مىكروسوفت يېڭى نەشرىدىكى بىر Bing قورال ئىستونىنى ئېلان قىلغان

چەتئەل ئاخبارات ۋاسىتىلىرىنىڭ خەۋەرلىرىگە ئاساسلانغاندا، مۇشۇ ھەپتىنىڭ پەيشەنبە كۈنى، مىكروسوفت IE7، IE8 ۋە IE9 ئابونتلىرىغا يېڭى نەشرىدىكى بىر Bing قورال ئىستونىنى ئېلان قىلغان بولۇپ، بۇنىڭ ئىچىدەFacebook نىڭ بەلگىسىمۇ بار ئىكەن. يېڭى نەشردىكى Bing قورال ئىستونى يەنە ئۇنىڭدىن باشقا Hotmail قاتارلىق مىكروسوفتنىڭ لىنىيىلىك مۇلازىمەتلىرىنىمۇ ئۆز ئىچىگە ئالىدىكەن. تونۇشتۇرۇلۇشىچە، ئابونتلار بۇ يېڭى  نەشردىكى Bing قورال ئىستونى ئارقىلىق يېتەرلىك ئىزدەش مۇلازىمىتىدىن بەھرىمەن بولغاندىن سىرت، يەنە ئۆزىنىڭ ئېلخەتلىرىنى تەكشۈرەلەيدىكەن، ئۇنىڭدىن باشقا يەنە Facebook تىكى ھېسابات نومۇرىنىمۇ تەكشۈرەلەيدىكەن. بۇنىڭدىن شۇنى كۆرۈۋېلىشقا بولىدۇكى، بۇ دەل يۇمشاق دېتال ماگناتى ھېسابلانغان مىكروسوفت بىلەن ئىجتىمائىي ئالاقە تورى كاتتىۋېشى Facebook ئىككى تەرەپ ھەمكارلىقىنىڭ يېڭى باسقۇچقا كىرگەنلىكىدىن دېرەك بېرىدۇ. ئۇنىڭدىن باشقا يەنە يېڭى نەشر قىلىنغان Bing قورال ئىستونى Facrbook ئابونتلىرىنى تېخىمۇ قورايلىق شارائىت بىلەن تەمىن ئەتكەن بولۇپ، ئۇلار ئەمدى Facebook ھېساباتىغا كىرىش ئۈچۈن، مىكروسوفت تور كۆرگۈچىسى مۇھىتىدا تۇرۇپلا ئۆزىنىڭ ھېساباتىغا كىرەلەيدىكەن. ئۇلار بۇنىڭدىن باشقا، يەنە نۇرغۇنلىغان يېڭى خەۋەرلەرنى ۋە رەسىم ھەمدە باشقا سانلىق مەلۇماتلاردىن بەھىرلىنەلەيدىكەن. مىكروسوفت قورال ئىستونى ۋە شۇنىڭغا ئوخشاش بەزى ئۈنۈملۈك يوللار ئارقىلىق ئۆزىنىڭ ئىزدەش نەتىجىسى ھالىتىنى يەنىمۇ ياخشىلىماقچى ئىكەن.  قورال ئىستونىنى چۈشۈرۈش ئادرېسى: http://toolbar.discoverbing.com/toolbar

كۆرۈلۈشى:350

قوشۇلغان ۋاقتى:2011-9-26 23:04:44

يوللىغۇچى ئەزا: