻪﻥ ﺩﯨﺪﯨﻢ. ﺷﯘ ﺗﻪﺭﯨﻘﯩﺪﻩ ﺑﯩﺮ ﻗﺎﻧﭽﻪ ﻛﯜﻥ ﯞﻩﺩﻩﻣﺪﻩ ﺗﯘﺭﯗﭖ ﺳﺎﻻﻣﻪﺕ ﯲﺗﺘﯜﻡ. ﭼﯩﻜﯩﻨﯩﭗ ﻛﻪﺗﻜﻪﻥ ﺩﻩﺭﯨﺴﻠﯩﺮﯨﻤﻨﻰ ﭘﯘﺧﺘﯩﻠﯩﯟﺍﻟﺪﯨﻢ.
ﺑﯩﺮ ﻛﯜﻧﻰ ﻛﻪﭼﻠﯩﻚ ﯴﮔﯜﻧﯜﺷﻜﻪ ﭼﯩﻘﺎﻱ ﺩﻩﭖ ﺗﯘﺭﺳﺎﻡ ﺑﯩﺮ ﺳﺎﯞﺍﻗﺪﯨﺸﯩﻢ ﻛﯩﺮﯨﭗ ﻛﻪﻟﺪﻯ. ﺳﺎﯕﺎ ﺑﯩﺮ ﻗﯩﺰﻧﻰ ﺗﻮﻧﯘﺷﺘﯘﺭﯗﭖ ﻗﻮﻳﺎﻱ. ﻳﯧﻘﯩﻨﺪﯨﻦ ﺑﯩﺮﻯ ﺑﻪﻙ ﭼﯜﺷﻜﯜﻧﻠﯩﺸﯩﭗ ﻛﻪﺗﺘﯩﯔ . ﺑﯘﻧﺪﺍﻕ ﻳﯜﺭﯨﯟﻩﺭﺳﻪﯓ ﺑﻮﻟﻤﺎﻳﺪﯗ. ﺩﻩﭖ ﯰﻧﯩﻤﯩﺴﺎﻡ ﯰﻧﯩﻤﺎﻱ ﻗﻮﻟﯘﻣﺪﯨﻦ ﺗﺎﺭﺗﯩﭗ ﻳﺎﺗﺎﻕ ﺑﯩﻨﺎ ﺳﯩﺮﺗﯩﻐﺎ ﺳﯚﺭﻩﭖ ﭼﯜﺷﺘﻰ.

ﺳﯩﺮﯨﺘﻘﺎ ﭼﯩﻘﺴﺎﻕ ﺋﯩﻜﻜﻰ ﻗﯩﺰ ﻧﺎﺯﯗﻙ ﻫﯩﺠﯩﻴﺸﯩﭗ ﺑﯩﺰﻧﻰ ﺳﺎﻗﻼﭖ ﺗﯘﺭﯗﭘﺘﯘ... ﻗﺎﺭﯨﺴﺎﻡ ﻣﻪﻥ ﯰ ﻗﯩﺰﻻﺭﻧﻰ ﺑﯩﺮ ﻳﻪﺭﻟﻪﺭﺩﻩ ﻛﯚﺭﮔﻪﻧﺪﻩﻙ ،ﻟﯩﻜﯩﻦ ﺗﻮﻧﯩﻴﺎﻟﻤﯩﺪﯨﻢ. ﯬﺳﺘﻪ ﺗﯘﺗﯘﺵ ﺋﯩﻘﺘﯩﺪﺍﺭﯨﻤﻤﯘ ﺗﯚﯞﻩﻧﻠﻪﭖ ﻛﻪﺗﻜﻪﻥ ﺋﯩﺪﻯ. ﺳﺎﯞﺍﻗﺪﯨﺸﯩﻢ ﯰ ﻗﯩﺰﻻﺭﻧﻰ ﺗﻮﻧﯘﺷﺘﯘﺭﺩﻯ. ﻗﯩﺰﻻﺭ ﭘﻪﻗﻪﺕ ﺗﺎﺭﺗﯩﻨﻤﺎﻱ ﻛﯚﺭﯛﺷﯜﺷﻜﯩﻠﻰ ﻗﻮﻝ ﺗﻪﯕﻠﯩﺪﻯ. ﻛﯚﺯﯛﻣﻨﯩﯔ ﺋﯩﭽﯩﮕﻪ ﻗﺎﺭﺍﭖ ﺗﯘﺭﯨﯟﺍﻟﺪﻯ. ﻣﻪﻥ ﺧﯩﺠﯩﻞ ﺑﻮﻟﯘﭖ ﻛﯚﺯﯛﻣﻨﻰ ﺋﯩﻠﯩﭗ ﻗﺎﭼﺘﯩﻢ. ﻳﯧﻘﯩﻨﺪﯨﻼ ﺗﯧﺨﻰ ﻣﻪﺳﭽﯩﺘﺘﻪ ﯮﻟﺘﯘﺭﯗﭖ ﺗﻮﯞﺍ ﻗﯩﻠﻐﯩﻨﯩﻢ ﺋﯩﺴﯩﻤﺪﻩ . ﺑﯘﻻﺭ ﺑﯩﻠﻪﻥ ﻣﯧﯖﯩﺸﻘﺎ ﻳﻪﻧﯩﻼ ﯪﺭﺳﺎﻟﺪﻯ ﺑﻮﻟﯘﭖ ﻗﯩﻠﯩﯟﺍﺗﺎﺗﺘﯩﻢ. ﭼﯩﺮﺍﻳﻰ ﯪﻕ ، ﺯﯨﻠﯟﺍ ﻛﻪﻟﮕﻪﻥ - ﯻﺴﻤﯩﻨﻰ ﺯﯦﻠﻬﺎﻳﺎﺕ ﺩﯦﮕﻪﻥ ﻗﯩﺰ ﻗﻮﻟﯘﻣﻨﻰ ﭼﯩﯔ ﺳﯩﻘﯩﭗ ﻗﻮﻳﺪﻯ ﺗﯧﺨﻰ. ﯰ ﻗﯩﺰﻻﺭ ﯬﺩﻩﺑﯩﻴﺎﺕ ﻓﺎﻛﻮﻟﺘﯩﺘﯩﻨﯩﯔ ﯮﻗﯘﻏﯘﭼﯩﻠﯩﺮﻯ ﺋﯩﻜﻪﻥ. ﺑﻪﻙ ﺭﻭﻣﺎﻧﺘﯧﻜﻤﯩﺶ. ﻓﯩﺮﻭﺋﯩﺪﻧﯩﯔ ﻧﻪﺯﯨﺮﻳﻪﺳﯩﮕﻪ ﻗﯩﺰﯨﻘﯩﺪﯨﻜﻪﻥ. ﺩﻭﺳﺘﯘﻡ ﭼﺎﺧﭽﺎﻕ ﻗﯩﻠﻐﺎﻥ ﺑﻮﻟﯘﭖ ﺷﯘﻻﺭﻧﻰ ﺩﯦﺪﻯ. ﻛﺎﻟﻼﻣﺪﺍ ﻳﺎﻧﺎ ﯪﻟﻠﯩﻘﺎﻧﺪﺍﻕ ﺧﯩﻴﺎﻟﻼﺭ ﻗﺎﻳﻨﺎﯞﺍﺗﺎﺗﺘﻰ. ﻳﻮﻝ ﻣﯧﻨﻰ ﻣﯧﯖﯩﯟﺍﺗﺎﻣﺪﯗ ﻣﻪﻥ ﻳﻮﻟﻨﻰ ﻣﺎﯕﺪﯨﻤﻤﯘ ﻫﯧﭻ ﺑﯩﻠﻤﯩﺪﯨﻢ ﺑﯩﺮﺩﻩﻣﺪﻩ ﻳﻮﻟﻐﺎ ﭼﯩﻘﯩﭗ ﻗﺎﭘﺘﯩﻤﯩﺰ. ﺩﻭﺳﺘﯘﻡ ﺗﺎﻛﺴﻰ ﺗﻮﺳﺘﻰ. ﻗﯩﺰﻻﺭﻧﻰ ﺟﺎﻳﻼﺷﺘﯘﺭﯞﯨﺘﯩﭙﻼ ﻣﯧﻨﯩﻤﯘ ﻣﺎﺷﯩﻨﯩﻐﺎ ﺋﯩﺘﺘﯩﺮﯨﭗ ﺩﯦﮕﻪﻧﺪﻩﻙ ﭼﯩﻘﺎﺭﺩﻯ. ﺷﯘﻧﯩﯔ ﺑﯩﻠﻪﻥ ﺑﺎﺭﯨﺪﯨﻐﺎﻥ ﻳﻪﺭﮔﻪ ﺑﺎﺭﺩﯗﻕ. ﯲﻣﺮﯛﻣﺪﻩ ﺋﯩﭽﻤﯩﮕﻪﻧﻨﻰ ﺋﯩﭽﺘﯩﻢ. ﻗﺎﻧﻠﯩﺮﯨﻢ ﻗﯩﺰﺯﯨﭗ ، ﻳﯜﺭﻩﻛﻠﯩﺮﯨﻢ ﯮﻳﻨﺎﭖ ﺗﯘﺭﺍﺗﺘﻰ.ﯪﻏﯩﻴﻨﻪﻡ ﻗﯩﺰ ﺩﻭﺳﺘﻰ ﺑﯩﻠﻪﻥ ﺑﯩﺸﯩﻨﻰ ﺑﯩﺮ ﻗﯩﻠﯩﯟﺍﭘﺘﯘ. ﺯﯦﻠﻬﺎﻳﺎﺕ ﻣﺎﯕﺎ ﺗﻪﻟﻤﯜﺭﯛﭖ ﺭﯗﻣﻜﯩﻨﯩﯔ ﻟﯧﯟﯨﻨﻰ ﻳﺎﻻﭖ ﯮﻟﺘﯘﺭﺍﺗﺘﻰ. ﺑﯘ ﻗﯩﺰﻧﯩﯔ ﺷﯘ ﭼﺎﻏﺪﯨﻜﻰ ﻫﺎﻟﯩﺘﻰ ﻛﯚﺯﯛﻣﮕﻪ ﯪﻟﻪﻣﭽﻪ ﯰﺯ ﻛﯚﺭﯛﻧﯜﭖ ﻛﻪﺗﺘﻰ.
ﺳﯩﺰﮔﻪ ﻫﯩﻜﺎﻳﻪ ﺋﯧﻴﺘﯩﭗ ﻛﻪﺗﺘﯩﻤﯘ ﯬﭘﻪﻧﺪﯨﻢ. ﺳﯩﺰﻧﻰ ﻣﺎﻻﻝ ﻗﯩﻠﺴﺎﻣﻤﯘ ﺗﻪﭘﺴﯩﻠﯩﻴﺮﻩﻙ ﻳﺎﺯﺍﻱ ﺩﯨﺪﯨﻢ. ﺑﯘ ﺋﯩﺸﻼ ﻳﺎﻟﻐﯘﺯ ﻣﻪﻧﺪﯨﻼ ﺑﻮﻟﻤﺎﺳﺘﯩﻦ ﺑﯩﺮ ﭘﯜﺗﯜﻥ ﺟﻪﻣﺌﯩﻴﻪﺗﺘﻪ ﺗﻮﻟﯘﭖ ﻳﺎﺗﻘﯩﻨﻨﻰ ﻛﯩﻴﯩﻦ ﻫﯧﺲ ﻗﯩﻠﺪﯨﻢ.ﺷﯘ ﻛﯜﻧﻰ ﯲﺯﯛﻣﻨﻰ ﺷﯘﻧﺪﺍﻕ ﯬﻗﯩﻠﻠﯩﻖ ﯮﻳﻼﭖ ﻛﻪﺗﻜﯩﻨﯩﻤﻨﻰ ﺩﯦﻤﻪﻳﺴﯩﺰ. ﻣﻪﻥ ﺗﯧﺨﻰ ﯲﺯﯛﻣﻨﯩﯔ ﯪﺩﻩﺗﺘﯩﻜﻰ ﺋﯩﺸﻠﯩﺮﯨﻤﻨﻰ ﻛﻪﭼﯜﺭﮔﯜﺳﯩﺰ ﮔﯘﻧﺎﻫ ﺩﻩﭖ ﻗﺎﺭﯨﯟﺍﭘﺘﯩﻤﻪﻥ. ﺑﺎﺷﻘﯩﻼﺭﻧﯩﯔ ﻗﯩﻠﻐﺎﻧﻠﯩﺮﯨﻐﺎ ﻗﺎﺭﺍﭖ ﯲﺯﯛﻣﻨﯩﯔ ﺗﯧﺨﻰ ﻫﯧﭽﻘﺎﻧﺪﺍﻕ ﮔﯘﻧﺎﻫ ﯲﺗﻜﯜﺯﻣﯩﮕﯩﻨﯩﻤﮕﻪ ﻗﺎﻳﯩﻞ ﺑﻮﻟﻤﺎﻱ ﺗﯘﺭﺍﻟﻤﯩﺪﯨﻢ. ﯲﺗﯜﭖ ﻛﻪﺗﻜﻪﻥ - ﯲﺯ-ﯲﺯﯛﻣﻨﻰ ﯪﻟﺪﺍﻳﺪﯨﻐﺎﻥ ﻫﯩﻠﯩﻘﯩﺪﻩﻙ ﺋﯩﺸﻼﺭﻏﺎ ﯲﺯﯛﻣﻨﯩﯔ ﻧﯘﻣﯘﺳﯘﻡ ﻛﻪﻟﺪﻯ. ﯰﻧﺪﺍﻕ ﻗﯩﻠﯩﭗ ﺟﺎﻧﻨﻰ ﻗﯩﻴﻨﺎﭖ ﻳﯜﺭﻣﯩﺴﻪﯕﻤﯘ ﻗﯩﺰ ﺑﺎﻻ ﺩﯦﮕﻪﻥ ﺗﻪﻳﻴﺎﺭ ﯮﻟﺠﯩﻜﻪﻧﻐﯘ..ﺩﯦﮕﻪﻧﻠﻪﺭﻧﻰ ﻛﺎﻟﻼﻣﺪﯨﻦ ﯲﺗﻜﯜﺯﺩﯛﻡ. ﻳﯩﻨﯩﻤﺪﯨﻜﻰ ﻗﯩﺰ ﺑﺎﺭﻏﺎﻧﭽﻪ ﺳﯜﻳﯜﻟﯜﭖ ﻛﯩﺘﯩﯟﺍﺗﺎﺗﺘﻰ..ﻫﺎﺭﺍﻕ ﻛﯜﭼﯩﻨﻰ ﻛﯚﺭﺳﻪﺗﺘﻰ. ﺑﯩﺰ ﺑﯩﺮ - ﺑﯩﺮﯨﻤﯩﺰﻧﻰ ﻳﯚﻟﯩﺸﯩﭗ ﺳﯩﺮﯨﺘﻘﺎ ﭼﯩﻘﯩﺸﺘﯘﻕ. ﻳﯩﻘﯩﻦ ﯬﺗﺮﺍﭘﺘﺎ ﻣﯩﻬﻤﺎﻧﺨﺎﻧﺎ ﺑﺎﺭﻟﯩﻘﯩﻨﻰ ﺋﯧﻴﺘﯩﭗ ﯪﻏﯩﻴﻨﻪﻡ ﺑﯩﺰﻧﻰ ﺑﺎﺷﻼﭖ ﻣﺎﯕﺪﻯ. ﺑﯜﮔﯜﻥ ﻛﻪﭼﺘﻪ ﻧﯧﻤﻪ ﺋﯩﺸﻼﺭﻧﯩﯔ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﻛﯚﯕﻠﯜﻡ ﺗﯘﻳﯘﭖ ﺗﯘﺭﺍﺗﺘﻰ. ﻳﯜﺭﯛﻛﯜﻡ ﺗﯩﺰ ﺗﯩﺰ ﺳﯧﻠﯩﭗ ﻛﯩﺘﯩﯟﺍﺗﺎﺗﺘﻰ. ﻗﯩﺰ ﻣﺎﯕﺎ ﻳﯚﻟﯩﻨﯩﯟﺍﻟﻐﺎﻥ ﺋﯩﺪﻯ. ﻫﺎﺭﺍﻗﻨﯩﯔ ﻫﯩﺪﻯ ﺑﻪﺩﺑﯘﻱ ﺑﻮﻟﺴﯩﻤﯘ ﻣﺎﯕﺎ ﺑﻪﻙ ﺧﯘﺵ ﭘﯘﺭﺍﻕ ﺗﯘﻳﯘﻟﯘﭖ ﻧﺎﺯﯗﻕ ﺗﯘﻳﻐﯘﻟﯩﺮﯨﻤﻨﻰ ﻏﯩﺪﯨﻘﻼﻳﺘﺘﻰ. ﺑﻪﺩﻩﻧﻠﯩﺮﯨﻢ ﻗﯩﺰﺯﯨﯟﺍﺗﺎﺗﺘﻰ. ﮔﯘﻧﺎﻫﻠﯩﻖ ﺋﯩﺶ ﻗﯩﻠﯩﺶ ﯪﻟﺪﯨﺪﺍ ﺷﻪﻳﺘﺎﻧﻨﯩﯔ ﯪﺩﻩﻣﮕﻪ ﻣﻪﻫﻜﻪﻡ ﭼﺎﭘﻠﯩﺸﯩﺪﯨﻐﺎﻧﻠﯩﻘﯩﻨﻰ ﺑﯜﮔﯜﻥ ﺑﺎﺷﻘﯩﺪﯨﻦ ﻫﯧﺲ ﻗﯩﻠﺪﯨﻢ. ﺷﻪﻳﺘﺎﻥ ﯮﺗﺘﯩﻦ ﻳﺎﺭﺗﯩﻠﯩﭙﺘﯩﻜﻪﻥ. ﺷﻪﻳﺘﺎﻥ ﯪﺩﻩﻣﮕﻪ ﭼﺎﭘﻼﺷﺴﺎ ﺑﻪﺩﻩﻧﻨﻰ ﺷﯘﻧﺪﺍﻕ ﻗﯩﺰﺗﯩﯟﯦﺘﻪﻣﺪﯨﻐﺎﻧﺪﯗ ﻳﺎ ﺩﯦﮕﻪﻧﻠﻪﺭﻧﯩﻤﯘ ﯮﻳﻼﭖ ﯴﻟﮕﯜﺭﺩﯗﻡ.
ﻛﺎﻟﻼﻣﺪﺍ ﺯﯦﺪﯨﻴﻪﺕ ﺑﺎﺭ ﺋﯩﺪﻯ..ﻣﯧﻨﻰ ﻫﺎﺭﺍﻕ ﻗﯩﺰﺯﯨﺘﺘﯩﻤﯘ ﻳﺎﻛﻰ ﺷﻪﻳﺘﺎﻥ ﺩﯦﮕﻪﻥ ﺳﯘﯪﻝ ﻛﺎﻟﻼﻣﻐﺎ ﺑﯩﻜﯩﻨﯩﯟﯨﻠﯩﭗ ﺑﯘ ﺳﯘﯪﻝ ﯲﺯﯛﻣﭽﻪ ﻗﯩﺰﺯﯨﻖ ﺗﯘﻳﯘﻟﯘﭖ ﻛﻪﺗﺘﻰ. ﻳﺎﺗﺎﻗﻘﯩﻤﯘ ﺟﺎﻳﻼﺷﺘﯘﻕ. ﺩﻭﺳﺘﯘﻡ ﻣﻪﻥ ﺑﯩﻠﻪﻥ ﺧﻮﺷﻠﯩﺸﯩﭗ، ﭘﻮﻛﺎﻧﺪﻩﻙ ﻗﯩﺰﯨﺮﯨﭗ ﻛﻪﺗﻜﻪﻥ ﭼﯩﺮﺍﻳﯩﻨﻰ ﻏﻪﻟﯩﺘﻪ ﭘﯜﺭﯛﺷﺘﯜﺭﯛﭖ ﻛﯚﺯﯨﻨﻰ ﻗﯩﺴﯩﭗ ﭘﯘﺭﺳﻪﺕ ﻏﻪﻧﯩﻴﻤﻪﺕ ﺩﯦﮕﻪﻧﺪﻩﻙ ﺩﻭﻻﻣﻐﺎ ﯰﺭﯗﭖ ﻗﻮﻳﯘﭖ ﻗﯩﺰ ﺩﻭﺳﺘﯩﻨﻰ ﺋﯩﻠﯩﭗ ﻳﺎﺗﯩﻘﯩﻐﺎ ﭼﯩﻘﯩﭗ ﻛﻪﺗﺘﻰ. ﯰﻧﯩﯔ ﺩﯦﻴﯩﺸﯩﭽﻪ ﺑﯜﮔﯜﻥ ﻛﻪﭺ ﯰ ﻗﯩﺰﻧﯩﯔ ﻓﯩﺮﻭﺋﯩﺪ ﻧﻪﺯﯨﺮﻳﯩﺴﯩﻨﻰ ﺗﻮﻟﯘﻕ ﭼﯜﺷﯩﻨﯩﺸﯩﮕﻪ ﻳﺎﺭﺩﻩﻡ ﻗﯩﻼﺭﻣﯩﺶ، ﺩﻭﺳﺖ ﺩﯦﮕﻪﻥ ﺑﯩﺮ ﺑﯩﺮﯨﺪﯨﻦ ﻳﺎﺭﺩﻩﻣﻨﻰ ﯪﻳﯩﻤﺎﺳﻠﯩﻘﻰ ﻛﯩﺮﻩﻛﻤﯩﺶ. ﺗﻮﯞﺍ ، ﻫﺎﺭﺍﻕ ﺋﯩﭽﯩﺶ، ﻗﯩﺰ -ﻳﯩﮕﯩﺘﻠﻪﺭ ﺟﯜﭘﻰ ﺑﯩﻠﻪﻥ ﯪﻳﺮﯨﻢ ﻳﺎﺗﺎﻗﻼﺭﺩﺍ ﺑﯩﺮ ﻛﯧﭽﯩﻨﻰ ﯲﺗﻜﯜﺯﯨﺸﻰ ﺑﯩﻠﻪﻥ ﻓﯩﺮﻭﺋﯩﺪ ﻧﻪﺯﯨﺮﻳﯩﺴﯩﻨﯩﯔ ﻗﺎﻧﺪﺍﻕ ﻣﯘﻧﺎﺳﯩﯟﯦﺘﻰ ﺑﻮﻟﯩﺪﯨﻐﺎﻧﺪﯗ ﺩﻩﭖ ﻛﺎﻟﻼﻣﺪﯨﻦ ﭘﻪﻗﻪﺕ ﯲﺗﻜﯜﺯﻩﻟﻤﯩﺪﯨﻢ. ﻳﺎﺗﺎﻕ ﺋﯩﭽﯩﮕﻪ ﻗﺎﺭﯨﺴﺎﻡ ﻗﯩﺰ ﭼﯩﺮﺍﻗﻨﻰ ﯲﭼﯜﺭﯛﭖ ﺑﯩﺮ ﯮﺑﺪﺍﻥ ﺷﺎﻣﻼﺭﻧﻰ ﻳﺎﻗﻘﯩﻠﻰ ﺗﯘﺭﯗﭘﺘﯘ. ﯰﭼﯩﺴﯩﺪﺍ ﻛﯩﻴﯩﻢ ﺩﯨﺪﺍﺭﻯ ﻳﻮﻗﺘﻪﻛﻼ ﺋﯩﺪﻯ.

ﺷﯘ ﻛﯜﻧﺪﯨﻦ ﺑﺎﺷﻼﭖ ﻓﯩﺮﻭﺋﯩﺪ ﻧﻪﺯﯨﺮﻳﯩﺴﯩﻨﻰ<< ﺳﯩﻨﺎﻕ >>ﻗﯩﻠﯩﺪﯨﻐﺎﻥ ، <<ﯬﻣﻪﻟﯩﻲ >> ﯴﮔﯜﻧﯩﺪﯨﻐﺎﻥ ﺋﯩﺸﻼﺭ ﭘﺎﺕ - ﭘﺎﺕ ﻳﯜﺯ ﺑﯩﺮﯨﭗ ﺗﯘﺭﺩﻯ. ﻗﺎﺭﺍﯓ ، ﻫﻪﻗﺎﭼﺎﻥ ﺳﯩﺰ . ﻧﯩﻤﺎﻧﺪﺍﻕ ﻗﺎﻣﻼﺷﻤﯩﻐﺎﻥ ﮔﻪﭖ ﺑﯘ، ﺑﯩﺮ ﻗﯧﺘﯩﻢ ﻛﯚﺭﯛﺷﯜﭘﻼ ﻓﯩﺮﻭﺋﯩﺪ ﻧﻪﺯﯨﺮﻳﻪﺳﯩﻨﻰ <<ﺳﯩﻨﺎﻕ >> ﻗﯩﻠﯩﺪﯨﻐﺎﻥ ﺋﯩﺶ ﻧﻪﺩﻩ ﺑﺎﺭ، ﺩﻩﭖ ﻗﯩﻠﯩﺸﯩﯖﯩﺰ ﻣﻮﻣﻜﯩﻦ. ﻣﻪﻧﻤﯘ ﺑﯘ ﺋﯩﺸﻼﺭﻧﯩﯔ ﺑﯘﻧﺪﺍﻕ ﺗﯧﺰ ﻳﯜﺯ ﺑﯩﺮﯨﺸﯩﻨﻰ ﭘﻪﻗﻪﺗﻼ ﯮﻳﻼﭖ ﺑﺎﻗﻤﯩﻐﺎﻥ ﺋﯩﺪﯨﻢ. ﯰ ﻗﯩﺰﻻﺭﻧﯩﯖﻤﯘ ﻧﯧﻤﻪ ﺳﻪﯞﻩﺑﺘﯩﻦ ﯬﻳﺸﻰ - ﺋﯩﺸﺮﻩﺗﻜﻪ ﺑﯩﺮﯨﻠﯩﭗ ﻛﻪﺗﻜﯩﻨﻨﻰ ﺑﯩﻠﯩﭗ ﺑﻮﻟﻤﺎﻳﺘﺘﻰ . ﻣﻪﻥ ﺷﯘ ﺩﻩﺭﯨﺠﯩﺪﻩ ﺗﯩﺰ ﯲﺯﮔﻪﺭﺩﯨﻤﻜﻰ ﺑﯘ ﯲﺯﮔﯩﺮﯨﺸﻠﻪﺭﮔﻪ ﺑﻪﺯﯨﺪﻩ ﯲﺯﯛﻣﻤﯘ ﺋﯩﺸﻪﻧﻤﻪﻳﻼ ﻗﺎﻻﺗﺘﯩﻢ .ﺑﺎﺷﺘﺎ ﺋﯧﻴﺘﻘﺎﻧﺪﻩﻙ ﻗﯩﺰﻻﺭﻏﺎ ﺗﯧﻜﯩﻠﯩﭗ ﻗﺎﺭﺍﺷﺘﯩﻦ ﯰﻳﯘﻟﯩﺪﯨﻐﺎﻥ، ﯞﯗﺟﯘﺩﯗﻣﻨﯩﯔ ﭼﯘﯕﻘﯘﺭﻟﯩﺮﯨﺪﯨﻦ ﻣﯧﻨﻰ ﺩﺍﯞﺍﻣﻠﯩﻖ ﯪﮔﺎﻫﻼﻧﺪﯗﺭﯗﭖ ﺗﯘﺭﯨﺪﯨﻐﺎﻥ ﺋﯩﻼﻫﯩﻲ ﺳﺎﺩﺍﻧﻰ ﻫﺎﻳﺎﺟﺎﻥ ﺋﯩﭽﯩﺪﻩ ﯪﯕﻼﻳﺪﯨﻐﺎﻥ ، ﺗﯧﯟﯨﻨﯩﺪﯨﻐﺎﻥ ﺳﺎﺩﺩﺍ ﯪﻗﻜﯚﯕﯜﻝ ﺑﯩﺮ ﺑﺎﻻ ﯲﺯ - ﯲﺯﯛﻣﮕﻪ ﺧﯩﻴﺎﻧﻪﺕ ﻗﯩﻠﯩﺶ ﻳﻮﻟﯩﻨﻰ ﺗﺎﻟﻠﯩﯟﺍﻟﻐﺎﻥ ﺋﯩﺪﯨﻢ. ﻫﻪﺭ ﻗﯧﺘﯩﻢ ﺷﻪﻳﺘﺎﻧﻐﺎ ﺗﻪﺳﻠﯩﻢ ﺑﻮﻟﯘﭖ ﻣﻪﻳﻠﯩﻤﻨﻰ ﯰﻧﯩﯔ ﺋﯩﻠﻜﯩﮕﻪ ﺗﺎﭘﺸﯘﺭﻏﺎﻧﺪﺍ ﯞﯗﺟﯘﺩﯗﻣﻨﯩﯔ ﺑﯩﺮ ﻳﻪﺭﻟﯩﺮﯨﺪﻩ ﺷﻪﻳﺘﺎﻧﻨﻰ ﻗﻮﻏﻼﻳﺪﯨﻐﺎﻥ ﺑﯩﺮ ﻛﯜﭺ ﯬﺯﻩﻟﺪﯨﻨﻼ ﺑﺎﺭﺩﻩﻙ ﻫﯧﺲ ﻗﯩﻼﺗﺘﯩﻢ. ﺧﯩﻴﺎﻟﯩﻤﺪﺍ ﻗﯩﺘﯩﻐﯘﺭ، ﭘﻪﺱ ﺋﯩﺸﻼﺭﻧﯩﯔ ﻫﻪﻣﻤﯩﻨﻰ ﻗﯩﻠﯩﭗ ﺑﺎﻗﺴﺎﻣﻤﯘ ﯬﻣﻪﻟﯩﻴﻪﺗﺘﻪ ﻳﯜﺯ ﺑﯩﺮﯨﺸﯩﮕﻪ ﺋﯩﺸﻪﻧﻤﻪﻳﺘﺘﯩﻢ. ﯬﭘﺴﯘﺱ ، ﯪﺧﯩﺮﻯ ﻫﻪﻣﻤﻪ ﺋﯩﺸﻼﺭ ﻳﯜﺯ ﺑﻪﺭﺩﻯ. ﺷﻪﻳﺘﺎﻥ ﺑﻮﻳﻨﯘﻣﻐﺎ ﻣﯩﻨﺪﻯ. ﭘﺎﻛﯩﺰﻟﯩﻘﯩﻢ، ﯬﺭﻟﯩﻚ ﺋﯩﭙﭙﯩﺘﯩﻢ ﺷﯘﻧﯩﯔ ﺑﯩﻠﻪﻥ ﯪﺧﯩﺮﻻﺷﺘﻰ. ﻣﻪﻥ ﻫﺎﻟﯩﻤﻐﺎ ﺑﺎﻗﻤﺎﻱ ﻳﯧﯖﭽﻪ ﺑﯩﺮ ﻫﺎﻳﺎﺗﻨﻰ ﺑﺎﺷﻠﯩﯟﺍﻟﺪﯨﻢ. ﯰ ﭼﺎﻏﺪﺍ ﻗﯩﻠﻐﺎﻧﻠﯩﺮﯨﻤﻐﺎ ﻗﯩﻠﭽﻪ ﯲﻛﯜﻧﯜﺵ، ﭘﯘﺷﺎﻳﻤﺎﻥ ﺗﯘﻳﻐﯘﺳﻰ ﻗﺎﻟﻤﺎﭘﺘﯩﻜﻪﻥ.ﻫﺎﺯﯨﺮ ﯮﻳﻠﯩﺴﺎﻡ ﺗﯧﻨﯩﻢ ﺷﯜﺭﻛﯩﻨﯩﭗ ﻛﯧﺘﯩﺪﯗ. ﯬﺧﻼﻕ، ﻣﯩﻠﻠﻪﺗﻨﯩﯔ ﮔﯜﺯﻩﻝ ﯬﻧﯭﻧﯩﺴﻰ ﻫﻪﻗﻘﯩﺪﻩ ﺳﯚﺯﻟﻪﻳﺪﯨﻐﺎﻧﻼﺭﻧﻰ ﺗﻮﻻ ﻛﺎﭘﺸﯩﻴﺪﯨﻐﺎﻧﻼﺭ ﺩﻩﭖ ﻗﻪﯞﻩﺗﻼ ﯲﭺ ﻛﯚﺭﻩﺗﺘﯩﻢ. ﯬﺧﻼﻗﺘﯩﻦ ﺳﯚﺯ ﯪﭼﻘﺎﻥ ﺑﯩﻠﻪﻥ ﯲﺯﯨﻨﯩﯔ ﻗﯩﺰ ﯮﻗﯘﻏﯘﭼﯩﻠﯩﺮﯨﻨﻰ ﺋﯩﻤﺘﺎﻫﺎﻧﺪﯨﻦ ﯲﺗﻜﯜﺯﯨﻤﻪﻥ ﻳﻪﻧﻪ ﺑﯩﺮ ﻧﯩﻤﻪ ﻗﯩﻠﯩﭗ ﺑﯩﺮﯨﻤﻪﻥ ﺩﻩﭖ ﺋﯩﭙﭙﯩﺘﯩﻨﻰ ﺩﻩﭘﺴﻪﻧﺪﻩ ﻗﯩﻠﻐﯩﻨﻨﻰ ، ﻫﺎﺭﺍﻕ ﺋﯩﭽﯩﭗ ﻗﺎﻻﻳﻤﯩﻘﺎﻥ ﺳﯚﺯﻟﻪﭖ ﻳﯜﺭﮔﯩﻨﻨﻰ، ﯲﺯﯨﻨﯩﯔ ﻗﯘﺳﯩﻘﯩﻨﻰ ﻳﺎﻻﭖ ﻛﯩﺸﯩﻠﻪﺭﻧﯩﯔ ﻟﻪﻧﯩﺘﯩﮕﻪ ﻗﺎﻟﻐﺎﻥ ﺯﯨﻴﺎﻟﯩﻴﻼﺭﻧﯩﯔ ﻳﯜﺯﯨﻨﻰ ﺗﯚﻛﯩﺪﯨﻐﺎﻥ <<ﺳﯧﺴﯩﻖ>> ﻻﺭﻧﻰ ﻛﯚﭖ ﻛﯚﺭﮔﻪﻥ ﺋﯩﺪﯨﻢ. ﻏﯧﻨﻰ ﺑﺎﺗﯘﺭﻣﯘ ﺑﯩﺮ ﭘﺎﻫﯩﺸﯩﯟﺍﺯﻛﻪﻧﻐﯘ ﯪﻳﻨﺎ ..ﯰﻧﯩﯔ ﺑﯘﺯﯗﻗﻠﯩﻘﻰ ﻣﯩﻠﻠﻪﺕ ﯴﭼﯜﻥ ﺷﻪﺭﻩﭘﻠﯩﻚ ﺋﯩﺸﻼﺭﻧﻰ ﻗﯩﻠﯩﺸﯩﻐﺎ ﺗﻮﺳﻘﯘﻧﻠﯘﻕ ﻗﯩﻠﻤﺎﭘﺘﯩﻜﻪﻥ. ﯰﺩﯗﻝ ﻛﻪﻟﮕﻪﻧﺪﻩ ﻫﻪﻣﻤﯩﻨﻰ ﻗﻮﻟﺪﯨﻦ ﺑﻪﺭﻣﻪﭘﺘﯩﻜﻪﻥ ﺩﻩﭖ ﯲﺯ-ﯲﺯﯛﻣﮕﻪ ﺗﻪﺳﻪﻟﻠﯩﻲ ﺋﯩﺰﺩﻩﻳﺘﺘﯩﻢ.
ﯪﺋﯩﻠﻪ ﺋﯩﻘﺘﯩﺴﺎﺩﯨﻢ ﻳﺎﺧﺸﻰ ﺑﻮﻟﻐﺎﭼﻘﺎ ﻣﻪﻛﺘﻪﭘﻨﯩﯔ ﭼﯩﻘﯩﻤﻰ ﺋﯩﺸﯩﭗ ﻛﻪﺗﺘﻰ ، ﯮﻗﯘﻳﺪﯨﻐﺎﻥ ﻛﯩﺘﺎﺑﻠﯩﺮﯨﻢ ﻛﯚﭖ، ﻛﻪﭼﻠﯩﻚ ﺋﯩﻨﮕﯩﻠﯩﺰ- ﻛﻮﻣﭙﻴﯘﺗﯧﺮ ﻛﯘﺭﯗﺳﻠﯩﺮﯨﻐﺎ ﻗﺎﺗﻨﯩﺸﯩﯟﺍﺗﯩﻤﻪﻥ ﺩﻩﭖ ﺗﯧﻠﯩﻔﯘﻥ ﻗﯩﻠﺴﺎﻡ ﻣﯧﻨﯩﯔ ﺑﯘ ﺧﯩﻞ ﺗﯧﺮﯨﺸﭽﺎﻧﻠﯩﻘﯩﻤﺪﯨﻦ ﺧﯘﺷﺎﻝ ﺑﻮﻟﯘﭖ ﭼﺎﺭﭼﺎﭖ ﻗﺎﻟﻤﯩﻐﯩﻦ، ﻳﺎﺧﺸﻰ ﯮﺯﯗﻗﻼﻧﻐﯩﻦ ﺩﻩﭖ ﺑﺎﻧﻜﺎ ﻛﺎﺭﺗﺎﻣﻐﺎ ﺩﯦﮕﯩﻨﯩﻤﺪﯨﻦ ﯪﺭﺗﯘﻕ ﭘﯘﻝ ﺳﯧﻠﯩﭗ ﺑﯩﺮﻩﺗﺘﻰ. ﺑﺎﻏﺎﻧﭽﻪ ﻛﺎﻟﻼﻡ <<ﺟﻮﺗﯘ>>ﺩﻩﻙ ﺋﯩﺸﻠﻪﻳﺪﯨﻐﺎﻥ ﺑﻮﻟﯘﭖ ﻛﯩﺘﯩﯟﺍﺗﺎﺗﺘﻰ. ﺑﻪﺯﯨﺪﻩ ﺗﯧﺨﻰ ﭼﻮﯓ ﻳﺎﺷﻠﯩﻖ ﯪﻳﺎﻟﻼﺭﻧﯩﯔ ﭘﯘﻟﯩﻨﯩﻤﯘ ﺧﻪﺟﻠﻪﭖ ﻗﻮﻳﺎﺗﺘﯩﻢ.
ﯬﻣﺪﻯ ﺋﯩﺨﺘﯩﺴﺎﺩﯨﻲ ﺟﻪﻫﻪﺗﺘﻪ ﺗﻮﻟﯘﻕ ﻛﺎﭘﺎﻟﻪﺗﻜﻪ ﺋﯩﮕﻪ ﺑﻮﻟﻐﺎﻧﺪﯨﻦ ﻛﯩﻴﯩﻦ ﯲﺯﯛﻣﻨﻰ ﻳﺎﺧﺸﻰ ﯪﺳﺮﺍﭖ، ﯮﺯﯗﻗﻠﯩﻨﯩﺸﻘﺎ ﺩﯨﻘﻘﻪﺕ ﻗﯩﻠﯩﺪﯨﻐﺎﻥ ﺑﻮﻟﺪﯗﻡ. ﺗﻮﺭﻏﺎ ﺋﯩﻠﮕﯩﺮﻛﯩﺪﻩﻙ ﻛﯚﭖ ﻛﯩﺮﻣﯩﮕﻪﭼﻜﻪ ﺳﺎﻻﻣﻪﺗﻠﯩﻜﯩﻢ ﺧﯩﻠﻰ ﻳﺎﺧﺸﻰ ﺑﻮﻟﯘﭖ ﻗﺎﻟﺪﻯ. <<ﺗﻮﻗﻠﯘﻗﺘﯩﻦ ﺷﻮﺧﻠﯘﻕ ﭼﯩﻘﯩﺪﯗ >> ﺩﯦﮕﻪﻧﺪﻩﻙ ﺑﻮﻳﺘﺎﻗﻠﯩﻘﻨﯩﯔ ﯪﺳﺎﺭﯨﺘﯩﺪﯨﻦ ﭘﺎﺕ ﭘﺎﺕ ﻳﯘﻟﻘﯘﻧﯘﭖ ﭼﯩﻘﯩﭗ ﺑﺎﻗﺎﺗﺘﯩﻢ.
ﻫﯩﻠﯩﻘﻰ ﺋﯩﺸﻼﺭ ﺑﻮﻟﯘﭖ ﯰﺯﯗﻥ ﯲﺗﻤﻪﻱ ﻳﻪﻧﻪ ﺗﻮﺭﺧﺎﻧﯩﻐﺎ ﭼﺎﭘﺘﯩﻢ. ﺑﯘ ﻗﯧﺘﯩﻢ ﻫﯩﻠﯩﻘﻰ ﻛﻮﻧﺎ ﺗﻮﺭﺩﺍﺷﻠﯩﺮﯨﻤﻨﻰ ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﺑﯩﺮ ﯪﻣﺎﻝ ﻗﯩﻠﯩﭗ ﺋﯩﻨﺪﻩﻛﻜﻪ ﻛﻪﻟﺘﯜﺭﯛﺵ ﯴﭼﯜﻥ ﻛﻮﻣﭙﻴﯘﺗﯧﺮ ﯪﻟﺪﯨﺪﯨﻦ ﻗﻮﭘﻤﺎﻱ ﯮﻟﺘﯘﺭﺍﺗﺘﯩﻢ. ﭼﺎﻳﺨﺎﻧﺎ، ﭺ ﭺ ﻻﺭﺩﺍ 5-6 ﺋﯩﺴﯩﻢ ﺑﯩﻠﻪﻥ ﻧﯘﺭﻏﯘﻧﻠﯩﻐﺎﻥ ﻗﺎﭘﻘﺎﻧﻼﺭﻧﻰ ﻗﯘﺭﯨﯟﻩﺗﻜﻪﻥ ﺋﯩﺪﯨﻢ. ﭺ ﭺ ﺩﺍ ﺩﯦﻴﺸﯩﭗ ، ﻛﯩﻠﯩﺸﯩﭗ ﺑﯩﺮ ﻗﯩﺰ ﺑﯩﻠﻪﻥ ﯰﻻﻧﺒﺎﻱ ﺳﺎﻳﻠﯩﻘﻘﺎ ﯮﻳﻨﯩﻐﯩﻠﻰ ﭼﯩﻘﺘﯘﻕ. ﯰ ﻗﯩﺰ ﻳﺎﺵ ﺟﻪﻫﻪﺗﺘﻪ ﻣﻪﻧﺪﯨﻦ ﺳﻪﻝ ﭼﻮﯓ ﻛﯚﺭﯨﻨﻪﺗﺘﻰ. ﻣﯧﻨﯩﯔ ﯰﻧﯩﯔ ﺑﯩﻠﻪﻥ ﭘﻪﺭﯞﺍﻳﯩﻢ ﭘﻪﻟﻪﻙ ﺋﯩﺪﻯ. ﻗﯘﺗﺮﯨﻐﺎﻥ ﺋﯩﺴﺘﻪﻛﻠﯩﺮﯨﻤﻨﻰ ، ﭼﺎﯕﻘﺎﺷﻠﯩﺮﯨﻤﻨﻰ ﻗﺎﻧﺪﯗﺭﯗﺷﻨﯩﻼ ﺋﯩﺴﺘﻪﻳﺘﺘﯩﻢ. ﺑﯩﺰﻧﯩﯔ ﺳﺎﻳﺎﻫﯩﺘﯩﻤﯩﺰ ﻫﻪﭘﺘﯩﺪﻩ ﺋﯩﻜﻜﻰ ﻗﯩﺘﯩﻤﺪﯨﻦ ﺗﻮﻏﺮﺍ ﻛﻪﻟﺪﻯ. ﻣﯘﺷﯘ ﻣﻪﺯﮔﯩﻠﻠﻪﺭﺩﻩ ﺑﻪﺩﯨﻨﯩﻤﺪﻩ ﺑﻪﺯﻯ ﺑﯩﺮ ﻛﯧﺴﻪﻟﻠﯩﻚ ﯪﻻﻣﻪﺗﻠﯩﺮﻯ ﺑﯩﺦ ﺳﯜﺭﯨﯟﺍﺗﻘﯩﻨﻨﻰ ﯪﺯ ﺗﻮﻻ ﻫﯧﺲ ﻗﯩﻠﯩﭗ ﻗﺎﻟﺪﯨﻢ. ﺩﻭﯞﺳﯘﻥ ﭼﯩﯖﻘﯩﻠﯩﭗ ،ﺳﯜﻳﺪﯛﻙ ﻛﯚﻳﺸﯜﭖ ﻛﯩﻠﻪﺗﺘﻰ. . . .ﻣﻪﻥ ﺑﯘ ﺋﯩﺸﻼﺭﻧﯩﯔ ﻛﯩﻴﯩﻦ ﺟﺎﻧﻐﺎ ﺋﯩﻜﻪﻙ ﺳﺎﻟﯩﺪﯨﻐﺎﻥ ﻗﺎﺑﺎﻫﻪﺗﻠﯩﻚ ﻛﯧﺴﻪﻟﮕﻪ ﯪﻳﻠﯩﻨﺪﯨﻐﯩﻨﻨﻰ ﯮﻳﻼﭘﻤﯘ ﻳﻪﺗﻤﯩﮕﻪﻥ ﺋﯩﻜﻪﻧﻤﻪﻥ.
ﮔﻪﭘﻨﻰ ﺑﻪﻙ ﺳﻮﺯﯗﭖ ، ﻧﺎﺯﯗﻙ ﻣﻪﺳﯩﻠﻠﻪﺭﺩﻩ ﺳﻪﻝ ﭼﻪﻛﺘﯩﻦ ﺋﯩﺸﯩﭗ ﻛﯧﺘﯩﯟﺍﺗﻘﺎﻧﻠﯩﻘﯩﻤﻨﻰ ﺳﯧﺰﯨﭗ ﺗﯘﺭﯨﯟﺍﺗﯩﻤﻪﻥ ﺑﯩﺮﺯﺍﺕ ﺋﻪﭘﻪﻧﺪﯨﻢ.
ﻣﻪﻥ ﺳﻪﺭﮔﯜﺯﻩﺷﺘﯩﻠﯩﺮﯨﻤﻨﻰ ﺗﻪﭘﺴﯩﻠﯩﻲ ﺑﺎﻳﺎﻥ ﻗﯩﻠﯩﺶ ﯪﺭﻗﯩﻠﯩﻖ ﯞﯗﺟﯘﺩﯗﻣﻨﻰ ﺑﯧﺴﯩﭗ ﻛﻪﺗﻜﻪﻥ ﻛﯩﺮ - ﻣﻪﻳﻨﻪﺗﭽﯩﻠﯩﻜﻠﻪﺭﻧﻰ ﺗﻮﻟﯘﻕ ﭼﯩﻘﺮﯨﭗ ﺗﺎﺷﻠﯩﺴﺎﻡ ، ﺧﯘﺩﺩﻯ ﺋﯩﭽﻰ ﺩﻩﺭﺗﻜﻪ ﺗﻮﺷﯘﭖ ﻛﻪﺗﻜﻪﻥ ﯪﺩﻩﻡ ﻗﯘﻻﻕ ﺳﯩﻠﯩﭗ ﯪﯕﻼﻳﺪﯨﻐﺎﻥ ﯪﺩﻩﻣﮕﻪ ﻫﻪﻣﻤﯩﻨﻰ ﺩﻩﯞﺍﻟﺴﺎ ﺋﯩﭽﻰ ﺑﻮﺷﺎﭖ ﻗﺎﻟﻐﺎﻧﺪﻩﻙ ﻣﻪﻧﻤﯘ ﻳﻪﯕﮕﯩﻠﻠﻪﭖ ﻗﯩﻠﯩﺸﯩﻢ ، ﺑﺎﺷﻘﯩﻼﺭﻣﯘ ﺋﯩﺒﺮﻩﺕ ﺋﯩﻠﯩﺸﻰ ﻣﻮﻣﻜﯩﻦ ﺩﻩﭖ ﻗﺎﺭﺍﻳﻤﻪﻥ.
ﻛﯩﻴﯩﻦ ﯮﻳﻼﭖ ﺑﺎﻗﺴﺎﻡ ﺑﯩﺮﯨﻨﺠﻰ ﺗﯚﯞﺑﯩﺪﯨﻦ ﻛﯩﻴﯩﻦ ﻳﻪﻧﻪ ﮔﯘﻧﺎﻫ ﭘﺎﺗﻘﯩﻘﯩﻐﺎ ﭘﯧﺘﯩﭗ ﻛﯧﺘﯩﺸﯩﻢ ﯰﻧﭽﻪ ﺗﺎﺳﺎﺩﺩﯨﭙﯩﻤﯘ ﺑﻮﻟﻤﯩﻐﺎﻥ ﺋﯩﻜﻪﻥ. ﺷﯘ ﻗﯧﺘﯩﻢ ﯲﺯﯛﻣﻨﻰ ﺭﯗﺳﻼﭖ ﺳﺎﯞﺍﻗﺪﺍﺷﻠﯩﺮﯨﻤﻨﯩﯔ ﻛﯚﯕﯜﻝ ﺑﯚﻟﯩﺸﻰ ﺑﯩﻠﻪﻥ ﻫﻪﺭ ﺧﯩﻞ ﺋﯩﻠﻤﯩﻲ ﭘﺎﯪﻟﯩﻴﻪﺗﻠﻪﺭﮔﻪ، ﻧﯘﺗﯘﻕ -ﻣﯘﻧﺎﺯﯨﺮﯨﻠﻪﺭﮔﻪ ﯪﻛﺘﯩﭗ ﻗﺎﺗﻨﯩﺸﯩﭗ ﺗﯘﺭﺩﯗﻡ. ﺟﻪﻣﯩﻴﻪﺗﺘﯩﻜﻰ ﻧﺎﻣﻰ ﭼﯩﻘﻘﺎﻥ ﯬﺩﯨﺐ - ﺯﯨﻴﺎﻟﯩﻴﻼﺭﻧﻰ ﺋﯩﺰﺩﻩﭖ ﭘﯩﻜﯩﺮ ﺳﯚﻫﺒﻪﺗﻠﻪﺭﺩﻩ ﺑﻮﻟﯘﭖ ﺗﯘﺭﺩﯗﻡ. ﻣﻪﻥ ﺑﯘ ﻳﻪﺭﺩﻩ ﺋﯩﺘﺮﺍﭖ ﻗﯩﻠﻤﯩﺴﺎﻡ ﺑﻮﻟﻤﺎﻳﺪﯨﻐﺎﻥ ﺑﯩﺮ ﻫﻪﻗﯩﻘﻪﺕ ﺑﺎﺭ - ﯞﯗﺟﯘﺩﯗﻣﻨﯩﯔ ﺋﯩﭽﻜﻰ ﻗﺎﺗﻼﻣﻠﯩﺮﯨﺪﺍ ﻫﺎﻳﺎﺕ ﻫﻪﻗﻘﯩﺪﻩ ﻣﯘﭘﻪﺳﺴﻪﻟﺮﻩﻙ ﺑﺎﻳﺎﻧﻐﺎ ﺋﯩﺮﺷﯩﺸﻜﻪ ﺗﻪﺷﻨﺎ ﺋﯩﺴﺘﻪﻙ ﻏﯘﯞﺍ ﻳﯩﻨﯩﭗ ﺗﯘﺭﺍﺗﺘﻰ.
ﻳﺎﺯﻏﯘﭼﯩﻼﺭﻧﯩﯔ ﯬﺳﻪﺭﻟﯩﺮﯨﺪﯨﻦ ﯰﻻﺭﻧﻰ ﯪﺟﺎﻳﯩﭗ ﭘﺎﻛﯩﺰ، ﺳﻪﻣﯩﻤﯩﻲ، ﺑﯩﻠﯩﻤﻠﯩﻚ ﺋﯩﺴﯩﻞ ﻛﯩﺸﯩﻠﻪﺭ ﺩﻩﭖ ﺗﻪﺳﻪﯞﯞﯗﺭ ﻗﯩﻼﺗﺘﯩﻢ. ﯰﻻﺭﻧﯩﯔ ﺧﻪﻟﯩﻘﻨﯩﯔ ﺑﻪﺧﯩﺖ - ﺋﯩﺴﺘﯩﻘﺒﺎﻟﻰ، ﻛﯩﻠﻪﭼﯩﻜﻰ ﻫﻪﻗﻘﯩﺪﯨﻜﻰ ﺩﻩﺑﺪﻩﺑﯩﻠﯩﻚ ﺳﯚﺯﻟﯩﺮﻯ، ﯬﻗﯩﺪﻩ - ﺋﯩﺘﻘﺎﺩ ، ﺋﯩﻴﻤﺎﻧﻨﯩﯔ ﺳﯘﺳﻠﯩﺸﯩﭗ ﻛﯧﺘﯩﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﻫﺎﻳﺎﺟﺎﻧﻠﯩﻖ ﻗﺎﻳﻨﺎﺷﻠﯩﺮﯨﻨﻰ ﯪﯕﻼﭖ ﻗﺎﻟﺘﯩﺲ ﯪﺩﻩﻣﻠﻪﺭﻛﻪﻥ ﺩﻩﭖ ﻗﺎﻻﺗﺘﯩﻢ.
ﺑﯘ ﻗﺎﺭﯨﺸﯩﻢ ﺗﺎﻛﻰ ﺯﺍﻣﺎﻧﯩﻤﯩﺰﻧﯩﯔ ﺩﺍﯕﻠﯩﻖ ﺑﯩﺮ ﺷﺎﺋﯩﺮﯨﻨﻰ ﻓﺎﻛﻮﻟﺘﯧﺖ ﻧﺎﻣﯩﺪﯨﻦ ﻧﯘﺗﯘﻕ ﺳﯚﺯﻟﻪﭖ ﺑﯧﺮﯨﺸﻜﻪ ﺗﻪﻛﻠﯩﭗ ﻗﯩﻠﻐﺎﻧﻐﺎ ﻗﻪﺩﻩﺭ ﺩﺍﯞﺍﻡ ﻗﯩﻠﺪﻯ. ﺑﯩﺰ ﺩﯦﻴﯩﺸﻜﻪﻥ ﯞﺍﻗﯩﺘﺘﯩﻦ ﻳﯩﺮﯨﻢ ﺳﺎﯬﺕ ﯲﺗﯜﭖ ﻛﻪﺗﺘﻰ. ﺷﺎﺋﯩﺮ ﺗﯧﺨﯩﭽﻪ ﻳﻮﻕ. ﻫﻪﻣﻤﯩﻤﯩﺰ ﺗﯩﺖ-ﺗﯩﺖ ﺑﻮﻟﯘﭖ ﻛﯚﺗﯜﺷﻜﻪ ﺑﺎﺷﻠﯩﺪﯗﻕ. ﺑﯩﺮ ﭼﺎﻏﺪﺍ ﯞﺍﻱ ﻛﻪﻟﺪﻯ،ﻛﻪﻟﺪﻯ ﺩﯦﻴﯩﺸﯩﭗ ﺑﯩﺮ ﯪﺩﻩﻣﻨﻰ ﯪﺭﯨﻐﺎ ﺋﯩﻠﯩﭗ 5-6 ﺑﺎﻟﻼ ﺋﯩﺸﯩﻜﺘﯩﻦ ﭘﺎﺗﻤﺎﻱ ﻛﯩﺮﯨﭗ ﻛﻪﻟﺪﻯ. ﻣﻪﻥ ﻧﺎﻣﻰ ﻣﻪﺷﻬﯘﺭ ﺑﯘ ﻛﯩﺸﻰ ﺑﯩﻠﻪﻥ ﻛﯚﺭﯛﺷﯩﯟﯨﻠﯩﺶ ﯴﭼﯜﻥ ﯪﻟﺪﯨﻐﺎ ﺑﺎﺭﻏﺎﻧﺪﺍ ﮔﯜﭘﯜﻟﺪﻩﭖ ﻫﺎﺭﺍﻕ ﭘﯘﺭﺍﭖ ﺗﯘﺭﻏﺎﻥ ﺑﯩﺮ ﭼﺎﻻ ﻣﻪﺳﺖ ﯪﺩﻩﻣﻨﻰ ﻛﯚﺭﺩﯛﻡ. ﯰ ﯪﺩﻩﻡ ﺑﺎﻟﻼﺭﻧﯩﯔ ﻳﯚﻟﯩﺸﻰ ﺑﯩﻠﻪﻥ ﻗﻪﺩﻩﻣﻠﯩﺮﯨﻨﻰ ﺗﻪﺳﺘﻪ ﻳﯚﺗﻜﻪﭖ ﯪﺭﺍﻥ ﻣﺎﯕﺎﺗﺘﻰ. ﺗﻮﯞﺍ ﺩﻩﭖ ﻳﺎﻗﺎﻣﻨﻰ ﺗﯘﺗﺘﯘﻡ، ﻛﯚﺭﯛﺷﯜﺷﺘﯩﻦ ﺭﺍﻳﯩﻢ ﻳﺎﻧﯩﺪﻯ. ﯪﺳﺘﺎ ﯮﺭﻧﯘﻣﻐﺎ ﺑﯩﺮﯨﭗ ﯮﻟﺘﯘﺭﯞﺍﻟﺪﯨﻢ. ﯰ ﯪﺩﻩﻡ ﻏﺎﺭﺍﯓ-ﻏﯘﺭﯗﯓ ﯪﯞﺍﺯﻯ ﺑﯩﻠﻪﻥ ﭼﯜﺷﻪﻧﭽﻪ ﺑﯩﺮﯨﭗ ﺑﯩﺮ ﺳﻮﺭﯗﻧﺪﺍ ﯮﻟﺘﯘﺭﯗﭖ ﻗﺎﻟﻐﺎﻧﻠﯩﻘﯩﻨﻰ، ﺑﺎﺷﻘﯩﻼﺭﻧﯩﯔ ﺯﻭﺭﻟﯩﺸﻰ ﺑﯩﻠﻪﻥ ﯪﺯ ﺗﻮﻻ ﺋﯩﭽﯩﭗ ﺳﺎﻟﻐﯩﻨﻨﻰ، ﺳﺎﺋﯩﺘﻰ ﺗﻮﺧﺘﺎﭖ ﻗﯩﻠﯩﭗ ﻛﯩﭽﯩﻜﯩﭗ ﻗﺎﻟﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﯪﻧﺪﯨﻦ ﺷﯩﺌﯩﺮﻳﻪﺕ ﻫﻪﻗﻘﯩﺪﻩ ﻧﯘﺗﯘﻕ ﺳﯚﺯﻟﻪﻳﻤﻪﻥ ﺩﻩﭖ ﻫﯩﻠﻰ ﺗﺎﻏﺪﯨﻦ-ﻫﯩﻠﻰ ﺑﺎﻏﺪﯨﻦ ﺳﯚﺯﻟﻪﭖ ﻧﯘﺗﯘﻕ ﺗﯧﻤﯩﺴﯩﺪﯨﻦ ﭼﻪﺗﻨﻪﭖ ﻛﻪﺗﺘﻰ. ﺑﯩﺮ ﭼﺎﻏﺪﺍ ﺭﻭﺱ ﺷﺎﺋﯩﺮﻟﯩﺮﯨﻨﯩﯔ ﯰﻳﻐﯘﺭ ﺷﯩﺌﯩﺮﯨﻴﺘﯩﮕﻪ ﻛﯚﺭﺳﻪﺗﻜﻪﻥ ﺗﻪﺳﯩﺮﻯ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ ﻛﯩﻠﯩﭗ << ﺷﻮﻟﯘﺧﯘﭖ ﺗﻪﯕﺪﺍﺷﺴﯩﺰ ﯰﻟﯘﻍ ﺷﺎﺋﯩﺮ، ﻫﻪ ﯰﻟﯘﻍ ﺷﺎﺋﯩﺮ، ﯰﻧﯩﯔ ﺗﻪﺳﯩﺮﻯ ﻣﻪﯕﮕﯜ ﻳﻮﻗﺎﻟﻤﺎﻳﺪﯗ. ﻣﻪﻥ ﺷﻮﻟﯘﺧﯘﭘﻘﺎ ﭼﻮﻗﯘﻧﯩﻤﻪﻥ >> ﺩﯦﮕﻪﻥ ﮔﻪﭘﻠﻪﺭﻧﻰ ﻗﯩﻠﭽﻪ ﻗﻮﺭﯗﻧﻤﺎﺳﺘﯩﻦ ﺩﻩﯞﻩﺗﺘﻰ. ﻛﯚﯕﻠﯜﻡ ﺋﯩﻠﯩﺸﺘﻰ. ﺗﯘﻓﻰ ﺩﻩﯞﻩﺗﻜﯩﻢ ﻛﯩﻠﯩﭗ ﻛﻪﺗﺘﻰ. ﻧﯩﻤﺎﻧﭽﻪ ﭘﯜﭼﻪﻙ ﺋﯩﻨﺴﺎﻧﻼﺭ ﺑﯘ! ﻗﻪﻟﺒﯩﻤﻨﻰ ﯲﺯﺯﯛﻣﻤﯘ ﺑﯩﻠﯩﭗ ﺑﻮﻟﻤﺎﻳﺪﯨﻐﺎﻥ ﻧﻪﭘﺮﻩﺕ، ﻗﺎﺭﺍﯕﻐﯘﻟﯘﻕ ﻗﺎﭘﻠﯩﯟﺍﻟﺪﻯ. ﺳﻮﺭﯗﻧﺪﯨﻦ ﭼﯩﻘﯩﭗ ﻛﻪﺗﺘﯩﻢ.
ﺷﯘﻧﯩﯖﺪﯨﻦ ﻛﯩﻴﯩﻦ ﺑﺎﺷﻘﯩﻼﺭ ﯰﻟﯘﻏﻼﭖ ﻣﺎﺧﺘﺎﭖ ﻛﯚﻛﻜﻪ ﻛﯚﺗﯜﺭﯨﺪﯨﻐﺎﻥ ﻣﻪﺷﻬﯘﺭﻻﺭﺩﯨﻦ ﺭﺍﻳﯩﻢ ﻳﺎﻧﺪﻯ. ﻫﺎﺭﺍﻕ ﺋﯩﭽﯩﯟﺍﻟﻐﺎﻧﻠﯩﺮﻯ ﯪﺷﯘﻧﺪﺍﻕ ﭘﻪﺳﻠﯩﺸﯩﭗ ﻛﯧﺘﯩﯟﺍﺗﻘﺎﻥ. ﺋﯩﭽﻤﻪﻳﺪﯨﻐﺎﻧﻠﯩﺮﻯ ﻧﻪﭼﭽﻪ ﺧﯩﻞ ﻧﯩﻘﺎﭖ، ﮔﯩﺮﯨﻤﻠﻪﺭ ﺑﯩﻠﻪﻥ ﯲﺯﯨﻨﻰ ﭘﻪﺩﺍﺯﻻﭖ ﯪﻟﯩﻴﺠﺎﻧﺎﺏ، ﺋﯩﺴﯩﻞ ﭘﻪﺯﯨﻠﻪﺗﻠﯩﻚ ﺑﻮﻟﯩﯟﺍﻻﺗﺘﻰ. ﺷﺎﺋﯩﺮ ﻳﺎﺯﻏﯘﭼﯩﻼﺭﻧﯩﻤﯘ ﺋﯩﺰﺩﯨﻤﻪﺱ ﺑﻮﻟﺪﯗﻡ. ﯬﻧﻪ ﺷﯘﻧﺪﺍﻕ ﯪﺩﻩﻣﻠﻪﺭﺩﯨﻦ ﻛﯚﯕﻠﯜﻡ ﺳﻮﯦﯘﭖ ﺗﯘﺭﻏﺎﻧﺪﺍ ﻫﻪﻗﯩﻘﯩﻲ ﺑﯘﺯﯗﻟﯘﺵ ﭼﯩﻦ ﻣﻪﻧﯩﺴﯩﺪﯨﻦ ﺭﻭﻳﺎﭘﻘﺎ ﭼﯩﻘﺘﻰ. ﻛﺎﻟﻼﻣﻨﻰ ﻗﻮﭼﯘﭖ ﯪﺭﺍﻡ ﺑﻪﺭﻣﻪﻳﺪﯨﻐﺎﻥ ﭘﻪﻟﺴﻪﭘﯩﯟﻯ ﭘﯩﻜﯩﺮﻟﻪﺭ، ﺑﺎﺵ ﯪﺧﯩﺮﻯ ﭼﯩﻘﻤﺎﻳﺪﯨﻐﺎﻥ ﺳﯘﯪﻟﻼﺭ ....ﻫﻪﻣﻤﯩﺪﯨﻦ ﻛﻪﭼﺘﯩﻢ. ﺗﯘﻏﯘﻟﯘﺵ ﺭﺍﺱ، ﯲﻟﯜﻡ ﺭﺍﺱ ﯪﻧﺪﯨﻦ ﺑﺎﺷﻘﺎ ﻫﻪﻣﻤﯩﺴﻰ ﻳﺎﻟﻐﺎﻥ ﺩﯦﮕﻪﻥ ﮔﻪﭘﻜﻪ ﺋﯩﺸﻪﻧﺪﯨﻢ. ﻳﺎﺷﯩﺪﯨﻢ ، ﺷﯘﻧﭽﻪ ﺑﯩﭙﻪﺭﯞﺍ، ﺑﯩﻐﻪﻣﻠﻪﺭﭼﻪ ﻗﻮﻟﯘﻣﺪﯨﻦ ﻛﯩﻠﯩﺪﯨﻐﺎﻥ ﺗﺎﻣﺎﺷﺎﻧﯩﯔ ﻫﻪﻣﻤﯩﻨﻰ ﻗﯩﻠﯩﭗ ﺑﺎﻗﺘﯩﻢ. ﺑﯘ ﯲﺯ ﻛﯚﯕﻠﯜﻣﺪﻩ ﺳﺎﺧﺘﺎ ﯪﻟﯩﻴﺠﺎﻧﺎﺑﻼﺭﺩﯨﻦ ﯲﭺ ﯪﻟﻐﯩﻨﯩﻢ ﺋﯩﺪﻯ. ﺑﻪﺯﯨﺪﻩ ﻣﯘﺷﯘﻻﺭﻧﻰ ﯮﻳﻼﭖ ﺋﯩﭻ -ﺋﯩﭽﯩﻤﺪﯨﻦ ﺧﯘﺭﺳﻪﻥ ﺑﻮﻟﯘﭖ ﻛﯜﻟﯜﭖ ﻗﻮﻳﺎﺗﺘﯩﻢ.
ﺑﯩﺮ ﻛﯜﻧﻰ ﻛﻪﭺ ﭼﺎﻻ ﻣﻪﺳﺖ ﻛﯩﺮﯨﭗ ﯰﺧﻼﭖ ﻗﺎﭘﺘﯩﻤﻪﻥ، ﻳﯩﺮﯨﻢ ﻛﯧﭽﯩﺪﯨﻦ ﯪﺷﻘﺎﻧﺪﺍ ﺗﻪﺭﯨﺘﯩﻢ ﻗﯩﺴﺘﯩﻐﺎﻧﺪﻩﻙ ﺑﻮﻟﯘﭖ ﯮﻳﻐﯩﻨﯩﭗ ﻫﺎﺟﻪﺗﻜﻪ ﺑﺎﺭﺩﯨﻢ. ﺩﻭﯞﺳﯘﻥ ﭼﯩﯖﻘﯩﻠﯩﭗ ﺑﯩﯫﺭﺍﻡ ﺑﻮﻟﯘﭖ ﻛﯩﺘﯩﯟﺍﺗﯩﻤﻪﻥ، ﺳﯜﻳﺪﯛﻙ ﭼﯩﻘﻤﺎﻳﯟﺍﺗﺎﺗﺘﻰ. ﻗﺎﺭﺍ ﺗﻪﺭﮔﻪ ﭼﯜﻣﯜﻟﺪﯛﻡ. ﻣﻪﻥ ﻧﯧﻤﻪ ﺑﻮﻟﻐﺎﻧﺪﯨﻤﻪﻥ ﺩﯦﮕﻪﻥ ﻗﻮﺭﻗﯘﻧﯘﭼﻠﯘﻕ ﺑﯩﺮ ﺳﯘﯪﻝ ﻛﺎﻟﻼﻣﻐﺎ ﻛﯩﺮﯨﭙﻼﯞﺍﻟﺪﻯ. ﺑﯩﺮﺩﻩﻡ ﺳﻪﻛﺮﻩﭖ ﺑﺎﻗﯩﻤﻪﻥ، ﺑﯩﺮﺩﻩﻡ ﺳﯘ ﺗﯘﺭﺑﯩﺴﯩﻨﯩﯔ ﺟﯜﻣﯩﻜﯩﻨﻰ ﺋﯩﭽﯩﭗ ﻗﻮﻳﯘﭖ ﻣﻪﻧﺪﻩ ﺭﯦﻔﯩﻠﻜﯩﺲ ﭘﻪﻳﺪﺍ ﺑﻮﻟﯩﺸﯩﻨﻰ ﯴﻣﯜﺩ ﻗﯩﻠﯩﭗ ﺗﯘﺭﯗﭖ ﺑﺎﻗﯩﻤﻪﻥ. ﺳﯜﻳﺪﯛﻙ ﻣﺎﯕﻤﯩﻐﺎﻧﺪﯨﻜﻰ ﺑﯩﯫﺭﺍﻣﻠﯩﻖ، ﯪﻏﺮﯨﻖ ﯪﺯﺍﺑﯩﻐﺎ ﭼﯩﺪﺍﺵ ﻫﻪﻗﯩﻘﻪﺗﻪﻥ ﯪﺳﺎﻥ ﯬﻣﻪﺱ ﺋﯩﺪﻯ.
ﺷﯜﻛﯜﺭﻯ، ﯪﺧﯩﺮﻯ ﺳﯜﻳﺪﯛﻙ ﺗﯧﻤﯩﭗ ﺑﻮﻟﺴﯩﻤﯘ ﯪﺯ -ﯪﺯﺩﯨﻦ ﻛﯩﻠﯩﺸﻜﻪ ﺑﺎﺷﻠﯩﺪﻯ. ﺷﯘ ﻛﯜﻧﻰ ﺗﺎﯓ ﯪﺗﻘﯘﭼﻪ ﻗﺎﺭﺍ ﺗﻪﺭﮔﻪ ﭼﯜﻣﯜﻟﯜﭖ ﭘﻪﻗﻪﺕ ﯰﺧﻠﯩﻴﺎﻟﻤﯩﺪﯨﻢ. ﯬﺗﯩﺴﻰ ﺩﻭﺧﺘﯘﺭﻧﯩﯔ ﺗﻪﻛﺸﯜﺭﯛﺷﺘﯩﻦ ﻛﯩﻴﯩﻦ ﺋﯧﻴﺘﻘﺎﻥ ﺳﯚﺯﻯ ﯮﭼﯘﻕ ﯪﺳﻤﺎﻧﺪﺍ ﭼﺎﻗﻤﺎﻕ ﻳﺎﻧﻐﺎﻧﺪﻩﻙ ﻧﯧﺮﯞﯨﻠﯩﺮﯨﻤﻨﻰ ﻗﻮﭼﯩﯟﻩﺗﺘﻰ. ﺗﻪﻛﺸﯜﺭﯛﺷﺘﯩﻦ ﯪﻳﺎﻥ ﺑﻮﻟﯩﺸﯩﭽﻪ ﻣﻪﻥ ﺟﯩﺪﺩﻯ ﺧﺎﺭﺍﻛﺘﯧﺮﻟﯩﻚ ﻣﻪﺯﻯ ﺑﯧﺰﻯ ﻳﺎﻟﻠﯘﻏﻰ ﺑﻮﻟﻐﺎﻧﺪﯨﻦ ﺳﯧﺮﺕ ، ﺳﯧﺒﻠﯩﺲ ﺑﺎﻛﺘﯧﺮﻳﻪﺳﻰ ﺑﯩﻠﻪﻥ ﺋﯧﻐﯩﺮ ﻳﯘﻗﯘﻣﻼﻧﻐﺎﻥ ﺋﯩﺪﯨﻢ. ﭼﯩﺮﺍﻳﯩﻤﻨﯩﯔ ﺗﺎﺗﯩﺮﯨﭗ ﻛﻪﺗﻜﯩﻨﻨﻰ ﻛﯚﺭﮔﻪﻥ ﺩﻭﺧﺘﯘﺭ ﯪﭼﭽﯩﻖ ﺗﻪﻧﻪ ﺑﯩﻠﻪﻥ << ﯬﻳﺪﯨﺰ >> ﺑﻮﻟﻤﯩﻐﺎﻧﻐﺎ ﺧﻮﺵ ﺑﻮﻟﺴﺎﯓ ﺑﻮﻟﯩﺪﯗ. ﻳﺎﺧﺸﻰ ﯪﺭﺍﻡ ﺋﯩﻠﯩﭗ ﯰﺯﯗﻥ ﻣﻪﺯﮔﯩﻞ ﺩﺍﯞﺍﻟﯩﻨﯩﺸﻨﻰ ﺗﻮﺧﺘﯩﺘﯩﭗ ﻗﻮﻳﻤﯩﺴﺎﯓ ﻳﺎﺧﺸﯩﻠﯩﻨﯩﭗ ﻛﯧﺘﯩﺴﻪﻥ. ﻟﯩﻜﯩﻦ ﺟﯩﻨﺴﯩﻲ ﺋﯩﻘﺘﯩﺪﺍﺭﯨﯖﻨﯩﯔ ﯬﺳﻠﯩﮕﻪ ﻛﯩﻠﯩﭗ ﺗﯘﺭﻣﯘﺷﻠﯘﻕ ﺑﻮﻻﻟﯩﺸﯩﯖﻐﺎ ﻫﺎﺯﯨﺮﭼﻪ ﺑﯩﺮ ﻧﯧﻤﻪ ﺩﯦﻴﻪﻟﻤﻪﻳﻤﻪﻥ، -ﺩﯦﺪﻯ. ﯮﻟﺘﯘﺭﯗﭖ ﻛﻪﺗﺘﯩﻢ ، ﻛﯚﺯﻟﯩﺮﯨﻤﺪﯨﻦ ﺗﻮﺳﻘﯘﻧﺴﯩﺰ ﻳﺎﺵ ﺗﺎﻣﭽﯩﻠﯩﺮﻯ ﺑﯘﻟﺪﯗﻗﻼﭖ ﭼﯩﻘﯩﭗ ﻛﯩﺘﯩﯟﺍﺗﺎﺗﺘﻰ. ﯲﺯﯛﻣﻨﻰ ﻫﻪﺭ ﻗﺎﻧﭽﻪ ﻗﯩﻠﺴﺎﻣﻤﯘ ﺗﻮﺧﺘﯩﺘﺎﻟﻤﯩﺪﯨﻢ. ﺩﻭﺧﺘﯘﺭﻧﯩﯔ ﭼﯩﺮﺍﻳﯩﺪﺍ ﻣﺎﯕﺎ ﻫﯧﺴﺪﺍﺷﻠﯩﻖ ﻗﯩﻠﯩﺶ ﯬﻣﻪﺱ ، ﻣﻪﻧﺪﯨﻦ ﺑﯩﺰﺍﺭ ﺑﻮﻟﯘﺵ ﺗﯘﻳﻐﯘﺳﯩﻨﯩﯔ ﻳﯘﻗﯘﺭﻯ ﺋﯩﻜﻪﻧﻠﯩﻜﯩﻨﻰ ﺑﺎﻳﻘﺎﭖ ﯪﺳﺘﺎ ﯮﺭﻧﯘﻣﺪﯨﻦ ﺗﯘﺭﯗﭖ ﭼﯩﻘﯩﭗ ﻛﻪﺗﺘﯩﻢ. ﺳﯩﺮﺕ ﺳﻮﻏﯘﻕ ﺋﯩﺪﻯ. ﻧﻪﭼﭽﻪ ﻛﯜﻧﻨﯩﯔ ﯪﻟﺪﯨﺪﯨﻜﻰ ﺷﯘﻧﭽﻪ ﻛﻪﯓ ، ﻫﻮﺯﯗﺭﻟﯘﻕ ﯪﻟﻪﻡ ﯬﻣﺪﻯ ﺗﺎﺭ ﺗﯘﻳﯘﻟﯘﺷﻘﺎ ﺑﺎﺷﻠﯩﺪﻯ. ﯮﻗﯘﺵ ﭘﯜﺗﺘﯜﺭﯛﺷﻜﻪ ﯪﺯﻻ ﻗﺎﻟﻐﺎﻧﺪﺍ ﺑﯧﺸﯩﻤﻐﺎ ﻛﻪﻟﮕﻪﻥ ﺑﯘ ﻗﯩﺴﻤﻪﺗﻠﻪﺭﮔﻪ ﭘﻪﻗﻪﺕ ﯪﻣﺎﻟﯩﻢ ﻳﻮﻕ ﺋﯩﺪﻯ. ﯬﺱ - ﻳﺎﺩﯨﻢ ﺟﺎﻳﯩﺪﺍ ﯬﻣﻪﺱ، ﻧﻪﮔﻪ ﺑﯩﺮﯨﭗ ﻧﻪﺩﻩ ﺗﯘﺭﻏﯩﻨﯩﻤﻨﻰ ﺑﯩﻠﻤﻪﻳﻤﻪﻥ ﺑﯩﺮ ﻛﯜﻧﻨﻰ ﯪﺷﯘﻧﺪﺍﻕ ﻻﻏﺎﻳﻼﭖ ﻛﻪﭺ ﻗﯩﻠﺪﯨﻢ. ﻛﻪﭼﺘﻪ <<ﯰﭼﺎﺭ ﺗﯘﻟﭙﺎﺭ>> ﻏﺎ ﺑﯩﺮﯨﭗ ﯲﻟﮕﯜﺩﻩﻙ ﺋﯩﭽﯩﭗ ﺑﯩﺮ ﻛﯜﻥ ﺑﻮﻟﺴﯩﻤﯘ ﻛﯧﺴﯩﻠﯩﻤﻨﻰ ﯮﻳﻠﯩﻤﺎﺳﻠﯩﻖ ﻗﺎﺭﺍﺭﯨﻐﺎ ﻛﻪﻟﺪﯨﻢ.

......ﺋﯩﮕﯩﺰ ﺑﯩﺮ ﻗﯩﻴﺎﻧﯩﯔ ﯴﺳﺘﯩﺪﻩ ﻫﯩﻠﯩﻘﻰ ﻣﻪﺷﻬﯘﺭ ﺷﺎﺋﯩﺮ ﺑﯩﻠﻪﻥ ﻳﯩﺮﺍﻗﻘﺎ ﺳﯩﻴﯩﺸﺘﻪ ﺑﻪﺳﻠﻪﺷﺘﯘﻕ. ﺗﯚﯞﻩﻧﺪﻩ ﺳﯜﺯﯛﻙ ﺑﯩﺮ ﺋﯩﻘﯩﻦ ﺩﻭﻟﻘﯘﻥ ﻳﺎﺳﺎﭖ ﺗﺎﺷﺘﯩﻦ -ﺗﺎﺷﻘﺎ ﯰﺭﯗﻻﺗﺘﻰ. ﺷﺎﺋﯩﺮ ﺋﯩﺸﻨﻰ ﺑﺎﺷﻠﯩﯟﻩﺗﺘﻰ. ﻗﺎﺭﯨﺴﺎﻡ ﯰﻧﯩﯔ ﺳﯜﺩﯛﻛﻰ ﯰﺩﯗﻝ ﺩﻩﺭﻳﺎﻏﺎ ﭼﯜﺷﺘﻰ. ﺗﻮﯞﺍ، ﻣﺎﯞﯗ ﯪﺩﻩﻡ ﻫﻪﺟﻪﭖ ﻳﺎﻣﺎﻧﻜﻪﻥ، ﻣﯧﻨﻰ ﻳﯧﯖﯩﯟﺍﻻﻣﺪﯗ ﻧﯧﻤﻪ ﺩﻩﭖ ﻣﻪﻧﻤﯘ ﻗﻮﻳﯘﭖ ﺑﯧﺮﯨﺸﻜﻪ ﺗﻪﻣﺸﯩﻠﯩﯟﺍﺗﺴﺎﻡ ﻣﻪﻥ ﻗﻮﻳﯘﭖ ﺑﻪﺭﮔﻪﻥ ﻟﯧﻨﻴﻪﻧﻰ ﺑﻮﻳﻼﭖ ﺩﻩﺭﻳﺎ ﺋﯩﭽﯩﺪﯨﻦ ﺑﯩﻠﻪﻙ ﺗﻮﻣﻠﯩﻘﯩﺪﺍ ﯪﺭﻏﺎﻣﭽﯩﻐﺎ ﯮﺧﺸﺎﺵ ﯰﺯﯗﻥ ﺑﯩﺮ ﻧﯧﻤﻪ ﯰﭼﯘﭖ ﭼﯩﻘﯩﭗ ﻛﺎﭘﻼ ﺋﯩﺴﯩﻠﺪﻯ، - ﺩﻩ ﯰﺩﯗﻝ ﺩﻩﺭﻳﺎﻏﺎ ﺗﺎﺭﺗﯩﭗ ﺳﻮﺯﯗﭖ ﺋﯩﻠﯩﭗ ﻣﺎﯕﺪﻯ. ﻣﻪﻥ ﯞﺍﻳﺠﺎﻧﻠﯩﻐﺎﻥ ﭘﯧﺘﻰ ﯮﻳﻐﯘﻧﯘﭖ ﻛﯧﺘﯩﭙﺘﯩﻤﻪﻥ. ﺑﯩﺮ ﻫﺎﺯﺍﻏﯩﭽﻪ ﻗﺎﺭﺍ ﺗﻪﺭﮔﻪ ﭼﯜﻣﯜﻟﯜﭖ ﺗﯩﻨﯩﻘﯩﻢ ﺋﯩﭽﯩﻤﮕﻪ ﭼﯜﺷﻤﯩﺪﻯ. ﯪﺩﻩﻣﻨﯩﯔ ﺗﻮﯞﺍ ﺩﯦﮕﯜﺳﻰ ﻛﯩﻠﯩﺪﯗ. ﻣﻪﻥ ﻧﯧﻤﻪ ﺑﻮﻟﯘﭖ ﯰ ﺷﺎﺋﯩﺮ ﺑﯩﻠﻪﻥ ﺑﻪﺳﻠﯩﺸﯩﭗ ﻗﺎﻟﻐﺎﻧﺪﯨﻤﻪﻥ، ﺑﯩﺰ ﻧﯧﻤﻪ ﯴﭼﯜﻥ ﻣﯘﺷﯘﻧﺪﺍﻕ ﺑﯩﺮ ﺑﯩﻤﻪﻧﻪ ﺋﯩﺸﻨﻰ ﻗﯩﻠﯩﺸﺘﺎ ﺑﻪﺳﻠﻪﺷﻜﻪﻧﺪﯨﻤﯩﺰ، ﻧﯧﻤﯩﺸﻘﺎ ﯰ ﭘﺎﻛﯩﺰ ﺩﻩﺭﻳﺎﻏﺎ ﺳﯩﻴﻪﻟﻪﻳﺪﯗ، ﻣﻪﻥ ﺳﯩﻴﻪﻱ ﺩﯦﺴﻪﻡ ﻧﯧﻤﻪ ﯴﭼﯜﻥ ﻣﯧﻨﻰ ﻧﺎﻣﻪﻟﯘﻡ ﻛﯜﭺ ﺑﻮﻏﯘﭖ ﻗﻮﻳﯩﺪﯗ. ﯰ ﻧﯧﻤﻪ ﺑﻮﻟﻐﯩﻴﺘﺘﻰ، ﻣﻪﻥ ﻳﻪﻧﻪ ﻧﯧﻤﻪ ﯴﭼﯜﻥ ﺷﯘ ﺩﻩﺭﻳﺎﻏﺎ ﭼﯜﺷﯜﭖ ﻛﯧﺘﯩﻤﻪﻥ؟ ﻛﺎﻟﻼﻡ ﺋﯩﻐﯩﺮ ﮔﺎﺭﺍﯓ ،ﯰﺳﺘﺨﺎﻧﻠﯩﺮﯨﻢ ﯰﺭﯗﭖ ﭼﯩﻘﯩﯟﻩﺗﻜﻪﻧﺪﻩﻙ ﺑﯩﯫﺭﺍﻡ ﻗﯩﻠﯩﺪﯗ. ﯴﺳﺘﻪﻝ ﭼﯩﺮﯨﻐﯩﻤﻨﻰ ﻳﺎﻧﺪﯗﺭﻣﺎﻗﭽﻰ ﺑﻮﻟﺪﯗﻡ. ﻛﺎﺭﯨﯟﺍﺗﻨﯩﯔ ﻳﯧﻨﯩﺪﺍ ﻗﻮﻟﯘﻣﻐﺎ ﯴﺳﺘﻪﻝ ﯰﺭﯗﻧﻤﯩﺪﻯ. ﻗﺎﺭﺍﯕﻐﯘﻟﯘﻕ ﺋﯩﭽﯩﺪﻩ ﯪﺟﯩﺰ ﻛﯚﺯﯛﻡ ﺑﯩﻠﻪﻥ ﺳﯩﻨﭽﯩﻼﭖ ﯬﺗﺮﺍﭘﻘﺎ ﻗﺎﺭﺍﺷﻘﺎ ﺗﻪﻣﺸﻪﻟﺪﯨﻢ. ﺑﯩﺮﻩﺭ ﯰﭼﯘﺭﻏﺎ ﺋﯩﺮﺷﯩﺸﻨﻰ ﺋﯩﺴﺘﻪﻳﺘﯩﻢ. ﻫﻪ، ﺩﯗﺭﯗﺱ. ﯪﺧﺸﺎﻡ ﺗﺎﺯﺍ ﺋﯩﭽﻜﻪﻥ، ﻳﺎﺗﺎﻗﻘﺎ ﻣﺎﯕﻐﺎﻧﺪﻩﻙ ﻗﯩﻠﯟﯨﺪﯨﻢ. ﻳﺎﺗﺎﻗﻘﺎ ﻛﻪﻟﻤﻪﻱ ﺑﺎﺷﻘﺎ ﺑﯩﺮﺳﯩﻨﯩﯔ ﯲﻳﯩﮕﻪ ﺧﺎﺗﺎ ﻛﯩﺮﯨﭗ ﻗﺎﻟﻤﯩﻐﺎﻧﺪﯨﻤﻪﻥ ﻫﻪ!......ﻳﻮﺗﻘﺎﻥ ﺑﻪﻙ ﻳﯘﻣﺸﺎﻕ، ﺋﯩﺴﺴﯩﻖ ﺋﯩﺪﻯ. ﻧﯧﺮﻯ - ﺑﯧﺮﺳﯩﻨﻰ ﺳﯜﺭﯛﺷﺘﻪ ﻗﯩﻠﯩﭗ ﯮﻟﺘﯘﺭﻣﺎﻱ ﻳﻪﻧﻪ ﯰﺧﻼﭖ ﻗﺎﭘﺘﯩﻤﻪﻥ.
ﺑﯩﺮ ﭼﺎﻏﺪﺍ ﺑﯘﺭﻧﯘﻣﻐﺎ ﯪﻧﺎﻡ ﯬﺗﻜﻪﻥ ﺷﻮﺭﭘﯩﻨﯩﯔ ﭘﯘﺭﯨﻘﻰ ﻛﯩﺮﺩﻯ. ﯪﻧﺎﻡ ﯬﺗﻜﻪﻥ ﺗﺎﻣﺎﻗﻨﻰ ﻳﻪﭖ ﺑﺎﻗﻤﯩﻐﯩﻠﻰ ﻗﺎﻧﭽﻪ ﯪﻳﻼﺭ ﺑﻮﭖ ﻛﻪﺗﺘﻰ ﻫﻪ! ﯪﻧﺎﻡ ﺑﻪﻙ ﻣﯩﻬﺮﻯ ﺋﯩﺴﺴﯩﻖ ﯪﻳﺎﻝ. ﻳﯘﻣﺸﺎﻕ ﭘﺎﻗﻼﻥ ﮔﯚﺷﯩﻨﻰ ﺳﯘﻏﺎ ﺳﯩﻠﯩﭗ، ﭼﺎﻣﻐﯘﺭ، ﺳﻪﯞﺯﻩ ، ﭘﯩﻴﺎﺯ، ﻳﻪﻧﻪ ﺑﺎﺷﻘﺎ ﻣﯩﺰﯨﻠﯩﻚ ﺩﻭﺭﺍ - ﺩﻩﺭﻣﺎﻧﻼﺭ ﺑﯩﻠﻪﻥ ﻗﺎﻳﻨﯩﺘﯩﭗ ﭘﯘﺷﯘﺭﯨﺪﯨﻐﺎﻥ ﺷﻮﺭﭘﺎ...ﺳﻮﻏﯘﻕ ﻗﻪﻫﺮﯨﺘﺎﻧﺪﺍ ﺑﻪﻙ ﺗﯧﺘﯩﻴﺪﯗ. ﺑﯩﺮ ﻧﻪﺭﺳﯩﻨﯩﯔ ﻗﺎﻳﻨﯩﻐﺎﻥ ﯪﯞﺍﺯﻯ ﯪﯕﻼﻧﺪﻯ.
ﻛﯚﺯﯛﻣﻨﻰ ﺋﯧﭽﯩﭗ ﭼﯜﭼﯜﭖ ﻛﻪﺗﺘﯩﻢ. ﺑﺎﺵ ﺗﻪﺭﭘﯩﻤﺪﻩ ﺩﺍﺩﺍﻣﻨﯩﯔ ﺳﯩﻴﻤﺎﺳﯩﻨﻰ ﯬﺳﻠﯩﺘﯩﺪﯨﻐﺎﻥ ﺑﯩﺮ ﻛﯩﺸﻰ ﯪﺗﯩﻼﺭﭼﻪ ﻣﯩﻬﺮﻯ ﺑﯩﻠﻪﻥ ﻛﯜﻟﯜﻣﺴﯩﺮﻩﭖ ﻗﻮﻟﯩﺪﺍ ﺑﯩﺮ ﻗﯘﺭ ﻛﯩﻴﯩﻤﻨﻰ ﺗﯘﺗﯘﭖ ﺗﯘﺭﺍﺗﺘﻰ. ﭘﻪﮔﺎﺩﺍ ﮔﯜﺭﯛﻟﺪﻩﭖ ﻛﯚﻣﯜﺭ ﻛﯚﻳﯩﯟﺍﺗﻘﺎﻥ ﻣﻪﺷﻜﻪ ﺋﯩﺴﯩﻠﻐﺎﻥ ﻗﺎﺯﺍﻧﺪﺍ ﯪﺑﺎﻱ ﯬﺳﻠﯩﮕﻪﻥ ﺷﻮﺭﭘﺎ ﻗﺎﻳﻨﺎﯞﺍﺗﺎﺗﺘﻰ.ﻣﻪﻥ ﻫﯧﭽﻨﯩﻤﯩﻨﻰ ﯪﯕﻘﯩﺮﺍﻟﻤﺎﻳﯟﺍﺗﺎﺗﺘﯩﻢ ﻣﻪﻥ ﻳﻪﻧﻪ ﭼﯜﺵ ﻛﯚﺭﯨﯟﯨﺘﯩﭙﺘﯩﻤﻪﻥ ﺩﻩ.
__ ﻫﻪ، ﻫﻪ ﺳﯩﺰ ﻫﺎﺯﯨﺮﻻ ﻫﻪﻣﻤﻪ ﺋﯩﺸﻨﻰ ﭼﯜﺷﯜﻧﯜﭖ ﻗﺎﻟﯩﺴﯩﺰ. ﯻﺴﺴﯩﻖ ﺳﯘ ﺗﻪﯕﺸﻪﭖ ﻗﻮﻳﺪﯗﻡ،ﯪﯞﯞﺍﻝ ﻣﺎﯞﯗ ﻛﯩﻴﯩﻤﻠﻪﺭﻧﻰ ﻛﯩﻴﯩﯟﯨﻠﯩﭗ،ﻳﯜﺯ - ﻛﯚﺯﻟﯩﺮﯨﯖﯩﺰﻧﻰ ﻳﯘﻳﯘﯞﯦﻠﯩﯔ. ﯪﯕﻐﯩﭽﻪ ﺷﻮﺭﭘﯩﻤﯘ ﺗﻪﻳﻴﺎﺭ ﺑﻮﻟﯩﺪﯗ. ﻗﻮﺭﯗﻧﻤﺎﻱ ﻛﯧﻴﯩﯟﯨﺮﯨﯔ، ﻣﻪﻥ ﭼﯩﻘﯩﭗ ﺗﯘﺭﺍﻱ ﺑﻮﻟﻤﯩﺴﺎ،- ﯰ ﯪﺩﻩﻡ ﻳﯘﻣﺸﺎﻕ ﺑﯩﺮ ﺗﻪﻟﻪﭘﭙﯘﺯﺩﺍ ﺷﯘﻧﺪﺍﻕ ﺩﯦﮕﻪﭺ ﺋﯩﺸﯩﻜﻨﻰ ﺑﻮﺷﻘﯩﻨﺎ ﻳﯧﭙﯩﭗ ﻗﻮﻳﯘﭖ ﭼﯩﻘﯩﭗ ﻛﻪﺗﺘﻰ. ﯬﻣﺪﻯ ﺋﯩﺸﻼﺭ ﺗﯧﺨﯩﻤﯘ ﻣﯘﺭﻩﻛﻜﻪﭘﻠﯩﺸﯩﭗ ﻛﯧﺘﯩﯟﺍﺗﺎﺗﺘﻰ. ﭼﯜﺵ ﻛﯚﺭﯨﯟﺍﺗﺎﻣﺪﯨﻤﻪﻧﻤﯩﻜﯩﻦ ﺩﻩﭖ ﻛﯚﺯﯛﻣﻨﻰ ﯰﯞﻻﭖ، ﻗﯘﻟﯩﻘﯩﻤﻨﻰ ﺗﺎﺭﺗﯩﭗ ﺑﺎﻗﺘﯩﻢ.ﭼﯜﺵ ﻛﯚﺭﻣﻪﭘﺘﯩﻤﻪﻥ ﺑﻮﻟﻤﯩﺴﺎ. ..ﺑﯘ ﯪﺩﻩﻡ ﻛﯩﻢ؟ ﻣﺎﯕﺎ ﻧﯩﻤﺎﻧﭽﻪ ﻣﯩﻬﺮﯨﺒﺎﻧﻠﯩﻖ ﻛﯚﺭﺳﯩﺘﯩﭗ ﻛﯧﺘﯩﺪﯨﻐﺎﻧﺪﯗ؟ ﻫﻪ ، ﺭﺍﺱ ﺑﯘ ﻗﻪﻳﻪﺭ؟...ﯪﺧﺸﺎﻡ ﻧﯧﻤﻪ ﺋﯩﺸﻼﺭ ﻳﯜﺯ ﺑﻪﺭﮔﻪﻧﺪﯗ؟ ............ﮔﺎﯕﮕﯩﺮﺍﭘﻼ ﻗﺎﻟﺪﯨﻢ.ﻫﺎﺯﯨﺮﻻ ﺑﯩﻠﯩﭗ ﻗﺎﻟﯩﺴﯩﺰ ﺩﻩﯞﺍﺗﺎﺗﺘﻰ ﺩﻩﭖ ﺳﻪﻝ ﺧﺎﺗﯩﺮﺟﻪﻡ ﺑﻮﻟﯘﭖ ﻳﯜﺯ ﻛﯚﺯﯛﻣﻨﻰ ﻳﯘﻳﯘﭖ ﯲﺯﯛﻣﮕﻪ ﺳﻪﻝ ﭼﻮﯓ ﻛﯩﻠﯩﭗ ﻗﺎﻟﻐﺎﻥ ﺑﻮﻟﺴﯩﻤﯘ ﻫﯩﻠﯩﻘﻰ ﻛﯩﺸﻰ ﯬﻛﯩﺮﯨﭗ ﻗﻮﻳﻐﺎﻥ ﭘﺎﻛﯩﺰ ﻛﯩﻴﯩﻤﻠﻪﺭﻧﻰ ﻛﯧﻴﺪﯨﻢ. ﯪﯕﻐﯩﭽﻪ ﯰ ﻛﯩﺸﯩﻤﯘ ﻗﻮﻟﯩﺪﺍ ﺑﯩﺮ ﺩﻭﺳﺘﺨﺎﻥ ﻧﺎﻥ ﻛﯚﺗﯜﺭﮔﻪﭺ ﯬﺳﺴﺎﻻﻣﯘ ﯬﻟﻪﻳﻜﯘﻡ ﺩﯦﮕﯩﻨﯩﭽﻪ ﻛﯩﺮﯨﭗ ﻛﻪﻟﺪﻯ. ﺩﺍﺳﺘﺨﺎﻧﻨﻰ ﺋﯩﭽﯩﭗ ﺳﺎﻟﺪﻯ. ﭘﯩﻴﺎﻟﯩﻐﺎ ﭼﺎﻱ ﻗﯘﻳﯘﭖ ﯪﻟﺪﯨﻤﻐﺎ ﺳﯘﻧﺪﻯ. ﯰ ﻛﯧﺸﯩﻨﯩﯔ ﺩﻩﭖ ﺑﯩﺮﯨﺸﯩﭽﻪ ﯪﺧﺸﺎﻡ ﻣﻪﻥ ﻳﻮﻟﺪﺍ ﻳﯧﺘﯩﭗ ﺧﯘﺩﯨﻤﻨﻰ ﺑﯩﻠﻤﻪﻱ ﻗﺎﭘﺘﯩﻜﻪﻧﻤﻪﻥ. ﺳﯩﺮﺕ ﺑﻪﻙ ﺳﻮﻏﯘﻕ ﺑﻮﻟﻐﺎﭼﻘﺎ ﻣﯧﻨﻰ ﻣﯘﺯﻻﭖ ﯲﻟﯜﭖ ﻗﺎﻻﻣﺪﯨﻜﯩﻦ ﺩﻩﭖ ﯬﻧﺴﯩﺮﻩﭖ ﺗﺎﻛﺴﯩﻲ ﺗﻮﺳﯘﭖ ﯲﻳﺴﯩﮕﻪ ﺋﯩﻠﯩﭗ ﻛﻪﭘﺘﯘ. ﺑﺎﻟﻠﯩﺮﯨﻐﺎ ﺩﻩﭖ ﻣﻪﺷﻜﻪ ﯮﺗﯘﻧﻨﻰ ﺭﺍﺳﺎ ﻗﺎﻻﭖ ﺋﯩﺴﺴﯩﺘﯩﭗ ﺑﯘ ﯲﻳﮕﻪ ﯮﺭﯗﻥ ﺳﺎﻟﺪﯗﺭﯗﭖ ﻳﺎﺗﻘﯘﺯﯗﭖ ﻗﻮﻳﯘﭘﺘﯘ.ﯰ ﯪﺩﻩﻡ ﯰﻧﺪﯨﻦ ﺑﺎﺷﻘﺎ ﮔﻪﭘﻨﻰ ﻗﯩﻠﻤﯩﺪﻯ. ﻛﯜﻟﯜﻣﺴﯩﺮﻩﭖ ﯮﻟﺘﯘﺭﺍﺗﺘﻰ. ﮔﯚﺷﻨﻰ ﺋﯩﻠﯩﭗ ﭘﺎﺭﭼﯩﻼﭖ ﺩﻭﺳﺘﺨﺎﻧﻐﺎ ﻗﻮﻳﺪﻯ.ﮔﯚﺵ ﻳﯧﮕﻪﭺ ﺋﯩﻨﺴﺎﻧﻼﺭ ﯪﺭﯨﺴﯩﺪﺍ ﻣﯩﻬﺮﻯ -ﻣﯘﻫﻪﺑﺒﻪﺕ ﻛﯚﻳﯜﻣﻨﯩﯔ ﺳﯘﺳﻼﭖ ﻛﻪﺗﻜﻪﻧﻠﯩﻜﯩﻨﻰ، ﺳﻪﻣﯩﻤﯩﻴﻪﺕ، ﺋﯩﺸﻪﻧﭻ ﻳﻮﻗﯘﻟﯘﭖ ﻫﯩﻠﯩﮕﻪﺭﻟﯩﻖ، ﺳﺎﺧﺘﯩﭙﻪﺯﻟﯩﻜﻨﯩﯔ ﯬﯞﺝ ﺋﯧﻠﯩﭗ ﻛﻪﺗﻜﻪﻧﻠﯩﻜﯩﻨﻰ،ﺑﯘﺯﯗﻗﭽﯩﻠﯩﻖ، ﻫﺎﻳﺎﺳﯩﺰﻟﯩﻘﻼﺭﻧﯩﯔ ﺋﯩﻨﺴﺎﻥ ﻗﯩﻤﻤﯩﺘﯩﻨﻰ ﭘﻪﺳﻪﺷﺘﯜﺭﯨﯟﺍﺗﻘﺎﻧﻠﯩﻘﯩﻨﻰ، ﺷﯘ ﺳﻪﯞﻩﺑﻠﯩﻚ ﻫﻪﺭ ﺧﯩﻞ ﺳﺎﻗﺎﻳﻤﺎﺱ ﻣﻪﺭﻩﺯﻟﻪﺭﮔﻪ ﮔﯩﺮﯨﭙﺘﺎﺭ ﺑﻮﻟﯘﭖ ﻗﯩﻠﯩﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺳﯚﺯﻟﻪﭖ ﺑﯘﻧﯩﯔ ﺳﻪﯞﻩﺑﯩﻨﻰ ﻳﯩﻐﯩﻨﭽﺎﻗﻼﭖ ﺋﯧﻴﺘﻘﺎﻧﺪﺍ ﺋﯩﺘﻘﺎﺩﺳﯩﺰﻟﯩﻖ __ﻗﺎﻧﺪﺍﻕ ﻣﻪﻗﺴﻪﺕ-ﻧﯩﺸﺎﻥ ﺑﯩﻠﻪﻥ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ ﺑﯩﻠﻤﻪﻱ ﻳﺎﺷﺎﻳﺪﯨﻐﺎﻥ ﯪﺩﻩﻣﻠﻪﺭﻧﯩﯔ ﻛﯚﭘﯩﻴﯩﭗ ﻛﯧﺘﯩﺸﻰ ﺩﻩﭖ ﺑﯩﺮﺩﻩﻡ ﭘﺎﺭﺍﯓ ﻗﯩﻠﯩﭗ ﺑﻪﺭﺩﻯ. ﻗﺎﺭﯨﺴﺎ ﺷﯘﻧﭽﯩﻠﯩﻚ ﯪﺩﺩﺍ - ﺳﺎﺩﺩﺍ ﺑﯩﺮ ﯪﺩﻩﻣﻨﯩﯔ ﯪﻏﯩﺰﯨﺪﯨﻦ ﭼﯩﻘﯩﯟﺍﺗﻘﺎﻥ ﯪﺟﺎﻳﯩﭗ ﮔﻪﭘﻠﻪﺭ ﺭﻭﻫﯩﻤﻨﻰ ﻳﻪﻟﻜﯩﺘﯩﭗ ﯞﯗﺟﯘﺩﯗﻣﻨﻰ ﺳﯩﻠﻜﯩﯟﻩﺗﺘﻰ. ﻧﻪﭼﭽﻪ ﯮﻥ ﻳﯩﻞ ﯮﻗﯘﭖ ﺑﻮﻻﺭ ﯬﻫﯟﺍﻟﯩﻢ ﯪﺷﯘ ﺑﻮﻟﻐﺎﻥ ﻣﻪﻧﺪﻩﻙ ﺑﯩﺮ ﺑﯩﭽﺎﺭﻩ ﺑﺎﻳﻘﯘﺵ ﯲﺯﯛﻣﺪﯨﻦ ﺗﯘﻧﯘﮔﯜﻧﻜﯩﺪﯨﻨﻤﯘ ﺑﻪﺗﺘﻪﺭ ﻳﯩﺮﮔﯩﻨﯩﭗ ﻛﯩﺘﯩﯟﺍﺗﺎﺗﺘﯩﻢ. ﺑﯘ ﻛﯩﺸﯩﻨﯩﯔ ﭘﺎﺭﺍﯕﻠﯩﺮﯨﺪﯨﻜﻰ ﻳﺎﺭﻗﯩﻨﻠﯩﻘﺘﯩﻦ ﻳﯜﺭﯛﻛﯜﻡ ﺳﯩﻠﯩﭗ، ﻛﯚﺯﯛﻡ ﻳﺎﺷﻘﺎ ﯰﻟﯩﺸﯩﭗ ﻛﯧﺘﯩﯟﺍﺗﺴﺎ ﻣﺎﯕﺎ ﻗﯩﻠﻐﺎﻥ ﻣﯩﻬﺮﯨﺒﺎﻧﻠﯩﻘﯩﺪﯨﻦ ﻣﻪﻥ ﻳﺎﺷﺎﯞﺍﺗﻘﺎﻥ ﻳﻪﺭ ﺷﺎﺭﯨﺪﯨﻦ ﺑﺎﺷﻘﺎ ﺑﯩﺮ ﭘﯩﻼﻧﯩﺘﻘﺎ ﺑﯩﺮﯨﭗ ﻗﺎﻟﻐﺎﻧﺪﻩﻙ ﺗﯘﻳﻐﯘﺩﺍ ﺑﻮﻟﯘﭖ ﻗﺎﻟﺪﯨﻢ.
ﯪﺭﯨﻠﯩﻘﺘﺎ ﯪﺩﻩﻣﻨﻰ ﻫﺎﻳﺎﺟﺎﻧﻐﺎ ﺳﺎﻟﯩﺪﯨﻐﺎﻥ ﻛﯚﭖ ﺋﯩﺸﻼﺭ ﺑﻮﻟﯘﭖ ﯲﺗﺘﻰ. ﺑﯘ ﻛﯩﺸﻰ ﻣﯧﻨﯩﯔ ﻫﻪﻣﻤﻪ ﺋﯩﺸﯩﻤﺪﯨﻦ ﺧﻪﯞﻩﺭ ﺗﺎﭘﺘﻰ. ﺑﻪﺯﻯ ﺋﯩﺸﻼﺭﻏﺎ ﺋﯩﭽﯩﻨﺪﯨﻴﯘ ﻣﻪﻧﺪﯨﻦ ﺧﺎﭘﺎ ﺑﻮﻟﻤﯩﺪﻯ. ﻛﯜﭼﯩﻨﯩﯔ ﻳﯧﺘﯩﺸﯩﭽﻪ ﻣﯧﻨﯩﯔ ﻛﯧﺴﯩﻠﯩﻤﻨﻰ ﺩﺍﯞﺍﻟﯩﺘﯩﺸﻘﺎ ﻳﺎﺭﺩﻩﻡ ﺑﯩﺮﯨﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﺑﺎﺵ- ﻛﯚﺯﯛﻣﻨﻰ ﺳﯩﻴﻠﯩﺪﻯ. ﺋﯩﻴﻤﺎﻥ - ﺋﯩﻨﺴﺎﺑﯩﻤﻐﺎ ﻗﯘﯞﯞﻩﺕ ﺗﯧﻠﻪﭖ ﺩﯗﯪ ﻗﯩﻠﺪﻯ. ﺑﯘ ﻛﯧﺸﯩﻨﯩﯔ ﯪﺷﯘ ﻣﯩﻬﺮﻯ - ﻣﯘﻫﻪﺑﺒﻪﺕ، ﺋﯩﻴﻤﺎﻧﻐﺎ ﺗﻮﻟﻐﺎﻥ ﯞﯗﺟﯘﺩﻯ ﻫﺎﻳﺎﺗﯩﻤﻨﻰ ﯲﺯﮔﻪﺭﺗﺘﻰ، ﺩﯗﻧﻴﺎ ﻗﺎﺭﯨﺸﯩﻤﺪﺍ ﺭﯗﺷﻪﻥ ﺳﯜﺯﯛﻛﻠﯜﻙ ﭘﻪﻳﺪﺍ ﻗﯩﻠﺪﻯ. ﻛﯚﭖ ﯮﻳﻼﻧﺪﯨﻢ، ﺋﯩﭽﯩﻨﺪﯨﻢ ، ﻳﯩﻐﻠﯩﺪﯨﻢ، ﺗﻪﯞﺑﻪ ﻗﯩﻠﺪﯨﻢ. ﻣﻪﻥ ﺑﯘ ﻗﯧﺘﯩﻤﻘﻰ ﺗﻪﯞﺑﻪﻣﻨﯩﯔ ﯬﯓ ﯪﺧﯩﺮﻗﻰ ﺗﻪﯞﺑﻪ ﺑﻮﻟﯘﭖ ﻗﯩﻠﯩﺸﯩﻨﻰ ﺗﯩﻠﯩﺪﯨﻢ. ﺷﯘﻧﺪﺍﻕ ﻗﯩﻠﯩﭗ ﻛﯧﺴﻪﻟﻨﯩﯔ ﻣﻪﻧﺒﯩﻴﻨﻰ ﯪﺧﯩﺮﻯ ﺗﻮﻧﯘﭖ ﻳﻪﺗﺘﯩﻢ. ﺷﯘﻛﯘﺭﻯ...........
ﺑﯩﺮ ﻳﯩﻞ ﻛﯧﭽﯩﻜﯩﭗ ﯮﻗﯘﻳﺪﯨﻐﺎﻥ ﺑﻮﻟﯘﭖ ﻣﻪﻛﺘﻪﭘﺘﯩﻦ ﻛﯧﺴﻪﻟﻠﯩﻚ ﺭﯗﺧﺴﯩﺘﻰ ﯪﻟﺪﯨﻢ.
ﺑﯩﺮ ﺯﺍﺕ ﺋﻪﭘﻪﻧﺪﯨﻢ ، ﻣﻪﻥ ﻫﺎﺯﯨﺮ ﺑﯩﺮ ﻳﺎﻗﺘﯩﻦ ﺩﺍﯞﺍﻻﻧﻐﺎﭺ، ﺑﯩﺮ ﻳﺎﻗﺘﯩﻦ ﯰ ﻛﯩﺸﯩﻨﯩﯔ ﺗﯩﺠﺎﺭﻩﺕ ﺋﯩﺸﻠﯩﺮﯨﻐﺎ ﻳﺎﺭﺩﻩﻣﻠﯩﺸﯩﯟﺍﺗﯩﻤﻪﻥ. ﺳﺎﻻﻣﻪﺗﻠﯩﻚ ﯬﻫﯟﺍﻟﯩﻢ ﺗﺎﺯﺍ ﻳﺎﺧﺸﻰ ﺑﻮﻟﯘﭖ ﻛﻪﺗﻤﯩﺴﯩﻤﯘ ﯞﯗﺟﯘﺩﯗﻡ ﺳﯜﺯﯛﻙ ﻧﯘﺭﻻﺭﻏﺎ ﭼﯜﻣﯜﻟﯜﭖ ﺟﻪﯞﻻﻥ ﻗﯩﻠﻤﺎﻗﺘﺎ.
ﻣﻪﻥ ﻫﺎﻳﺎﺗﯩﻤﺪﯨﻜﻰ ﺑﯘ ﺭﯦﯫﻝ ﻫﺎﺩﯨﺴﺴﯩﻠﻪﺭﻧﯩﯔ ﯪﺧﯩﺮﯨﻨﻰ ﻣﯘﺷﯘﻧﺪﺍﻕ ﻗﯩﺴﻘﯩﻼ ﺑﺎﻳﺎﻥ ﻗﯩﻼﻱ.ﻫﯩﻠﯩﻤﯘ ﺋﯩﭽﯩﻢ ﺑﻮﺷﺎﭖ، ﻳﻪﯕﮕﯩﻠﻠﻪﭘﻼ ﻗﺎﻟﺪﯨﻢ. ﺑﯩﺰ ﺳﯚﺯﯨﻤﯩﺰﻧﻰ ﺗﻮﺧﺘﯩﺘﯩﺶ ﯪﻟﺪﯨﺪﺍ ﺗﯘﺭﯗﭘﺘﯩﻤﯩﺰ. ﻳﺎﺵ ﺩﻭﺳﺘﻼﺭﻏﺎ ﺋﯩﺒﺮﻩﺕ ﺑﻮﻟﺴﯘﻥ ﯴﭼﯜﻥ ﻫﻪﻣﺪﻩ ﻣﯧﻨﯩﯔ ﯰﻻﺭﻧﻰ ﻫﻪﺭ ﭼﺎﻍ ﺩﯗﯪﻟﯩﺮﯨﻤﺪﻩ ﻳﺎﺩ ﺋﯩﺘﯩﭗ ﺗﯘﺭﻏﯩﻨﯩﻤﻨﻰ ﺑﺎﻳﺎﻥ ﻗﯩﻠﯩﺶ ﻳﯜﺯﺳﯩﺪﯨﻦ ﺑﯘ ﺧﻪﺗﻨﻰ ﺳﯩﺰﮔﻪ ﻳﻮﻟﻠﯩﺪﯨﻢ.  ﺩﯗﯪﻟﯩﺮﯨﯖﯩﺰﺩﻩ ﻳﺎﺩ ﯬﺗﻜﻪﻳﺴﯩﺰ