ئاسىيا كىندىكى تورى خەۋىرى: ئۆزىنىڭ تۇغالماسلىقتەك ئەمەلىيەتنى يوشۇرۇش ئۈچۈن خوتەن ۋىلايىتى گۇما ناھىيەسىدىكى بۇ فامىلىلىك كىشىلەرگە ھامىلىدار بوپ قالدىم دەپ يالغان سۆزلەپ ئىزچىل ياستۇقنى بېلىگە تېڭىۋالغان. «ئالدىن مۆلچەرلەنگەن تۇغۇت ۋاقتى» يېقىنلاپ قالغانلىقىنى كۆرۈپ بۇ فامىلىلىك بىر بوۋاقنى ئالداپ ئېلىپ كېتىپ ئۆزى توغقان قىلىپ كۆرسىتىشنى ئويلىغان.
3-ئاينىڭ 13-كۈنى مۇخبىرنىڭ گۇما ناھىيەلىك جامائەت خەۋپسىزلىك ئىدارىسىدىن ئىگىلىشىچە، 3- ئاينىڭ 7- كۈنى 17:34 مىنۇت ئۆتكەندە گۇما ناھىيەلىك جامائەت خەۋپسىزلىك ئىدارىسى قوماندانلىق مەركىزى ۋۇ فامىلىكنىڭ «تۇغۇلغىنىغا ئەمدىلا 80 كۈن بولغان ئوغلىنى ناھىيەدىكى كونا بازادا بىر «ھامىلىدار ئايال»نىڭ ئالداپ ئېلىپ كەتكەنلىكىنى مەلۇم قىلغان، شۇنىڭ بىلەن ساقچىلار دارھال نەق مەيدانغا بارىدىغانلىقىنى ئېيتقان.
گۇما ناھىيە مۇجى يېزىسىدا تۇرۇشلۇق ۋۇ فامىلىلىكنىڭ دېيىشىچە، 7-چېسلا ئۇنىڭ ئائىلىسىدىكى 5 كىشى تۇغۇلغىنىغا ئەمدىلا 80 كۈن بولغان ئوغلىنى بازارغا ئاپىرىپ بازا ئايلانغان، بازار ئايلىنىپ يېرىپ كەتكەچكە ۋۇ فامىلىلىك ئائىلىسىدىكىلەردىن 17:25 مىنۇت ئۆتكەندە ئايرىلىپ كېتىپ ئوغلىنى كۆتۈرۈپ كىيىم - كېچەك دۇكىنىنىڭ ئالدىدا ئارام ئالغان.
بۇ ۋاقىتتا بىر «ھامىلىدار ئايال» تەشەببۇسكارلىق بىلەن كېلىپ ۋۇ فامىلىلىك بىلەن ئەھۋاللاشقان، بىردەم پاراڭلاشقاندىن كېيىن ھامىلدار ئايال ۋۇ فامىلىلىككە: مەن ھامىلدار بولغىلى 9 ئاي بولدى، قورسىقىم بىئارام بولۇۋاتىدۇ، سىز ماڭا ياردەملىشىپ ئالدىكى دۇكاندىن كۆرپە ئەكېلىپ بېرەمسىز؟ دەپ 20 يۈەن بەرگەن.
ۋۇ فامىلىلىك ھامىلىدار ئايالغا قولايسىز ئىكەنلىكىنى تونۇپ يېتىپ، ئوغلىنى ئۇنىڭغا قاراشقا بېرىپ ئۆزى كۆرپە ئالغىلى كەتكەن، 10 نەچچە مىنۇتتىن كېيىن ۋۇ فامىلىلىك كۆرپىنى ئەكەلگەندە «ھامىلىدار ئايال» ۋە ئوغلىنىڭ يوقلىغىنى بايقاپ تىزدىن دۇكانلارنى بويلاپ بىردىن - بىردىن ئىزدىگەن، بىراق تاپالمىغان، شۇنىڭ بىلەن ئوغلىنىڭ ئالداپ كېتىلگەنلىك ئېھتىماللىقىنى ئويلاپ ساقچىقا مەلۇم قىلغان.
گۇما ناھىيەلىك جامائەت خەۋپسىزلىك ئىدارىسى تەكشۈرۈشنى باشلىۋەتكەن، 18:40 مىنۇت ئۆتكەندە بىرسى بىر «ھامىلىدار ئايال»نىڭ كىچىك بالىنى كۆتۈرۈپ كونا بازار غول كوچىدىكى دۇكاننىڭ ئالدىدىن تىزدىن ئۆتۈپ كېتىۋاتقانلىقىنى كۆرگەن. 19:45 مىنۇت ئۆتكەندە ساقچىلار سىنكۆزدىن جىنايەت گۇماندارىنىڭ ئۈچ چاقلىق توكلۇق موتوسىكلىتقا ئولتۇرۇپ خەلق مەيدانى تەرەپكە قېچىپ كېتىۋاتقانلىقىنى كۆرگەن.
شۇ كۈنى 20:50 ئەتراپىدا تاكسى شوپۇرى: 10 مىنۇت ئىلگىرى ھۆكۈمەت ئولتۇراق رايونى دەرۋازىسىنىڭ ئالدىدىن بىر بالا قۇچاقلىۋالغان «ھامىلىدار» ئايالنى ئاپتوموبىلىمغا ئولتۇرغۇزۇپ بىر شەخسى ئامبۇلاتورىيەگە ئاپىرىپ قويدۇم، تېخى بايىلا ھەمكارلىشىپ تەكشۈرۈش ئۇچۇرىنى تاپشۇرۇپ ئالغاچقا بۇ ئايالنىڭ ناھايىتى گۇمانلىق ئىكەنلىكىنى بايقاپ جامائەت خەۋپسىزلىك ئورگىنىنى يىپ ئۇچى بىلەن تەمىنلىدىم، دېگەن.
ساقچىلار دەرھال بۇ ئامبۇلاتورىيەگە بېرىپ ئېنىقلاپ 21:05 ئۆتكەندە ئامبولاتورىيەدىن جىنايەت گۇماندارى ۋۇ فامىلىكنى تۇتقان ھەمدە ۋۇ فامىلىلىكنىڭ ئوغلىنى مۇۋەپپەقىيەتلىك قۇتۇلدۇرىۋالغان.
ئىگىلىنىشچە، بۇ فامىلىلىك بۇ يىل 25 ياش، گۇمىلىق ئىكەن. بۇ فامىلىك توي قىلغاندىن كېيىن دوختۇرخانىغا بېرىپ تەكشۈرتكەندە ئۆزىنىڭ تۇغالمايدىغانلىقىنى بايقىغان. بۇ ئەمەلىيەتنى يوشۇرۇش ئۈچۈن ئۇ ھامىلىدار بولۇپ قالدىم يالغان سۆزلىگەن. ئۇ «ھامىلىدار بولۇپ» 2-، 3 - ئېيىدىن باشلاپلا ياستۇقنى بېلىگە تېڭىپ ھامىلىدارلىق ساختا قىياپىتىنى شەكىللەندۈرگەن. ئۇ ساقچىلارغا: مەن «ھامىلىدار» بولۇپ قالغاندىن كېيىن يولدىشىم قورسىقىمنى تۇتۇپ باقاي دېگەندە مەن بالىغا پايدىسىز دەپ رەت قىلدىم، ئەتراپتىكى قوشنىلار، دوستلار دوختۇرخانىغا بېرىپ تەكشۈرتۈشنى دېگەندە مەن ھەرخىل سەۋەبلەر بىلەن ئارقىغا سۆرۈدۈم، دېگەن.
ساقچىلارنىڭ دېيىشىچە: بۇ فامىلىكنىڭ ئائىلىسىدىكىلەر ۋە دوستلىرىنىڭ ھەممىسى ئۇنى راسىتنلا ھامىلار دەپ قارىغان
بۇ فامىلىلىك، «ئالدىن مۆلچەرلەنگەن تۇغۇت مەزگىلىم»نىڭ يېقىنلىشىشىغا ئەگىشىپ بىر بوۋاقنى ئالداپ ئېلىپ قېچىپ ئۆزۈم توغقان قىلىپ كۆرسىتىشنى ئويلىدىم، دېگەن. ساقچىلارنىڭ تونۇشتۇرىشىچە، بۇ فامىلىلىك نەچچە قېتىم كىشىلەر زىچ توپلاشقان جايلارغا بېرىپ نىشان ئىزدىگەن، 3 - ئاينىڭ 7 - كۈنى چۈشتىن كېيىن بۇ فامىلىلىك كونا بازاردىن نىشان ئىزدەۋاتقاندا ۋۇ فامىلىلىكنىڭ بالا كۆتۈرۈۋالغانلىقىنى بايقىغان، ئارقىدىنلا ئۇنىڭ يېنىغا بېرىپ ئەھۋاللاشقاندىن كېيىن ۋۇ فامىلىكنى كۆرپە ئېلىپ كېلىشكە بۇيرۇغان، مۇشۇ پۇرسەتتىن پايدىلىنىپ ئوغۇل بالىنى ئېلىپ كەتكەنلىكىنى دېگەن. بۇ فامىلىلىك ناھىيە بازىرىدىن ئايرىلىشقا تەييارلىنىۋاتقاندا شەھەردىن چىقىدىغان بارلىق يولنىڭ ھەممىسىدە ساقچىلارنىڭ تەكشۈرىۋاتقانلىقىنى بايقىغاچقا ئامبۇلاتورىيەدىن بىرسىگە يۇشۇرنىۋېلىپ تەكشۈرۈش بىكار قىلىنغاندىن كېيىن بالىنى ئۆيگە ئېلىپ كېتىشنى ئويلىغان.
نۆۋەتتە بۇ فامىلىلىك بالىلارنى ئالداپ قېچىش جىنايىتى بىلەن جىنايى ئىشلار بويىچە تۇتۇپ تۇرىلىۋاتىدۇ.
