بەيدۇ يانفۇن بىخەتەرلىك قوغدىغۇچى 2.0 ئېلان قىلىندى
بۈگۈن بەيدۇ سىناق تەرىقىسىدە بەيدۇ بىخەتەرلىك قوغدىغۇچى2.0 نىڭ ھەقىقىي نۇسخىسىنى ئىشلىتىشكە ئىچىۋەتتى . بەيدۇ بىخەتەرلىك قوغدىغۇچىسى بەيدۇ دېتال سۇپىسىدا تارقىتىلغاندىن سىرىت يەنە ، دۆلىتمىز ئىچىدىكى ھەرقايسى چوڭ App سۇپىلىرىدا تارقىتىلىدىكەن . بەيدۇ يانفۇن بىخەتەرلىك قوغدىغۇچى ئىشلەتكۈچىلەرگە ۋىرۇس ئۆلتۈرۈش ۋە تەكشۈرۈش ، يانفۇن ئىقتىدارىنى ئەلالاشتۇرۇش ، ئېقىم مىقدارىنى تىجەش قاتارلىق تەرەپلەردە كەسپىي مۇلازىمەت بىلەن تەمىنلەيدىكەن .
يېقىنقى بىر نەچچە يىلدىن بۇيان ، جۇڭگو ئەقلىيفۇن ساھەسى ناھايىتى تېز تەرەققىي قىلىۋاتىدۇ ، 2012-يىلى 4- پەسىلگىچە ، جۇڭگو ئەقلىيفۇن ئىشلەتكۈچىلىرىنىڭ سانى 380 مىليۇنغا يېتىپ ، ئالدىنقى يىلىدىكى ئوخشاش مەزگىلگە سىلىشتۇرغاندا 72.7% ئاشقان . بۇ يىل يىل ئاخىرىغىچە ئەقلىيفۇن ئىشلەتكۈچىلەرنىڭ سانى 500 مىليونغا يېتىش مۆلچەرلىنىۋاتىدۇ . ئەقلىيفۇن ساھەسىنىڭ تېز تەرەققىي قىلىشىغا ئەگىشىپ ، ئەقلىيفۇن ئىشلەتكۈچىلىرىمۇ ئوخشاش بولمىغان باش ئاغرىقلىرىغا دۇچ كېلىۋاتىدۇ ، يەنى ئابونىتلارنىڭ ئېقىم مىقدارىنى يامان نىيەتلىكلەر ئوغرىلاپ كېتىش ، ئالدامچىلىق بىلەن ھەق تۇتۇش ، ئالدامچىلىق ئۇچۇرلىرى ، يانفۇن قېتىۋىلىش ، شەخسىي ئۇچۇرلار ئاشكارىلىنىپ كېتىش ، يانفۇن ۋىرۇسلىرى قاتارلىقلار .
بەيدۇ يانفۇن بىخەتەرلىك قوغدىغۇچىسى ھەر ۋاقىت ھەر جايدا ئابونتلارنى يۇقىرىقىدەك باش ئاغرىقلاردىن خالاس قىلالايدىكەن ، بولۇپمۇ يانفۇن ۋىرۇسنى ئۆلتۈرۈش جەھەتتە ئىقتىدارى ئالاھىدە كۈچلۈك بولۇپ ، كەسپىي ۋىرۇس ئۆلتۈرۈش تىخنىكىسى قوللىنىلغان ئىكەن . يانفۇن سانلىق مەلۇماتلىرىنى زاپاسلاش جەھەتتىمۇ ، ئالاھىدە بىخەتەرلىككە ئىگە بولۇپ ، ئىشلەتكۈچىلەرنىڭ ئۇچۇرلىرىنىڭ مەڭگۈ ئاشكارىلانماسلىقىغا كاپالەتلىك قىلىنىدىكەن . ئۇنىڭ ئۈستىگە بەيدۇ بىخەتەرلىك قوغدىغۇچىسىنىڭ دېتال چوڭلۇقى 4.7M غىمۇ يەتمەيدىغان بولۇپ ، يۇقىرى دەرىجىدىكى ئىقتىدارى ئارقىلىق ئېھتىياجىدىن تولۇق چىقالايدىغان ، ئەقلىيفۇنلاردا چوقۇم بولۇشقا تېگىشلىك كۈچلۈك ئىقتىدارلىق دېتال ئىكەن .
