كېسەل داۋالاپ ئادەم قۇتقۇزۇش بولسا دوختۇرلارنىڭ مەجبۇرىيىتى، ئەمما كۆكخوت شەھىرىدىكى مەلۇم بىر شەخسىي دوختۇرخانىنىڭ ئوپېراتسىيە سۇپىسىدا دوختۇر بىمارنى قاتتىق ئۇرغان. «مەركىزىي شەھەر بىلەن ئۇچرىشىش»پىروگراممىسى بۇ ئىشنى چوڭقۇرلاپ تەكشۈرۈپ، بىمارنى ئۇرغان دوختۇرنى تېپىپ چىققان. ئۇنداقتا دوختۇر زادى نېمە ئۈچۈن بىمارنى ئۇرىدۇ ؟ بۇ ئىشنىڭ ئارقىسىغا بىرەر ئىش يوشۇرۇنغانمۇ قانداق؟
2-ئاينىڭ 29-كۈنى، «شەھەر بىلەن ئۇچرىشىش» پىروگراممىسى پىڭئەن دوختۇرخانىسىنىڭ ئوپېراتسىيە ئۈستىلىدە بىمار بىلەن باھا تالاشقانلىقى توغرىسىدىكى خەۋەرنى ئېلان قىلغاندىن كېيىن، جەمئىيەتتە ناھايىتى كۈچلۈك غۇلغۇلا قوزغىغان. 3-ئاينىڭ 8-كۈنى، پىروگرامما ئىشخانىسىغا بىر نەچچە ئالاھىدە تاماشىبىن كەلگەن، ئۇلار ئۆزلىرىنى كۆكخوت شەھىرىدىكى مەلۇم بىر خۇسۇسىي دوختۇرخانىنىڭ سېستراسى ئىكەنلىكى، ئۇلار خىزمەت قىلىۋاتقان دوختۇرخانىدىمۇ پىڭئەن دوختۇرخانىسىدىكى ئەھۋالغا ئوخشاش ئوپېراتسىيە ئۈستىلى ئۈستىدە باھا تالىشىدىغان ئىشنىڭ يۈز بەرگەنلىكىنى ئېيتقان.
بۇ بولسا خەۋەر ئاشكارىلىغۇچى كىشىنىڭ 2015-يىلى 9-ئايدا كۆكخوت شەھىرىدىكى مەلۇم بىر خۇسۇسىي دوختۇرخانىنىڭ ئوپېراتسىيە ئۆيى سىرتىدىن تارتىلغان ۋىدىيو بولۇپ، ۋېدىيودىن ئوپېراتسىيە ئۈستىلىدىكى ئايالنىڭ ۋارقىرىغان ھالدا دوختۇرنى ئەيىبلەۋاتقانلىقىنى ئاڭلىغىلى بولاتتى، شۇنداقلا يەنە دوختۇر بىلەن بىمارنىڭ قول پۇتلىرىنى ئىشقا سېلىپ ئۇرۇشۇۋاتقانلىقىنى كۆرگىلى بولاتتى.
