يەر شارى تورى خەۋىرى، :
ئامېرىكىنىڭ لوس ئانجېلېس شەھىرىدە 1999-يىلى قۇرۇلغان «لائۇر جىلغىسى ھايۋانات شىركىتى» ناملىق مەخسۇس ھايۋاناتلار ئۈچۈن پىلاستىنكا چىقىرىدىغان بىر شىركەت بولۇپ، بۇ شىركەت خوجايىنى ئىتقا ناھايىتى ئامراق بولۇپ، قەرەللىك ھالدا ھايۋاناتلار بىلەن پىكىر ئالماشتۇرۇش مۇتەخەسسىسى ۋە پسىىخولوگنى تەكلىپ قىلىپ، ئىتلار ئۈچۈن مۇزىكا ئىشلەتكۈزۈپ، مۇزىكىنىمۇ ئىتلارنىڭ ئۆزىگە تاللاتقۇزىدىكەن. «لائۇر جىلغىسى ھايۋانات شىركىتى» ئەڭ يېڭى ئېلان قىلغان «مەن بۇ يەردە سېنى ساقلايمەن» ناملىق ئەسىرىنى مىسالغا ئالىدىغان بولساق، بۇ شىركەتنىڭ ھايۋاناتلار بىلەن پىكىر ئالماشتۇرۇش مۇتەخەسسىسى باۋلا بروۋنې بىلەن داۋالانغان ئىت (رىكو چېت) بىرلىشىپ ئىشلىگەن، يەنى بروۋنې رىكو چېت بىلەن پىكىر ئالماشتۇرۇش ئارقىلىق ۋۇجۇدقا چىقارغان، ھەمدە بۇ مۇزىكىنى چېلىپ ئىتقا ئاڭلىتىپ، ئاندىن رىكو چېتنىڭ ئاڭلىغاندىن كېيىنكى ئىنكاسىغا قاراپ تۈزىتىش كىرگۈزگەن، ئاخىردا ئەسەر تەييار بولغاندىن كېيىن ناخشىچى تاڭنا دېلۇرى بۇنى تۈزىتىپ، رىكو چېتنىڭ قوللىشىغا ئېرىشكەندىن كېيىن نەشىر قىلىپ تارقىتىلغان. بۇ شىركەتنىڭ قۇرغۇچىلىرىنىڭ بىرى بولغان سىجىلا خاينېسنىڭ دېيىشىچە، ئۇلارنىڭ ئىتنىڭ ئېيتقانلىرىنى مۇزىكىغا ئايلاندۇرۇش ئارقىلىق، مۇزىكا ئارقىلىق ھايۋاناتلار بىلەن ئىنسانلار ئوتتۇرسىدا كۆۋرۈكلۈك رول ئوينىغان. ھەم ئۇلار ئىشلىگەن ھەربىر پىلاستىنكىنى مەلۇم بىرخىل ياكى مەلۇم تۈردىكى ھايۋاناتلارغا تەقدىم قىلغان.
