[ئامېرىكا قىزىقارلىق پەن-تېخنىكا تور بېكىتىنىڭ 22-ئىيۇن خەۋىرى]
1. ھەر ۋاقلىق تاماقتىن قانغۇچە ھۇزۇرلىنىش: فىرانسىيە ئاياللىرى ئەزەلدىن «ھاپىلا-شاپىلا غىزالىنىپلا تېلېۋىزور كۆرۈش»كە ئادەتلەنمىگەن. ئۇلار: يېمەكلىكتىن قانغۇچە ھۇزۇرلىنىپ، بەدەننىڭ ھەزىم قىلىشىغا ۋاقىت بېرىش كېرەك، دەپ قارايدۇ.
  2. تاماقنى ئاز يېيىش: فىرانسىيە ئاياللىرى يېمەكلىك مىقدارىنى قاتتىق تىزگىنلەيدۇ، ئۇلار  ھەرقانداق يېمەكلىكنى ئاز يەيدۇ. يەنە بىرى، ئۇلار ئوزۇقلۇق مىقدارى يۇقىرى يېمەكلىكلەرنى يەيدۇ. ئوزۇقلۇقنىڭ ئاسان قوبۇل قىلىنىشى ئۈچۈن، يېمەكلىكنى ئاستا، يۇمشاق چاينايدۇ.
  3. ياخشى كۆرگەن يېمەكلىكىنى يەۋېرىدۇ. فىرانسىيە ئاياللىرى «شاكىلات» دېگەن سۆز بىلەن «مۇراسىم» دېگەن سۆزنى باغلاپ تەسەۋۋۇر قىلىدۇ.
  4.چۈشلۈك تاماقنى ئەڭ مۇھىم ئورۇنغا قويىدۇ: پارىژدىكى تاللا تاماقخانىلاردا ھەربىر كىشى چۈشتە بەش خىل قورۇما بىلەن ئاستا-ئاستا غىزالىنىدۇ، ئاخىرىدا قويۇق دەملەنگەن قەھۋە ئىچىدۇ. غىزالىنىش ۋاقتى قانچە ئۇزۇن بولسا كەيپىياتى شۇنچە ياخشى بولىدۇ. 
  5. ئۇششاق-چۈششەك يېمەكلىكلەرنى يېمەيدۇ: فىرانسىيە ئاياللىرى چۈشلۈك تاماققا ئالاھىدە ئەھمىيەت بېرىدۇ، ئۇلار ناھايىتى بەھۇزۇر غىزالىنىدىغان بولغاچقا، ئۇششاق-چۈششەك يېمەكلىكلەرنى يېمەيدۇ.
  6. دالىدا چېنىقىشنى ياخشى كۆرىدۇ: فىرانسىيە ئاياللىرى كەچلىك تاماقتىن ئىلگىرى سەيلە قىلغاچ كەچكى قۇياشنى تاماشا قىلىشقا ئامراق، بۇنداق قىلغاندا بەدەن چېنىقتۇرۇشتىن باشقا، يەنە تەبىئەتتىن ھۇزۇرلىنالايدۇ ۋە ۋاقىتنى كۆڭۈللۈك ئۆتكۈزىدۇ.