گۇگېل، ئالما قاتارلىقلار ياپونىيەدىكى ئاپەتكە ئىئانە قىلدى

سىنا تورىنىڭ 3-ئاينىڭ 14-كۈنىدىكى خەۋىرى، ياپونىيەدىكى يەر تەۋرەش ۋە دېڭىز شاۋقۇنى ئاپىتىدىن كېيىن، گۇگېل، ئالما، Twitter قاتارلىق پەن-تېخنىكا ماگناتلىرى ئارقا-ئارقىدىن ئىئانە قىلىپلا قالماستىن، ئۇلار يەنە تېخنىكا كۈچى چىقىرىپ ئۇلارغا ياردەم بەرگەن. گۇگېلنىڭ جىددىي ئېھتىياجىنى قامداش گۇرۇپپىسى ياپونىيەدە يەر تەۋرەپ بىر سائەتتىن كېيىنلا Person Finder تور بېكىتىنى ئېلان قىلغان. بۇ تور بېكەت ئارقىلىق يەرلىك ھۆكۈمەت ئېلان قىلغان ئاپەت رايون ئۇچۇرلىرىنى توپلاپ باشقىلارنىڭ ئاپەت ئەھۋالىدىن دەل ۋاقتىدا خەۋەر تېپىشىغا ياردەم بەرگەن ھەمدە گۇگېل ئۆزىنىڭ بېتىدە دېڭىز شاۋقۇنى ئاگاھلاندۇرۇشىنى ئېلان قىلغان.گۇگېل ياپونىيە شىركىتىنىڭ مەسئۇلى كېيىن.مىيۇرا ئالدىنقى ھەپتىنىڭ شەنبە كۈنى بلوگىدا ئېلان قىلغان ماقالىدا مۇنداق دېيىلگەن:<< يەر تەۋرەپ نەچچە مىنۇتتىن كېيىن، گۇگېلنىڭ جىددىي ئېھتىياجىنى قامداش گۇرۇپپىسى ھەرىكەتكە كېلىپ، مەزكۇر تور بېكەتنىڭ كودلىرىنى يېزىشقا باشلىغان. ئارىدىن بىر سائەت ئۆتكەندىن كېيىن، بۇ تور بېكەت رەسمىي ئېلان قىلىپ، ئاپەتكە دائىر يەرلىك ھۆكۈمەت ئېلان قىلغان ئۇچۇرلارنى يېغىشقا باشلىغان>>.  كېيىن.مىيۇرا يەنە مۇنۇلارنى بىلدۈردى:<< گۇگېل شىركىتى ياپونىيە قۇتقۇزۇش ئورگانلىرىغا بۇ قېتىم 250 مىڭ ئامېرىكا دوللىرى ئىئانە قىلدى. ئۇنىڭدىن باشقا، گۇگېلنىڭ بايرىقى ئاستىدىكى ۋىدېئو تور بېكىتى YouTube بۇ قېتىمقى يەر تەۋرەشكە ئائىت بارلىق ۋېدىئولارنى يېغىپ كۆرسەتتى>>. Twitter ئۆزىنىڭ ياپونىيىدىكى بلوگىدا بۇ قېتىمقى يەر تەۋرەشكە ئائىت بارلىق ئۇچۇرلارنى كۆرسەتتى. Twitter نىڭ باياناتچىسى كارولين.پېنېر ئېلان قىلغان بىر باياناتتا مۇنداق دېيىلدى:<< تېخىمۇ كۆپ قوراللار ۋە ئابونت ئۇچۇرلىرىنىڭ بايقىلىشىغا ئەگىشىپ، بلوگ مەزمۇنلىرىنىڭ يېڭىلىنىشىمۇ تېز بولدى>>. ئۇنىڭدىن باشقا، نۇرغۇن شىركەتلەر ۋە قىزىل كرېست جەمئىيەتلىرى تۈرلۈك ئىئانە توپلاش پائالىيەتلىرىنى ئورۇنلاشتۇرۇپ، ياپونىيە قۇتقۇزۇش ئورگانلىرىغا ياردەم قىلغان. نۆۋەتتە، كىشىلەر ياپونىيە قىزىل كرېست جەمئىيىتىنىڭ تور بېكىتى ياكى 90999 غا تېلېفون قىلىشى ئارقىلىق ئىئانە قىلسا بولىدىكەن. ئالما شىركىتى ئابونتلارغا iTunes ئارقىلىق ياپونىيە قىزىل كرېست جەمئىيەتلىرىگە پۇل ئىئانە قىلىشنى يولغا قويغان. ئالما شىركىتى مۇنۇلارنى بىلدۈردى:<< iTunes ئارقىلىق ئىئانە قىلىنغان پۇللارنىڭ ھەممىسى ياپونىيە قىزىل كرېست جەمئىيەتلىرىگە ئۆتكۈزۈپ بېرىلىدۇ>>. مىكروسوفت شىركىتىمۇ ياپونىيىنىڭ ئىئانە توپلاش پائالىيەتلىرىنىڭ قوللىغان بولۇپ، ھەمدە 100 مىڭ ئامېرىكا دوللىرى ئىئانە قىلىدىغانلىقىنى جاكارلىغان.

كۆرۈلۈشى:461

قوشۇلغان ۋاقتى:2011-9-26 23:04:49

يوللىغۇچى ئەزا: