جىنسىي ئالاقىدا مەنىي تېز كېتىش ۋە ئۇنى داۋالاش ھەققىدە

جىنسىي ئالاقىدە مۇناسىۋەت باشلىنىش بىلەنلا ئەردىن مەنىي چىقىپ كېتىپ ،جىنسىي مۇناسىۋەتتە ئەر -ئايالدا يېتەرلىك لەززەتلىنىش بولماي ، جىنسىي تۇرمۇشنىڭ سوغۇق كەيپىيات ئىچدە ئاخىرلىشىشى ئۇيغۇر تېبابىتىدە بالدۇر مەنى يۈرۈپ كېتىش ( سۈرئىتى ئىنزال) دەپ ئاتىلىدۇ. ئەمەلىيەتتە ، مەنى مۇنچىلىك ۋاقىتتا چىقسا بولىدۇ دېگەن يەكۈن چىقىرىش ناھايتى تەس، بۇ ھەقتە بەزى مۇتەخەسىسلەر ھەر قېتىملىق جىنسىي مۇناسىۋەت ۋاقتى بەكمۇ قىسقا بولۇپ ئىككى مىنۇتقا يەتمىسە ، زەكەرنىڭ جىنسىي يول (غىلاپ) قا سۈركۈلىشى 10-15 قېتىمغا يەتمەيلا ، مەنى چىقىپ كەتسە ، مەنىنىڭ بۇرۇن كېتىپ قىلىشى دەپ قارىلىدۇ. ( بۇ ئەڭ تۆۋەن ئۆلچەم).
ساغلام ئەركەك جىمانى باشلىغاندىن تارتىپ يۇقۇرى پەللىگە يېتىپ ئۇرۇق پۈركىگەنگە قەدەر ئۈچ-تۆت مىنۇتتىن 10 مىنۇت ياكى 15 مىنۇتقىچە داۋاملاشتۇرالىسا ، بۇ نۇرماللىق دائىرىسىدە بولىدۇ. دەرۋەقە داۋاملىشىش ۋاقتى بۇنىڭدىنمۇ ئۇزۇن بولىدىغانلارمۇ بار. بۇ باشقا گەپ.
ئاياللار ئۈچۈنمۇ جىما باشلىغاندىن يۇقۇرى پەللىگە كۆتۈرلۈشكە 10 مىنۇتچە ۋاقىت كېتىدۇ. مۇشۇنداق بولغاندا جىمانىڭ داۋاملىشىش ۋاقتى ماسلاشقان بولىدۇ. جىمانىڭ داۋاملىشىش ۋاقتىنىڭ ئۇزۇن -قىسقا بولىشىدىن پەرق ، ئەر-خوتۇننىڭ توي قىلغان ۋاقتىنىڭ ئۇزۇن-قىسقا بولۇشى، ساغلاملىق ئەھۋالى، روھىي ئامىللار، بولۇپمۇ جىما ئۇسسۇلى قاتارلىقلارغا مۇناسىۋەتلىك. جىما داۋامىدا ئەگەر جىمادىن ئىلگىركى تەييارلىق تولۇق بولغان بولسا گەرچە جىمانىڭ ۋاقتى قىسقا بولغان بولسىمۇ ، ھەتتا ئىككى-ئۈچ مىنۇت بولۇپ قالسىمۇ ، ئەر-خوتۇن قانائەت ھاسىل قىلسىلا نۇرماللىق ھېسابلىنىدۇ.. بۇنىڭ ئەكسىچە ، تەييارلىق ياخشى بولمىسا ، جىما ئالدىراپ تېنەپلا ئۆتكۈزۈلسە ، ۋاقىت ھەر قانچە ئۇزۇن بولغان بىلەنمۇ ئايالنىڭ قانائەتلىنىشى ناتايىن. شۇڭا ، جىمانىڭ ھوزۇرلۇق بولۇش-بولماسلىقىنى نوقۇل ھالدا داۋاملىشىش ۋاقتىنىڭ ئۇزۇن-قىسقىلىقى بىلەن ئۆلچىگىلى ، مىخانىك ھالدا جىمانى مۇنچىلىك ۋاقىتتا ئورۇنلاش زۆرۈر دەپ بەلگىلىگىلى بولمايدۇ. جىمانىڭ داۋاملىشىش ۋاقتىنىڭ ئۇزۇنراق بولىشى ھەر ئىككى تەرەپتىكى جىنسىي تەلەپنىڭ راۋاجلىنىشىغا ، جىنسىي خۇشاللىق ۋە جىنسىي قانائەتكە ئېرىشىشكە پايدىلىق. ئەمما ۋاقىتنىڭ ئۇزۇنراق بولىشى ئۈچۈن ، ئەر خوتۇن ئورتاق تېرشىشى ، ئەمەلىيەت داۋامىدا تەجىربىلەرنى باشتىن كەچۈرىشى، ئىزدەش ، يەكۈنلەش ئاساسىدا شارائىت يارىتىش كېرەك. 80خالتا بلوگ يازمىسى.
ئۇيغۇر تېبابەت كلاسسىك ئەسەرلەردە كۆرسىتىلىشىچە ئە-ئاياللارنىڭ جىنسىي مۇناسىۋەت ۋاقتى قىسقا بولسىمۇ ، ئۇلار ئوتتۇرسىدا يېتەرلىك لەززەت ( جىنسىي ئالقىدىكى يۇقۇرى پەللە ) بولسا مەنىي بۇرۇن كەتتى دېگىلى بولمايدۇ دېيلىدۇ. 80خالتا بلوگ يازمىسى.
قانداقلا بولمىسۇن ، مەنىي بۇرۇن كېتىپ قالسا ، نۇرمال جىنسىي مۇناسىۋەتكە ، پەرزەنت كۆرۈشكە، ئەر-خوتۇن ئوتتۇرسىدىكى مۇناسىۋەت ۋە ھېسياتقا، تۇرمۇشتىكى ئىناقلىق ۋە بىر-بىرىگە كۆيۈنۈش قاتارلىقلارغا تەسىر يەتكۈزۈپلا قالماستىن ، بەلكى ئائىلىدە ئۇرۇش-جىدەل قاتارلىق تۇرمۇشتىكى بىئارامچىلىققا سەۋەب بولۇپ، ئاخىرىدا نىكاھتىن ئاجرىشىشقا ئىلىپ بېرىپ جەمئىيەتنىڭ ئاساسى بولغان ئائىللەرنىڭ ئۇلىنى تەۋرتىپ جەمئىيەت تەرەققىياتىغا پايدىسىز ئامىللارنى كەلتۈرۈپ چىقىرىدۇ.
مەنى تېز كېتىشنىڭ سەۋەبلىرى:
بۇنىڭ سەۋەبلىرى خىلمۇ خىل بولۇپ روھىي ئامىللاردىن بولىدىغانلىرى كۆپ ئۇچرايدۇ.
ئاساسلىق سەۋەبلەر
1. ئۇزۇن مۇددەت قولىدا لەززەتلىنىش ئادىتى -ئانانىزىم (جەلق)
2. شەھۋانىي رومان، ھىكايە، كىنو-فىلىملەرنى كۆپ كۆرۈش
3. شەھۋانىي خىياللارنى كۆپ قىلىش،
4. جىنسىي مۇناسىۋەتنى كۆپ ئۆتكۈزۈش
5. ئوخشاش جىنىسلىقلار مۇھەببەتلىشىشى
6. ھەر خىل سۈيدۈك يولى كېسەللىكلىرى- مەزى بېزى ياللۇغى، سۈيدۈك يولى ياللۇقى، بوۋاسىر ، مەقئەت كېسەللىرى ،
7. نېرۋا، يۈرەك، جىگەر، بۆرەك، ئۇرۇقدان قاتارلىق ئەزالارنىڭ ئاجىزلىقى
8. بەدەن مىزاجىنىڭ ھۆل سوغۇقتىن بۇزۇلىشى بىلەن پەيلەرنىڭ تۇتۇش كۈچىنىڭ ئاجىزلاپ كېتىشى
9. چېقىرىش كۈچىنىڭ كۈچىيىپ كېتىشى
10. ئۇرۇقدان ۋە قوشۇمچە ئۇرۇقدان خالتىسى، سۈيدۈك يوللىرى قاتارلىق كانال ئەزالارنىڭ كېىيىپ كېتىشى قاتارلىق سەۋەبلەر بولىشى مومكىن.
مەنىي تېز كېتىش ھازىر ئەرلەردە كۆپ كۆرىلىۋاتقان ئەھۋال بولۇپ بۇنىڭ كىلىپ چىقىش سەۋەبى يۇقۇردا ئېيتىلغاندەك كۆپ خىل ئامىللار بىلەن مۇناسىۋەتلىك. بۇنى داۋالاشتىمۇ سەۋەبىگە قارىتا چارە قىلىنىدۇ. روھىي ئامىللار سەۋەب بولغان بولسا كەيپىيەتنى تەڭشەش، ياخشى ئارام ئىلىش، جىنسىي مۇناسىۋەت قىلىدىغان ئورۇن ۋە  ۋاقىتنى ئالماشتۇرۇش، ئىمكان بار ئازادە موھىت يارىتىش دېگەندەك چارىلەرنى سىناپ كۆرۈپ باقسا بولىدۇ. ئەگەر مەنىي تېز كېتىشكە كۆنۈپ قىلىش ( جىنسىي مۇناسىۋەت پەيتىدە زىيادە ھاياجانلىنىپ كېتىپ تەبئىي ھالدا رېففلىكىس پەيدا بولۇش ) بولغان بولسا تۆۋەندىكى ئاددىي ھەم پۇل كەتمەيدىغان چارىنىمۇ سىناپ باقسا بولىدۇ:
تۈز ئولتۇرغان ياكى ئۆرە تۇرغان ئەھۋالدا سۈيدۈك كەلگەندەك سېزىم پەيدا قىلىپ چىڭقىلىدىكەن، ئاندىن تېزلا ئىچىگە تارتىۋالىدىكەن. مۇشۇ خىل ھەركەتنى تەرتىپلىك ھالدا ھەر قېتىمدا 15-20 قېتىم، كۈندە 2 قېتىم تەكرارلاپ بىر ئايدىن ئىككى ئايغىچە  داۋاملاشتۇرۇپ بەرگەندە مەنى تېز كېتىشنى داۋالىغىلى بولىدىكەن، 80خالتا بلوگ يازمىسى.
ئەگەر مەسىلە مېڭە ، پەي-مۇسكۇللارنىڭ تۇتۇش كۈچى ئاجىزلاپ كېتىش، بۆرەك سوۋۇش، بۆرەك ئاجىزلاپ كېتىش، مەنى سۇيۇلۇپ كېتىش دېگەندەك سەۋەبلەر بىلەن مۇناسىۋەتلىك بولسا ئۇيغۇر تېبابەت دورىلىرىدىن : ماددىتىل ھايات، مەجۈنى ئىمساك، قۇرسى ئىمساك، بەرشىشا كەبىر، مۇغەللىز، ھەببى ئازاراقى،  تەپتى جۇش تابلىتى ( شەھۋەت كۈچىنى ئاشۇرۇپ مەنىينى تورمۇزلاشتا ئۈنۈمى ھەم تېز ھەم ئىشەنچىلىك بولماقتا )، لۇبۇبى كەبىر، داۋائىل مىشكى، سۇپۇپى كۈنجۈت، ئامىلە نۇشدارى دېگەندەك دورىلاردىن  مىزاجغا ماس كىلىدىغانلىرىنى تاللاپ ئىستىمال قىلىپ بەرسە ئۈنۈمى ياخشى بولىدۇ. بۆرەك ئۇدۇلى ۋە ئەرلىك ئەزا ئەتراپىنى ئىشەنچلىك بوزۇغا مېيى ياكى كۇچۇلا مېيى بىلەن مايلاپ ئۇۋلاپ بىرىش، ئىسسىق ئۆتكۈزۈپ بىرىشنىڭمۇ مۇئەييەن مەنپەئەتى بار.
تەييارلىغۇچى: مۇھەممەد تۇرسۇن (بىرزات)
  پايدىلانغان ماتېريال: ئەرلەر كېسەللىكلىرىنى ئۇيغۇر تىبابىتىدە داۋالاش