ئاراكانلىق مۇسۇلمان ئاياللار زوراۋانلىققا ئۇچراپ، قۇل قىلىندى
ئىختىيارى مۇخبىرلار قۇرغان ۋايس ناملىق توربەتكە ئېلان قىلىنغان خەۋەردە بېرمىلىق مۇسۇلمان ئاياللارنىڭ شۇ جايدىكى بۇددا دىنى مۇرتلىرى تەرىپىدىن ناچار مۇئامىلە ۋە زوراۋانلىق ھۇجۇملىرىغا ئۇچراپلا قالماستىن بەلكى يەنە يەرلىكتىكى ئارمىيەگە جىنسىي قۇل بولۇپ خىزمەت قىلىۋاتقانلىقى ئاشكارىلاندى.ۋايس تورى نامىدىن ئاراكانغا مەخسۇس زىيارەتكە بارغان مۇخبىر ئاسسېد بائىگ بىرمادىكى ئەسكەر گازارمىلىرىدا مەجبۇرىي ھالدا جىنسىي قۇل قىلىنغان ئاراكانلىق مۇسۇلمان قىز ئاياللارنىڭ ئېچىنىشلىق ھېكايىلىرىگە شاھىت بولدى. مۇخبىر بائىگ ئاراكان رايونىدا ئۆي ۋە يۇرتلىرىدىن ئايرىلىپ قالغان مۇسۇلمانلارنىڭ ھاياتىنى داۋاملاشتۇرۇش ئۈمىدىدە سىتۋە بازىرىدىكى چېدىرلەردە تۇرىۋاتقانلىقىنى،ئۇلارنىڭ ھاياتىنىڭ قورقۇنچ ۋە ۋەھىمە ئىچىدە ئۆتىۋاتقانلىقىنى تىلغا ئالغان.مەزكۇر رايوندا جەمئىي 20ئايال ۋە ئۈچ بالا ياشاۋاتقان بولۇپ ئۇلار ئۆتكەن يىلقى توقۇنۇشتا ئائىلىسىدىن ئايرىلىپ بۇ جايغا پاناھلىق ئىزدەپ كەلگەن ئىكەن. مەنبەسى:تۈركىيە بەياز گېزىتىدىن ئەلكۈيى تورى تەرجىمىسى
