5-ئايلانمىدىكى شاڭخەي بىلەن بولغان مۇسابىقىدە بارى ئاساسلىق ئەزا سۈپىتىدە مەيدانغا چىقتى
بارى ئەجەللىك ھوجۇم پاس بىرىپ،سەبدىشىنىڭ نومۇر ئىلىشىغا تۆھپە قوشتى
سىنا تەنتەربىيسى خەۋىرى،2012-يىللىق جوڭگو دەرىجىدىن تاشقىرى پۇتبول بىرلەشمە مۇسابىقىسىنىڭ 5-ئايلانمىسىدىكى مۇسابىقىلەر تۈنۈگۈن ئاخىرلاشتى.بۇ ئايلانمىدىكى مۇسابىقىلەردە،يىڭىدىن دەرىجىدىن تاشقىرى بىرلەشمىگە چىققان گواڭجۇ فۇلى كوماندىسى تىيەنجىن تىدا كوماندىسىنى مەغلۇپ قىلىپ،بىرلەشمىدە داۋاملىق سەركىلىك ئورنىنى ساقلاپ قالدى.
سىنا تەنتەربىيسى جوڭگۇ دەرىجىدىن تاشقىرى بىرلەشمىسى 5-ئايلانمىسىدىكى ئەڭ مونەۋەر سەپ شەكلىنى باھالاپ چىققان بولۇپ،سەپ شەكلى 4-3-3 شەكلىدە بولۇپ،بىزنى خۇشھال قىلىدىغان تەرىپى،خاڭجۇ يىشىل شەھەر كۇلۇبىدىكى شىنجاڭلىق پۇتبولچى بارى 5-ئايلانمىدىكى مونەۋەر سەپ شەكلى ئىچىگە كىردى.
سىنا تەنتەربىيسى باھالاپ چىققان 5-ئايلانمىدىكى مونەۋەر سەپ شەكلى
ھوجۇمچىلار:داۋى(فۇلى كوماندىسى)،ياڭ شۈ(لىياۋنىڭ)،كاتوڭگا(خىنەن قۇرۇلۇش)؛
ئوتتۇرا مەيدان:بارى موھەممەتئىلى(خاڭجۇ يىشىل شەھەر)،ياڭ ۋۇ(گۈيجۇ رېنخى)،ۋاڭ زەن(شاڭخەي شىنشىن)؛
بىكلار:ھاجى(خىنەن قۇرۇلۇش)،چىياۋنى(شاڭخەي شىنشىن)،ئىلىرسىن(جىياڭسۇ شۈنتىيەن)،لى جىيەنخۇا (گواڭجۇ خىڭدا).
قاپقىچى:دېڭ شىياۋ فىي(جىياڭسۇ شۈنتىيەن)
خاڭجۇ يىشىل شەھەر كوماندىسىنىڭ ھازىرقى ئەھۋالىدا،يادرولۇق ئوتتۇرا مەيدان توپچىسى كەم بولغاچقا،يېشىل شەھەرنىڭ سامۇراي تېرىنىرى بارىنى ئوتتۇرا مەيدانغا قويغان بولۇپ،بارى تېرىنىرنىڭ ئۈمىدىنى يەردە قويماي،ناھايىتى چىرايلىق بىر ھوجۇم پاس بىرىپ،كوماندىنىڭ يىڭىلمەسلىكىگە ئاساس سالدى.
بۇنىڭدىن ئىلگىرى بارى 3-ئايلانمىدىكى گوئەن كوماندىسىنى مەغلۇپ قىلغان مۇسابىقىدىمۇ،ھالقىلىق ھوجۇم پاس بىرىپ،كوماندىنىڭ بۇ كۈچلۈك كوماندىنى يىڭىشىگە ئاساس سالغان بولۇپ،بۇ قىتىم داڭلىق پۇتبولچى ئانىركا تۇرۇشلۇق شاڭخەي شىنخوا كوماندىسى بىلەن بولغان مۇسابىقىدە،بارى داۋاملىق رولىنى ياخشى جارى قىلدۇرۇپ،ئاۋال بىر توپ كەتكۈزۈپ قويغان شارائىتتا،ئەجەللىك ھوجۇم پاس بىرىپ،سەبدىشىنىڭ توپ كىرگۈزىشىگە موھىم تۆھپە قوشتى.كوماندىمۇ نەتىجىنى تەڭلەشتۈردى.
ئەگەر بارىنىڭ سەبداشلىرى ئۇ تاشلىغان ئىككىنچى پاسنىمۇ چڭ تۇتالىغان بولسا،بەلكىم يەنە بىر توپ ئۇرۇپ،شىنخوا كوماندىسىنى يىڭىشى مومكىن ئىدى،بىراق ئۇلار پۇرسەتنى تۇتالمىدى.بىراق نىمىلا بولمىسۇن بارى كوماندىنىڭ چوڭ تۆھپىكارىغا ئايلاندى.بۇ پەسىللىك مۇسابىقە باشلانغاندىن بۇيان ئۇ ئىككى قىتىم ھوجۇم پاس بىرىپ،ياپۇنلۇق تىرىنىرنىڭ ئىشەنچىسىگە ئىرىشتى.ئۇنىڭ كىيىنكى مۇساپىسىنىڭ تېخمۇ پارلاق بولۇشىنى ئۈمىد قىلىمىز.
