بىر قىسىم داڭـلىق كىشىلىرىمىزگە شېئىرىي چــــاقچــــاق

رادىل ئابلاغا   ئارمان قۇۋۋەت تالقىنى پايدا قىلغاچ يۈرەككە سەھەر - كەچتە ماختايدۇ سىزنى بوۋام رادىلكا . گۇرۇھ بوپتۇ ئاڭلىساق « ئارمان» يەنە زورىيىپ ھارمىغايسىز ئىلگىرلەپ قۇياش كۈلگەن نىشانغا. نۇرتاي ھاجىمغا   ئاۋام دىلدىن شاد بولدى سىز مەكتەپنى سالغاندا يېتىملەرنىڭ قەلبىدە ياندى ئۆچمەس بىر قۇياش . كەڭرى ئىكەن كۆكسىڭىز خۇددى چەكسىز دەريادەك ئۇدۇم بولسۇن بىزلەرگە سىزدەك سېخى ، مەرد ياشاش .   ئالىم ئەھەتكە   ئۇيغۇر سوفىت شىركىتى سىزنى ئەلگە تونۇتتى يول ئالدىڭىز شۇندىلا ئەلنىڭ قەلب تۆرىگە . توختاپ قالماڭ بىر ئىزدا ، زەپەر قۇچۇپ ھەرزامان ھەتتا مىكروسوفتنى چۆرۈۋېتىپ كەينىگە . ئابدۇللا ئابدىرېھىمغا     «ئۇزاق يول»نى باستىڭىز، گاھ قەلەندەر شاھ  بولۇپ، «رەنجىمە» دەپ قويۇپلا چەللىدە ئات چاپتۇرۇپ. شىركەتنىمۇ باشقۇرۇڭ، ناخشىڭىزنى تاشلىماڭ، ناخشىڭىزنى ئەل - ئاۋام ئاڭلار ھەر ۋاق ياقتۇرۇپ.   مەمتىمىن ھوشۇرغا     «ئالتۇن چىشلىق ئىت» بىزگە تونۇش خۇددى سىز كەبى كۆرۈنمەيلا كەتتىڭىز دىلنى زار قىپ بۇ دەمدە . تەرجىمىگە كۈچەپلا ، يازمىدىڭىز ھېكايە سودا ئوتى ياندىمۇ چىقىش ئۈچۈن چەتئەلگە ؟ غۇجىمۇھەممەد مۇھەممەدكە   خوتەن دەشتى چۆلىدە شىر ، بۆرىگە ئايلىنىپ شېئىر يېزىپ قان بىلەن ، جۇۋان ئىزدەپ يۈرەمسىز ؟ گۇگۇم باسقان بۇ دەمدە ياندى « ئەرنىڭ ئىپپىتى » يار چېچىدىن دار ياساپ ، ئۆلىمەن دەپ يۈرەمسىز ؟   ئادىل تۇنىيازغا   «مەن كەلدىم » دەپ ياڭرىغان ناخشىڭىزنى ئاڭلىغان ئامانمۇ سىز ، ساقمىدۇ ئائىلىڭىز ئادىلكا ؟ خورما يېغى ئىپكەپسىز سەئۇدىدىن قايتقاندا بېرەرسىزمۇ بىز بارساق بىرەر باك ياغ بىكارغا ؟   مۇھەممەدجان راشىدىنغا   شېئىرىڭىز بەك بەلەن ، ئېقىن سۇغا ئوخشايدۇ «ھايات دېگەن مانا شۇ» قەلبلەردە ياڭرايدۇ . يېزىڭ يەنە توختىماي ، ئىگىلسىمۇ قەددىڭىز ئەلنىڭ ئوغلى ھەر ۋاقىت ئەل قەلبىدە ياشنايدۇ . چىمەنگۈل ئاۋۇتقا   « بارسا كەلمەس يول » بىلەن كەتمىگەنسىز يىراققا تاشلاپ قويۇپ يالغۇزلا بىزنى بۇندا پىراققا . ئەدەبىيات بېغىدا پورەكلىگەن بىر گۈلسىز ئۆتۈڭ ، ھەدە ناۋادا سەپەر بولسا بۇياققا . ئۆمەر  مۇھەممەتئىمىن  كرورانغا :   شېئىر يېزىپ كىچىچە، ئىشقا بېرىپ ئەتتىگەن ، ناشتا قىلماي چۈشكىچە، دائىم ئەسەر كۆرەمسىز . « ئىسسىق» دەيدۇ كورلىنى ،چىقىۋېلىپ تاغلارغا ، « قىرىق ياشلىق ئەر بىز » دەپ مەيدە كېرىپ يۈرەمسىز .   يالقۇن روزىغا     خەت يازدىڭىز ئوچۇقلا ھوشۇر قارى ئاكىغا مەقسەت نېمە زادىلا بىلەلمىدۇق بىز بۇنى . ئادەم ھايۋان ئەمەسقۇ ، يەنە ئاڭغا ئىگە ھەم ئارتۇق كۆرسەك بولامدۇ بىر ئادەمدىن ئېشەكنى ؟!!!   پەرھات تۇرسۇنغا   «ئۆلۈۋېلىش سەنئىتى» يەر تەۋرەتتى دىياردا سەنئەت نېمە ، ئۆلۈمچۇ، ئايرىلىدۇ بىر كۈنى. دوكتۇر بوپسىز ئاڭلىساق ، قالپاق ئەمدى چوڭ بوپتۇ ، ئوبزور يازسا جىم تۇرماي، سالارسىزمۇ ھەممىنى . ئەخمەتجان تۇرۇپ بەگتۈرۈككە   غەزەللەردىن سۇ ئىچتى چاك يىرىلغان قەلبىمىز بوز ئېتىڭىز چاپچىيدۇ تۈن نىسبىدە ، زۇلمەتتە . تۈرۈكلەرنىڭ بېگى سىز ، بەردەم ئېلىڭ قەدەمنى مەلھەم بولۇڭ دىللارغا يۈرىۋەرمەي ھەسرەتتە .   مۇتەللىپ مەنسۇر ئوۋچى   ئەزىزانە قەشقەردە گۇگۇم ماراپ تۇرغاندا چاتقاللاردا مۆكۈنۈپ توشقان ئوۋلاپ يۈرەمسىز ؟ ئۆرۈم چاچلار ئايلانسا جادۇگەرنىڭ قولىغا خۇددى بەردەم پەرھاتتەك تاغنى تالقان قىلامسىز ؟   ئادىل مىجىتكە   «مەن ساقچى» نى ۋايىغا يەتكۈزدىڭىز بىلىمىز ئەمما يەنە سەھنىدە لىپتىك تاقاپ يۈردىڭىز . قايتسىڭىز گەر شۇ پىتى ئۆيىڭىزگە ئادىلكا نېمە دەپمۇ چاقىرار شۇ ئەسنادا قىزىڭىز . ئابدۇكېرەم ئابلىزغا   ئىتوت ئويناپ سەھنىدە ، ئەل - ئاۋامنى كۈلدۈرۈپ « چولپان » دېگەن بۇ نامنى قان تەر بىلەن ئالدىڭىز . نېمە دەيمىز بىز يەنە كۈپكۈندۈزدە كوچىدا بىر ئېشەكنى دادا دەپ ماتەم تۇتۇپ يۈرسىڭىز ؟! ئايشىگۈل مۇھەممەدكە     «ئاق بېلىق » نى ئېيتتىڭىز ئاق دەريادا ئۈزگەندەك چىشلەپ قالدۇق لەۋلەرنى دىللار شۇتاپ لال بولۇپ . شادلىناتتۇق سىزدىن بىز يۈرسىڭىز گەر مۇبادا قىسقا چاچنىڭ ئورنىغا ئۆرۈم - ئۆرۈم چاچ قويۇپ.   ئابلەت ئابلىكىمگە   «مەن دولان» نى ئېيتتىڭىز كۆيۈپ خۇددى گۈلخاندەك ، « ئۇيغۇرنىسا » قەلبتە مۇڭ تۆكىدۇ ھېلىمۇ . مىللىي روھقا تويۇنغان ئىجادىڭىز ھەر زامان مۇزىكىدەك چىڭ بولسۇن ناخشىڭىزنىڭ بېلىمۇ . مەمەتجان روزى سايىتقا :     كىلىشتۇرۇپ دورايسىز  ئارتىسلارنى سەھنىدە ، ئۆگەنگەنمۇ بۇ ئىشنى كىچىك چاغدا-يەسلىدە . دوراش بىلەن ئىش پۈتمەس،سىزمۇ كۈيلەڭ دېھقاننى ، بىلىپ قېلىڭ مەمەتجان سىزمۇ شائىر نەسلى-دە!   مۆمىنجان ئابلىكىمگە   «چۈشۈمدە سەن »قالغانتى مۇقاملاردىن يىراقتا «سېغىنىمەن »  تونۇتتى سىزنى رەسمىي ئاۋامغا . پۇتلاشتىڭىز خىلى ۋاق ئۆزگە يولدا ئېزىقىپ ئالدىڭىزدا تاغ تولا ، سەل قارىماڭ داۋانغا .   ئەسكەرتىش: بۇ شېئىرىي چاقچاقلارنىڭ ئابدۇللا ئابدۇرېھىمغا يېزىلغىنى ئۇستازنىڭ قەلىمىگە، ئۆمەر  مۇھەممەتئىمىن  كرورانغا ۋە مەمەتجان روزى سايىتقا يېزىلغىنى ئەنۋەر ھىدايەتنىڭ قەلىمىگە تەئەللۇق، قالغانلىرى ئۇيغۇرتېكىننىڭ قەلىمىگە تەئەللۇق.

كۆرۈلۈشى:864

قوشۇلغان ۋاقتى:2012-1-20 12:13:16

يوللىغۇچى ئەزا:xirinim