خەلقئارا تورى مەخسۇس خەۋىرى:  ئەنگلىيە « كۈندىلىك پوچتا گېزىتى» 5- ئاينىڭ 31- كۈنى خەۋىرىگە قارىغاندا، مۇشۇ ھەپتىدىن باشلاپ ئىسپانىيە بارسېلونادا يېڭى بىر تۈرلۈك قانۇن ئېلان قىلىنىپ كۈچكە ئىگە قىلىندى: ساياھەتچىلەرنىڭ سۇ ئۈزۈش كىيىمى بىلەن كوچىلاردا مېڭىشى چەكلىنىدۇ. خىلاپلىق قىلغۇچىلار 120 ياۋرودىن  500 ياۋروغىچە جەرىمانە تۆلەيدۇ.
كۆپ يىللاردىن بۇيان بارسېلونادىكى  ئاھالىلەر ۋە سودا ساھەسىدىكىلەر بەس- بەستە ساياھەتچىلەرنىڭ سۇ ئۈزۈش كىيىمى بىلەن يۈرۈشىدىن قاقشىدى. ئۇلارنىڭ يىرىم يالىڭاچ كوچا ئايلىنىشى، نەرسە كېرەك سېتىۋىلىشى يەرلىك كىشىلەرنىڭ كۆزىگە سىغمىغان.كۆپ يىللاردىن بۇيان ھۆكۈمەتنىڭ مۇشۇتوغرىسىدا بەلگىلىمە چىقىرىشىنى مۇراجەت قىلغان شەھەر ئاھالىسى Assumpta Escarp مۇنداق دەيدۇ:« كىشىلەر بۇنداق يېرىم يالىڭاچ  كىشىلەردىن زىرىكتى. بىز چوقۇم بەلگىلىمە چىقىرىشىمىز كېرەك».
يېڭى قانۇنغا ئاساسەن  ساياھەتچىلەرنىڭ  ئاممىۋىي سورۇنلاردا سۇ ئۈزۈش كىيىمىدەك  كىيىملەرنى كىيىپ يېرىم  يالىڭاچ يۈرۈشى چەكلەندى. ساقچى تەرەپ چارلاپ تەكشۈرۈپ بايقىلىپ قالسا،. 120  ياۋرودىن  300 ياۋروغىچە جەرىمانە تۆلەيدۇ.  بۇ بەلگىلىمە دېڭىز بويى رايونىدىكى كوچىلاردا كۈچكە  ئىگە ئەمەس  ئىكەن.ئىگىلىنىشلەرگە قارىغاندا، بارسېلونادىكى بۇ يېڭى قانۇن ئالدىنقى ئايدا شەھەر پارلامىنتىدىن ئۆتكەن.  5- ئاينىڭ 29- كۈنىدىن باشلاپ رەسمى كۈچكە ئىگە قىلىنغان.نۆۋەتتە بارسېلونا ھەرخىل ۋاستىدىن پايدىلىنىپ 15 مىڭ تەشۋىقات ۋارىقى تارقىتىپ يېڭى قانۇننى تەشۋىق قىلماقتا.