مىڭ بىر ھېكايەت

    بىر رەسسام بازاردا رەسىم ساتىدىكەن .بىركۈنى بىر گۈدەك بەگزادە ئادەملەرنىڭ ئارسىدىن قىستىلىپ يۈرۈپ رەسسامنىڭ ئالدىغا يىتىپ كەپتۇ. رەسسام بۇ بەگزادىگە بىر قاراپلا بۇ بالىنىڭ  ياش ۋاقتىدا دادىسىنى خورلاپ ناھايتى ئىغىر كۈنلەرگە قويغان ھەم ئازاپ بىلەن ئۆلۈپ كىتىشكە سەۋەب بولغان بىر بەگنىڭ بالىسى ئىكەنلىگىنى تونىۋاپتۇ. بەگزادەنىڭ رەسىمگە بولغان ئىشتىياقى ناھيتى يوقىرى بولۇپ، بۇ قىتىم رەسسامنىڭ ئەسەرلىرىدىن بىرىنى بەكلا ياخشى كۆرۈپ قاپتۇ ھەم ئۇنى سىتىۋالماقچى بوپتۇ. بۇ رەسىدە ئاۋات بازار رەستىلىرىنىڭ بىرىدە نورغۇن ئادەملەر توپلىشپ تۇرغان، بىر يايى ئالدىدىكى بىر دۆۋە كىتابلارغا ئوت يىقۋاتقان، يەنە بىر ئەمەلدار بىر پارچە رەسىمنى قولى كەينىگە قىلىپ باغلىنىپ بوينىغا قانداقتۇر خەتلەر يىزىلغان تاختا ئېسىلغان بىر رەسسامنىڭ كۇزىگە جىيەسلىتىۋاتقان كۆرۈنۈش سىزىلغان بولۇپ، رەسسام بىر پارچە رەخىت بىلەن ئۇرەسىمنى توسىۋىلىپ ئۇنىڭغا ساتمايدىغانلىقىنى ئېيتىپتۇ.
    بەگزادە بەكمۇ ئۆز بىشىمچى، جاھىل بولۇپ، ئۇ ھىلىقى رەسىمدىن زادىلا مىھرىنى ئۈزەلمەپتۇ. شۇنىڭدىن كىيىن بەگزادە يۈرەك كىسىلى بولۇپ، بارغانسىرى ئاجىزلاپ كىتىپتۇ. ئاخىرى ئوغلىنىڭ دەردىگە چىدىمىغان بەگ ئۇ رەسىمنى قىممەت باھادا سىتىۋالىدىغانلىقنى ئىيتىپتۇ. لىكىن رەسسام ئۇ رەسىمنى ئۆز تىمىغا ئىسىپ قويۇشقا رازى بولۇپتۇكى ئۇلارغا سېتىپ بېرىشنى خالىماپتۇ ۋە چىرايى تۇتۇلغان ھالدا رەسىمنىڭ ئالدىدا تىزلىنىپ ئولتۇرۇپ ئۆز ئۆزىگە : -مانا بۇ مىنىڭ ئۆچ ئىلىش ئۇسۇلۇم،-دەپتۇ.
    بۇنىڭدىن سەل كۆڭلى ئەمىن تاپقان رەسسام شۇنىڭدىن تارتىپ توختىماستىن ئۆزى ئەڭ ئامراق بىر سىنىڭ رەسىمىنى سىزىشقا ۋە بۇ ئارقىلىق غىرىپ كۆڭلىگە تەسەللى تىپىشقا باشلاپتۇ، ئەمما بارغانسىرى ئۆزى سىزغان رەسىمنىڭ مەلۇم بىر يىرىنىڭ ئوخشىمايۋاتقانلىغنى بايقاشقا باشلاپتۇ. بىر كۈنى چۈچۈپ قولىدىكى رەسىمنى تاشلاپ ئورنىدىن سەكىرەپ كىتىپتۇ. چونكى ئۇ سىزغان رەسىمدىكى ئۆزى ياخشى كۆرىدىغان ئادەمنىڭ كۆزى ئاستا ئاستا رەقىبىنىڭ كۆزىگە ئوخشاپ قالغانلىقىنى بايقاپ قاپتۇ. ئۇ ئاخىرى رەسىمنى يىرتىپ پارچە-پارچە قىلىۋىتىپ، ئەر قىساسى ئۇنتۇلماس دەپتىكەن. مەن ھامان ئۆچ ئالىمەن دەپتۇ ۋاقىراپتۇ-كۆككە قاراپ.

بۇ يازمىنى ئاخىرىدا   قوشتاغ تەھرىرلىگەن. ۋاقتى  2012-5-13 12:49  

     بۇرۇن بىر كۈنلەمچى ئايال ئۆتكەن بولۇپ، دائىم يولدىشىنى ئاشنىسى بار دەپ گۇمان قىلىپ يۈرۈيدىكەن .شۇڭا ھەر قېتىم يولدىشى ئۆيگە قايتىپ كەلگەندە، ئۇ ناھايتى تەپسىلى تەكشۈرۈش ئېلىپ بارىدىكەن. ئەگەر قىلچىلىك يىپ ئۇچى تىپىۋالسا يىغلاپ ئالەمنى مالەم قىلىدىكەن.
     بىر قېتىم ئۇ ئۇدا  بىر ئايغىچە ئاختۇرۇپ تىمسىقلاپ يۈرۈپمۇ ھېچقانداق يىپ ئۇچى تاپالماپتۇ. شۇنىڭ بىلەن ئۇ تازا قاتتىق يىغلاشقا باشلاپتۇ. يولدىشى ئۇنىڭدىن نېمىشقا يىغلايدىغانلىقىنى سورىغاندا، ئۇ ئۇدا بىر ئاي بولسىمۇ ھېچ قانداق يىپ ئۇچى بايقىيالمىغانلىقىنى،  ھەتتا ئايال كىشىنىڭ بىرەر تال چىچىنىمۇ بايقىمىغانلىقىنى ئىيتىپتۇ.
-ئەجەبا بۇ سىنىڭ ئارزۇيۇڭ ئەمەسمۇ؟ دەپ سوراپتۇ ئېرى ھەيران بولغان ھالدا.
ياق، مەن تىخىچە ھىس قىلماي يۈرۈپتىمەن. ئەسلىدە سىز تاقىر باش ئاياللار بىلەن ئارىلىشىۋاتقان ئىكەنسىز ئەمەسمۇ!- دەپتۇ يىغلامسىراپ.

بۇ يازمىنى ئاخىرىدا   قوشتاغ تەھرىرلىگەن. ۋاقتى  2012-5-13 21:04  

يىراقتىكى ئورمانلىقتا بىر جۇپ قۇشقاچ  ياشايدىكەن، ئۇلار بىر-بىرىنى شۇنداق ياخشى كۆرۈدىكەنكى، ئۇلار كىچە كۈندۈز بىر بىرىدىن ئايرىلىشقا كۆزى قيماي پىنھان بىر دەرەخكە بىرلىكتە تۇرمۇش كەچۈرۈش ئۈچۈن بىر چوڭ ئۇۋا ياساپ چىقىپتۇ. شۇنداق قىلىپ ئۇلار كۈندۈزى بىرلىكتە ئويۇن ئويناپ ئوزۇقلۇق ئىزدىسە، كەچلىرى بىرلىكتە ئۇۋىسىغا قايتىپ كىلىپ ئۇخلايدىكەن.
      بىراق بۇ ئىككى قۇشقاچ بىر-بىرىنى بەكلا ياخشى كۆرگەچكە، شۇنچە قىلسىمۇ قىلغانلىرىنى ئۆز سۆيگۈسىنى ئىپادىلەشكە تىخى يېتەرلىك بولمىدى دەپ ئويلايدىكەن. چۈنكى ئۇلار  ئورماندا ئوزۇقلۇق ئىزدەش جەريانىدا، بەزىدە  قارشى تەرەپنى يۈتتۈرۈپ قويسا، بەزىدە بۈركۈتلەرنىڭ ھۇجۇمىغا ئۇچراشتىن بەكمۇ ئەندىشە قىلىپ بىر بىرىنى ئەسلىرىدىن چىقرىپ قويىدىكەن.
-ئۆزىمىزنىڭ مۇھەببىتىمىزنىڭ تىخمۇ مۇستەھكەم ئىكەنلىگىنى ئىسپاتلاش ئۈچۈن، قانىتىمىزنى بىر قىلىپ باغلاپ قويايلى دەپتۇ،-قۇشقاچلارنىڭ بىرسى .
-مەنمۇ شۇنداق ئويلىغانتىم،-دەپتۇ يەنە بىرسى جاۋابەن.
شۇنىڭ بىلەن ئۇلار ئورمانلىقتىكى ئەڭ چىداملىق شاخچىلارنى تىرىپ كىلىپ قاناتلىرىنى بىر قىلىپ باغلاپتۇ. ھەمدە بىر –بىرىگە: -پۈتۈن  دۇنيادا بىر-بىرىنى بىزدىنمۇ ئارتۇق ياخشى كۆرىدىغان قۇش يوق!- دېيشىپ، خاتىرجەم ھالدا ئۇۋىسىغا قايتىپتۇ.
ئىككىنچى كۈنى ئەتىگەندە ئىللىق قۇياش نۇرى ئۇلارنى ئويغىتىپتۇ. ئىككىسى بىرلىكتە بىر بىرىگە بىقىشىپ، تۇمشۇقلىرىنى يىقىشىپ ئۇزۇنغىچە ناخشا ئېيتىپتۇ. ئاندىن كېيىن ئۇلار ئوزۇقلۇق ئىزدەشكە تەييارلىنىپتۇ. ئۇلار ئۇۋىسىدىن شۇنداق سەكرەپ چىقىشىغىلا، ئىككىلىسى تەڭ پوكلا قىلىپ يەرگەموللاق ئىتىپ چۈشۈپتۇ. ئۇلار مىڭ تەسلىكتە ئورنىدىن تۇرغان بولسىمۇ لېىكىن ئۇچالماپتۇ. ئۇلار مۇشۇ ۋاقىتتىلا ئىككىسىنىڭ  قانىتنى بىر قىلىپ باغلاپ قويۇلغانلىقىنى،قانات مەھكەم باغلانغىنىدا بۇرۇنقىدەك ئەركىن پەرۋاز قىلالمايدىغانلىقنى ھېس قىلىشىپتۇ.  ئاندىن كېيىن ئۇلار بىرلىكتەقانىتى چىگىلگەن دەرەخ شاخلىرىنى چوقۇپ يەشكەندىن كېيىن، قاناتلىرىنى كەرگىنىچە بوشلۇققا قاراپ ئۇچۇپ كۆكلەردە ئەركىن پەرۋاز قىپتۇ. بۇ چاغدا ھايات ۋە مۇھاببەت ئۇلارغا تىخىمۇ رەڭدار ۋە جەلىپكار بولۇپ تۇيۇلۇپتۇ.
-مۇھەببەت بوشلۇققا مۇھتاج ئىكەن، دەپتۇ بىرى.
-مۇھەببەت يەنە ئەركىنلىككىمۇ مۇھتاج ئىكەن،-دەپتۇ ئىككىنچىسى.
     بۇ ئىككى قۇشقاچ شۇنىڭدىن كېيىن ئەسلى تەبىئىيتى بويىچە كۈنلىرىنى بەختلىك ئۆتكۈزۈشكە باشلاپتۇ. كۈندۈزلىرى بەخت ۋە ئەركىنلىك ئۈچۈن ھەر قايسىسى ئۆز يۆنىلىشىدە پەرۋاز قىلىپ ئوزۇقلۇق ئىزدىسە، كەچلىرى مۇھەببەت ۋىسالى ئۈچۈن ئىككىسىگە ئورتاق بولغان ئىللىق ئۇۋىسىغا قايتىپ بىرگە بولىدىغان بوپتۇ.

بۇ يازمىنى ئاخىرىدا   قوشتاغ تەھرىرلىگەن. ۋاقتى  2012-5-13 21:12  

بۇ يازمىنى ئاخىرىدا   قوشتاغ تەھرىرلىگەن. ۋاقتى  2012-5-14 12:58  

    بىر ئادەم پىسخىكا دوختۇرىغا كۆرۈنگىلى بىرىپتۇ ۋە داتلاپ: -مىنىڭ تۇرمۇشۇم بەك مەنىسىز، -دەپتۇ دوختۇرغا .
-ئۇنداقتا بىز بىر كىچىك تەجرىبە ئىشلەيلى-دەپتۇدوختۇر، ھەم كەينىدىن مۇنۇلارنى ئەسكەرتىپتۇ.
-سىز ئەتە  ئەتتىگەن ئورنىڭىزدىن تۇرغاندا، بۈگۈن مىنىڭ ھاياتىمدىكى ئەڭ ئاخىرقى بىر كۈنى دەپ تەسەۋۋۇر قىلىپ، كارىۋاتتىن چۈشۈشكە تىرىشىڭ. ھەمدە ئۆزىڭىزگە بۇ مىنىڭ ئەڭ ئاخىرقى قېتىم يۇمشاق كارىۋاتتا يىتىشىم ھەمدە ئەڭ ئاخىرقى ئۇيقۇدىن ئويغۇنىشىم دەڭ .
   -ئارقىدىن سىز يەنە ئەتىگەنلىك ناشتا قىلغاندا ئېسىڭىزدە بولسۇنكى، ئۇ سىزنىڭ ئەڭ ئاخىرقى بىر قېتىملىق ئەتىگەنلىك ناشتىڭىز، ئايالىڭىزغا سىز ئەڭ ياقتۇرىدىغان نەرسىلەرنى ئەتكۈزۈڭ. ھەرگىزمۇ  تاماق ئۈستىلىدە گىزىت كۆرمەڭ. ئەكسىچە ئايالىڭىز بىلەن ياخشىراق پاراڭلىشىۋىلىڭ. چۈنكى بۇندىن كېيىن مۇنداق پۇرسەت بولمايدۇ.
بىكەتكە بارىدىغان يولدا، ئاستا مېڭىڭ. ئۆزىڭىزنىڭ ئۆيىنى، سىز تۇرغان بازارلارنى، قوشنىلىرىڭىزنى ياخشى كۆرۈۋىلىڭ. چۈنكى بۇلارنىڭ ھەممىسى ئەڭ ئاخىرقى قېتىم بولۇپ قالىدۇ. پويىزغا چىققاندا ھەم بىلىشىڭىز كىرەك، بۇ سىزنىڭ ئاخىرقى قېتىم پويىزغا ئولتۇرۇپ شەھەرگە بىرىشىڭىز، سىز ياقتۇرمايدىغان نەرسىلەرگىمۇ قاراپ قويۇڭ، چۈنكى سىز ئۇزۇنغا قالماي بۇلار بىلەن مەڭگۈلۈك خوشلىسىز-دەپتۇ.
    بۇ ئادەم دوختۇرنىڭ سۆزىگە قوشۇلۇپتۇ. كۈچىنىڭ بارىچە بۇ تەجىرىبىنى ئىشلەيدىغانلىقىنى، ئاندىن نەتىجىنى دوكلات قىلىدىغانلىقىنى ئېيتىپتۇ.
    ئۇ ئادەم ئەتېنى ساقلىمايلا ،شۇ كۈننى ھاياتىنىڭ ئەڭ ئاخىرقى كۈنى دەپ بىلىپتۇ. ئۆيگە قايتىدىغان پويىزدا ئەستايىدىللىق بىلەن سىرتنى كۆرۈپ مىڭىپتۇ. بۇرۇنقىغا ئوخشاش گىزىت-ژورنال كۆرمەپتۇ. نەتىجىدە ئۇ بازار ۋە يىزىلاردىكى چىراقلارنىڭ ئۆزىنى شۇنداق جەلپ قىلغانلىقىنى، ھەمدە پويىزدا ئولتۇرۇشنىڭ راھەت ئىكەنلىكىنى ھېس قىپتۇ.
ئۇنىڭدىن كېيىن جىمىرلاپ تۇرغان يۇلتۇزلار، ئاي نۇرىغا تولغان يولدا مىڭىپ ئۆيىگە قايتىپ كەپتۇ. ئۇ ئاچقۇچنى ئىلىپ ئىشىكنى  ئاچماستىن بەلكى، ئىشىك قوڭغۇرىقىنى بىسىپ ئىشىك ئىچىلغاندىن كېيىن، قارىسا، ئالتۇن رەڭلىك چىراغ نۇرى ئاستىدا توي قىلغىلى 25يىل بولغان ئايالى تۇرغان. ئۇ ئايالىنى چىڭ قۇچاقلاپ، ئۆمرىدىكى ئەڭ قىزغىنلىق بىلەن سۆيۈپ قۇچاقلاپتۇ ھەم باشقىچە لەززەت ھېس قىپتۇ.
   شۇ دەقىقىدىن باشلاپ ئۇ« ئەتىدىن باشلاپ خۇدا بەرگەن ھەر بىر كۈندە ياخشى ياشايمەن!» دەپ قارار قىپتۇ.

بۇ يازمىنى ئاخىرىدا   قوشتاغ تەھرىرلىگەن. ۋاقتى  2012-5-14 21:50  

ئەسسالام قوشتاغ ئەپەندى  بۇ ھىكايەتلىرىڭىز ئىلگىرى كونا مۇنبەرگە يوللىنىپ بولغاندىكىن كۈندە بىردىن  يوللايمەن دەپ ئولتۇرماي  جىقراقتىن  يوللىسىڭىز بولمامدۇ ؟؟؟

سالام چىن سۆز، سىز دېگەندەك قىلسام ئەلۋەتتە بولىدۇ. ئەمما مېنىڭ ۋاقتىممۇ ئانچە كۆپ ئەمەس. مەن دائىم تورنىڭ ئالىدا ئولتۇرۇپ بولالمايمەن. مىڭ بىر جاپادا ئالدىراشچىلىق ئىچىدىن ۋاقىت چىقىرىپ دەم ئىلىش ۋاقىتلىرىمدا مۇشۇنچىلىك قىلىشقا يىتىشىۋاتىمەن. قارىسام سىزمۇ ھىچ بىر تېما يوللىماپسىز. سىزمۇ ئاز-تولا ئىجادىيەت بىلەن شۇغۇللىندىغانسىز؟

سىز نىڭ شۇنداق قىممەتلىك ۋاقىتلىرىڭىزنى چىقىرىپ ئەسەرلىرىڭىزنى ئۈزۈلدۈرمەي يوللاپ تۇرغىنىڭىزغا رەھمىتىمنى بىلدۈرىمەن ، مىنىڭ يىزىش قابىلىيتىم ياخشى ئەمەس، ھازىر سىزنىڭ ھىكايەتلىرىڭىزنى ئوقۇپ شۇنىڭدىن ئىلھاملاندىم ،بۇندىن كىيىن خۇدا خالىسا مەنمۇ تىما يوللايمەن ...

ھە، ئۇنداقتا بوپتۇ. داۋاملىق ئوقۇپلا ئولتۇرماي، ئىزچىل ئويلىنىش، ئازدۇر كۆپتۇر قەلەمنى چىنىقتۇرۇپ تۇرۇش كىرەك. ئۇنداق ئەمەسمۇ؟...

پىكىرىڭىزنى  قوللايمەن   ،  ئۈگۈنۈش باسقۇچىدا بولغاچقا ھازىرچە يەنىلا كۆپرەك  ئوقۇغىنىم ياخشىمىكىن ...

سىز   ماڭا    مۇمكىن بولسا بىر تۈ*ركۈم كىتاپ تەۋسىيە قىلسىڭىز بوپتىكەن ...  بولامدۇ ؟

ئۇيغۇرتىلىدىكى كىتابلار جەۋھىرى

1. «ئىز» ئابدۇرېھىم ئۆتكۈر
2. «ئويغانغان زېمىن» ئابدۇرېھىم ئۆتكۈر
3. «قۇم باسقان شەھەر» مەمتىمىن ھوشۇر
4. «ئانا يۇرت» زۇردۇن سابىر
5. «ئىلى دولقۇنى» ئابدۇراخمان قاھار
6. «داغ» ئەبەيدۇللا ئىبراھىم
7. «بالدۇر ئويغانغان ئادەم» خېۋىر تۆمۈر
8. «موللا زەيدىن ھەققىدە قىسسە» خېۋىر تۆمۈر
9. «ئىزدىنىش»(2قىسم) زۇردۇن سابىر
10. «لىيىغان بۇلاق» (5قىسىم)
بۇ يازمىنى ئاخىرىدا   قوشتاغ تەھرىرلىگەن. ۋاقتى  2012-5-14 22:21  

11. «يۇلتۇزلۇق تۈنلەر» ئۆزبىكىستان
12. «ئاخىرقى دىڭىزغا يۈرۈش»
13.«باتۇخان»
14. «ئەكبەرۇن»
15.« ھۇمايۇن»
16. «چىڭگىزخان» ياپۇنىيە
17. «خوجا نەسىردىن ھەققىدە قىسسە»
18. جالالىدىن رۇمى
19. سەمەرقەنىت
20. ئىغىر كۈنلەر
بۇ يازمىنى ئاخىرىدا   قوشتاغ تەھرىرلىگەن. ۋاقتى  2012-5-14 22:22  

21. چالىقۇش
22. مەمەت ئاۋاق
23.تۇنجى مۇھەببەت (مىسىر)
24. لەۋدىن قەلىبكە
25. دوبرۇۋىسكىي (رۇسيە)
26. قىيامەت
27. ئاق پاراخۇت
28. ئەسىردىن ھالقىغان بىركۈن
29. ئالپامىش
30. چاڭ توزان بىسىققاندا (تىبەت) ئالەي

بىراقلا 100 قىلىۋەتمەمسىز  !