خوتەندىكى ئوت ئاپىتىدە 300 نەپەر كىشى تارقاقلاشتۇرۇلدى
نۆۋەتتە ئوت ئۈچۈرۈش خىزمىتى ئاياغلاشقان بولۇپ،ئاپەتتىن كىيىنكى بىر قىسىم رەسىملەر
ئۈمىد ئېيىنىڭ 12-كۈنى خوتەندە چوڭ ئوت ئاپىتى يۈز بەرگەنلىكى ھەممەيلەنگە مەلۇم. مۇخبىرنىڭ خوتەن ۋىلايەتلىك ئوت ئۆچۈرۈش ساقچى تارماق ئەتىرتىدىن ئىگىلىشىچە ، تۈنۈگۈن سائەت 22دىن 20مىنتۇت ئەتىراپىدا ، خوتەن شەھىرى تەيبېي يولى يىلۇۋتىيەن ئۆي جاھازلىرى شەھەرچىسىدە ئوت ئاپىتى يۈز بېرىپ ، ئوت كۈچى تېز سۈرئەتتە ئەتىراپتىكى ئالتە قەۋەتلىك U شەكىللىك ئائىلىلىكلەر بىناسىغا يامرىغان . خوتەن ۋىلايەتلىك ئوت ئۆچۈرۈش ئەتىرىتى ، ساقچى تارماق ئەترىتى 200گە يېقىن ساقچى كۈچى ئاجرىتىپ نەخ مەيداندا ئاممىنى قۇتقۇزۇش ۋە تارقاقلاشتۇرۇش خىزمىتى ئېلىپ بارغان . ئوت كۈچى ناھايىتى كۈچلۈك بولۇش سەۋەبلىك ، ئەتىراپتىكى U شەكىللىك ئائىلىلىكلەر بىناسىغا ئوت پۈتۈنلەي يامراپ كەتكەن .ئوت كۈچى ئىنتايىن كۈچلۈك بولغانلىقتىن خوتەن ئوت ئۆچۈرۈش ساقچى تارماق ئەتىرىتى ۋە يېقىن جايدىكى قاراقاش ناھىيىلىك ئوت ئۆچۈرۈش ئەترىتى ، لوپ ناھىيىلىك ئوت ئۆچۈرۈش ئەترىتى بىرلىشىپ قۇتقۇزۇش ۋە ئوت ئۆچۈرۈش خىزمىتى ئېلىپ بارغان . ھازىرچە ئۆلۈم يىتىم ۋە مال-مۈلۈك زىيان ئەھۋالى تېخى ئېنىق ئەمەس ، ئوت ئاپىتىنىڭ كېلىپ چىقىش سەۋەبى تەكشۈرلىۋاتىدۇ.چوڭ ئوت شىددەت بىلەن كۈچىيىپ، تېز سۈرئەتتە كېڭەيگەن بولۇپ، خوتەن يەرلىك ئوت ئۆچۈرۈش ئەترىتى، جامائەت خەۋىپىسىزلىك ئىدارىسى، خوتەن ئايرودوروم ، شەھەر قۇرۇلۇشى قاتارلىق ئورۇنلار 30 قا يېقىن ئوت ئۆچۈرۈش ماشىنىسى ، 200 دىن ئارتۇق قۇتقۇزۇش خادىملىرى ناھايىتى تېز سۈرئەتتە نەق مەيدانغا يېتىپ بارغان ۋە ئوت ئۆچۈرۈش ۋە قۇتقۇزۇش خىزمەتلىرىگە كىرىشكەن. 300دىن ئارتۇق كىچىك رايون ئاممىسى جىددىي تارقىتىلغان. قۇتقۇزغۇچى خادىملارنىڭ ئالتە سائەتكە يېقىن جىددىي قۇتقۇزۇشى تۈرتكىسىدە ، چوڭ ئوت ئۈمىد ئېيىنىڭ 13-كۈنى يەنى بۈگۈن سەھەر سائەت تۆتكە يېقىن غەلبىلىك ھالدا ئۆچۈرۈلگەن. ئوت ئاپىتىدە ھازىرغا قەدەر بىرەر كىشى يارىلانمىغان ھەمدە قازا قىلىش ھادىسىلىرى كۆرۈلمىگەن.
ئاخشام سائەت 22 دىن 13مىنۇت ئۆتكەندە، ئوت ئۆچۈرۈش قۇتقۇزۇش ئەترىتى ئوت كەتكەن رايونغا يېتىپ بارغان . شۇ ۋاقىتتا، نىمكەش ئۆي جاھازىلىرى بازىرى ۋە شۇ بازارغا يېقىن رايوندىكى ئائىلىكلەر ئولتۇراق رايونى شىددەتلىك ئوت دولقۇنىدا قالغان ئىكەن. ئەھۋال تولىمۇ ئېغىر ئىكەن. ئوت ئۆچۈرۈش ئەترىتى قاتارلىق قۇتقۇزغۇچى ئەترەتلەر دەرھال ۋەزىپىلەرگە بۆلۈنۈپ، جىددىي ھەرىكەتكە كېلىپ، خىزمەتكە كىرىشكەن. ئوت ئۆچۈرۈش قومماندانى مەزكۇر ئائىلىكلەر قورۇسىدىكى كىشىلەرنى تارقاقلاشتۇرغان، شۇنىڭ بىلەن بىرگە، ئوت كەتكەن ئائىلىكلەر قورۇسى ئەتراپىغا 10 دانە سۇ تاپانچىسى ئورناتقان بولۇپ، جىددىي ھۇجۇمغا ئۆتكەن. ئوتنىڭ ھۇجۇمىنى توسۇپ، ئوتنىڭ ئىچكىرلەپ يامراپ كېتىشىنىڭ ئالدىنى ئالغان.
مۇناسىۋەتلىك ھەر دەرىجىلىك رەھبەرلەرمۇ نەق مەيدانغا يېتىپ كەلگەن ھەمدە قۇتقۇزۇش خزمىتىگە قوماندانلىق قىلغان.
قۇتقۇزغۇچى خادىملارنىڭ ئالتە سائەتلىك كۈچەپ تىرىشچانلىق كۆرسىتىشى تۈرتكىسىدە، بۈگۈن سەھەر سائەت تۆتتە ئوت غەلبىلىك ئۆچۈرۈلگەن. ئوت ئاپىتىدە يارىلىنىش ۋە ئۆلۈم ھادىسىسى يۈز بەرمىگەن. نۆۋەتتە،ئوت كېتىش سەۋەبى، مال مۈلۈك زىيىنى ھەققىدىكى ئەھۋاللار تەكشۈرۈش باسقۇچىدا تۇرماقتا.
