روسىيىدىكى مەكتەپتە ياغلىق چىگىش قانۇنلاشتۇرىلىدۇ
رىيا نوۋوستىنىڭ خەۋىرىگە ئاساسلانغاندا روسىيە فېدراتسىيىسى كراسنوياراسك رايونى تەپتىش مەھكىمىسى ياغلىق چىگىدىغانلارنى ئۆز ئىچىگە ئالغان دىنىي ئېتىقادى بار كىشىلەرنىڭ ئېھتىياج تۇغۇلغان ئەھۋال ئاستىدا مەكتەپكە بارسا ھېچقانداق توسالغۇلارغا ئۇچرىمايدىغانلقىنى ئېلان قىلغان.مەزكۇر رايوندىكى تەپتىش مەھكىمىسى ھەرقايسى ئۇنۋىرستىتلارنىڭ دىنىي ۋە ئۆرپ ئادەت كىيىملىرىنى چەكلىشىنىڭ قانۇننى ھاقارەت قىلغانلىق قىلمىشىغا چېتىلىدىغانلقىنى ۋە بۇ سەۋەپلىك ئالاقىدار قانۇنىي ھوقۇق خىزمەتلىرىنىڭ ئىشلىنىۋاتقانلىقىنى بىلدۈرگەن.
نەۋرۇز ئېيىدا روسىيەگە قاراشلىق داغىستان جۇمھۇرىيىتىنىڭ ئۇنۋىرستىتتا ئوقۇۋاتقان 3-يىللىق ئوقۇغۇچىسى ئايگۈل ھەيدەربېكوۋا ياغلىق چىگىپ مەكتەپكە كەلگەنلىك سەۋەبى بىلەن مەكتەپتىن قوغلانغان بولۇپ مەزكۇر ئۇنۋىرستىتنىڭ ئاخبارات باياناتچىسى ئاننا ئاستافيېۋا بۇ ئىش بىلەن مۇناسىۋەتلىك باياناتىدا مۇنۇلارنى تىلغا ئالغان:«ھەيدەربېكوۋا مەكتەپنىڭ ئىچكىي قانۇن نىزامىغا خىلاپلىق قىلغانلىقى ئۈچۈن مەكتەپتىن قوغلاندى.»كېيىن ئۇنۋىرستىت يەنە ھەيدەربېكوۋانىڭ ياغلىقىنى ئېلىۋەتكەندىن كېيىن مەكتەپكە كەلسە بولىدىغانلىقى شەرتى بىلەن بىر قارارنامە چىقارغان.
ئۇنۋىرستىت رەھبەرلىرى بۇ ئىش بىلەن مۇناسىۋەتلىك ھېچقانداق ئىپادە بىلدۈرمىگەن ئەھۋال ئاستىدا تەپتىش مەھكىمىسى دىنىي ئېتىقادى بار كىشىلەرنىڭ ئېھتىياجلىق ئەھۋال ئاستىدا كىيم كېچەكتە چەكلىنىش ۋە مائارىپ ھوقوقلىرىدىن مەھرۇم قىلىش بىلەن مۇناسىۋەتلىك قارارنىڭ ئەمەلدىن قالدۇرۇلغانلىقىنى بىلدۈرگەن.
