يامان يىمەكلىك يوق ، پەقەت ياخشى بولمىغان يېيىش ئۇسۇلى بار . ئۆزىمىزنىڭ يىمەك - ئىچمەك ئادىتىنى تېخىمۇ ياخشىلاش ئۈچۈن ، تاماقتىن كېيىنكى بۇ 7 خىل ئادەتنى يىتىلدۈرىشىمىز ئىنتايىن مۇھىم ! 
 

  قورۇما تاماق يېگەندىن كېيىن بىر تال بانان يېيىش
  قورۇما تۈرىدىكى يىمەكلىك ئاز بولمىغان بېنزوپىرېن قاتارلىقلارنى ھاسىل قىلىپ راك ماددىلىرىنى كەلتۈرۈپ چىقىرىدۇ .
  ھەربىي ئىشلار تېببىي پەن ئاكادېمىيىسى يىمەكلىك ۋە ئوزۇق فاكۇلتېت دوكتورى رۈي لىلى مۇنداق دەپ كۆرسەتتى ، تەتقىقاتلاردا بايقىلىشچە ، بانان بەلگىلىك دەرىجىدە بېنزوپىرېننىڭ راك ھاسىل قىلىشىنى توسىدىغان بولۇپ ، ئاشقازان ۋە ئۈچەينىڭ ئىقتىدارىنى قوغدايدىكەن  . 
 

  بەك مايلىق تاماق يېگەن بولسىڭىز ، بىر ئىستاكان كەرەپشە شەربىتى ئىچىش
  رۈي لىلى تونۇشتۇرۇپ ، ئەگەر بىر ۋاقىلىق تاماقتا مايلىق يىمەكلىكنى كۆپرەك يېگەن بولسىڭىز ، شىكەر مىقدارى ئازاق بولغان ، سېللۇلوزا مىقدارى كۆپ بولغان كەرەپشە شەربىتىنى ئىچىپ بەرسىڭىز ياخشى بولىدۇ .
  كەرەپشىدىكى سېللۇلوزا ماينى ھەيدەش رولىغا ئىگە . 
 

  يەل قازان شورپىسى ئىچكەندىن كېيىن ئازىراق قېتىق ئىچىڭ
  يەل قازان شورپىسىنىڭ تېمپراتورسى يۇقىرى ، ماتىريالى تۈزلۇق ۋە ئاچچىق بولۇپ ، ئاشقازانغا ناھايىتى زىيىنى بار . يەل قازان شورپىسى ئىچكەندىن كېيىن ئازىراق قېتىق ئىچكەندە ، ئۈنۈملۈك ھالدا ئۈچەينىڭ شىللىق پەردىسىنى قوغداپ قالغىلى بولىدۇ .
  بۇنىڭدىن باشقا يەنە ، قېتىق تەركىبىدە سۈت كىسلاتا باكتېرىيىسى بولۇپ ، چېرىپ كەتمەكچى بولغان باكتېرىيەنىڭ قايتا تىرىلىشىنى توسۇغىلى بولىدۇ . 
 

  تاماقتىن كېيىن بۇغداي چېي ۋە ئاپېلسىن شۆپۈكى سۈيى ئىچىش
  تاماق ھەزىم بولمىغاندا ، تاماقتىن كېيىن بۇغداي چېي ۋە ئاپېلسىن شۆپۈكى سۈيى ئىچىپ بەرسە بولىدۇ .
  بۇغداي تەركىبىدىكى ئاللانتوئىنن ۋە  ئاپېلسىن شۆپۈكى سۈيى تەركىبىدىكى ئۇچۇشچان ماي ، ئاشقازان سۇيۇقلۇقنىڭ ئاجىرلىپ چىقىشىنى كۆپەيتىپ ، ئاشقازان-ئۈچەينىڭ لۆمۈلدەش ھەرىكىتىنى ئىلگىرى سۈرىدۇ ، بۇ يىمەكلىكنىڭ ھەزىم بولۇشى ۋە سۈمۈرۈلىشىگە ئىنتايىن پايدىلىق . 
 

  تەييار چۆپ يىگەندىن كېيىن مېۋە يېيىش
  تەييار چۆپ يېگەندىن كېيىن بىر ئاز مېۋە يەپ بېرىش كېرەك . مەسلەن ، ئالما ، بۆلجۈرگەن ، ئاپېلىسىن ، مايمۇن شاپتۇلى قاتارلىقلار . بۇ ئارقىلىق  ۋېتامىن ۋە مىنېرال ماددىنىڭ يىتىشمەسلىكىنى تولۇقلىغىلى بولىدۇ .
  بۇنىڭدىن باشقا ، تەييار چۆپنى پۇشۇرۇشقا ئەھمىيەت بېرىش لازىم . پىشۇرۇپ بولغاندىن كېيىن ئاش قانچە يۇمشاق بولسا شۇنچە ياخشى . بۇنداق بولغاندا ئۈچەينىڭ سۇنى سۈمۈرىشىگە پايدىلىق بولۇپ ، ئاسان ھەزىم بولىدۇ . 
 

  قىسقۇچپاقا گۆشى يېگەندىن كېيىن ، زەنجىۋىل قارا شېكەر سۈيى ئىچىش
   قىسقۇچپاقا گۆشى سوغۇق بولۇپ ، ئاشقازىنى سوغۇق مېجەزلىك كىشلەر قىسقۇچپاقا گۆشىنى يېگەندىن كېيىن ئاشقازىنى ئاغرىش ، ئىچى سۈرۈش ، ياندۇرۇش قاتارلىق ئالامەتلەرنى كەلتۈرۈپ چىقىرىدۇ .
  قىسقۇچپاقا كۆشى يەپ بولغاندىن كېيىن زەنجىۋىل قارا شېكەر سۈي ئىچىپ بەرسە ، ئاشقازان سوغۇق ئېلىشنىڭ ئالدىنى ئېلىپ ، ھەزىم بولۇشقا پايدىلىق . لېكىن شېكەر سىيىش كېسىلى بارلار بۇنى ئىچسە بولمايدۇ . 
 

   يۆتەلنى توختىتىش ئۈچۈن ،  تاماقتىن كېيىن ئەبنۇس يېيىش كېرەك
  ئەبنۇسنىڭ ئۆپكىنى يۆلدەپ ، مەنپىيلىكنى قۇۋۋەتلەندۈرۈپ، تەرەتنى راۋانلاشتۇرۇش رولى بار . نەپەس يولى كېسەللىكى بولغان بىمارلارغا نىسبەتەن بۇ بىر ياخشى مېۋە ھېسابلىنىدۇ .
  لېكىن ئەبنۇسنى ئاچ قورساققا يېيىشكە بولمايدۇ ، بۇنىڭ ئىچىدىكى تاننىك كىسلاتا تەركىبى ئاشقازاندا ئاسان مونەكچىلەرنى پەيدا قىلىپ قويىدۇ .