zhibo8 خەۋىرى، نۇر تورى تەرجىمىسى:
ئارسېنال كوماندىسىنىڭ مەستانىلىرى ئارسېنال كوماندىسىنىڭ كىيىملىرىنى كۆيدۈردى
ھەممە بىرلەشمىلەر لوڭقىسىدا ئارسېنال كوماندىسى ۋوتېفۇد كوماندىسىغا ئۇتتۇرۇپ قويغاندىن كېيىن بۇ تۈردىكى مۇسابىقىدىنمۇ شاللىنىپ كەتتى. ئارسېنال كوماندىسىنىڭ مەشقاۋۇلى ۋېنگېر ئېغىر بېسىمغا دۇچ كەلدى. مۇسابىقە ئاياغلاشقاندىن كېيىن بەزى غەزەپلەنگەن پۇتبول مەستانىلىرى ئارسېنال كوماندىسىنىڭ مۇسابىقە كىيىمىنى كۆيدۈرۈش ئارقىلىق كۆڭلىدىكى نارازىلىقىنى ئىپادىلىدى. قىسقا بىر مىنۇتلۇق كۆرۈنۈش ئالاقە تور بەتلىرىدە كۆپلەپ تارقالدى.
ئارسېنال كوماندىسى مەستانىلىرىنىڭ ۋېنگېرنىڭ ۋەزىپىسىدىن قالدۇرۇشنى تەلەپ قىلغان ئاۋازلار يەنە ياڭراشقا باشلىدى. نۇرغۇنلىغان پۇتبول مەستانىلىرى ئارسېنال كوماندىسىنىڭ ھەممە بىرلەشمىلەر لوڭقىسىدا شاللىنىپ كېتىشىنىڭ ئارسېنال كوماندىسىنىڭ بۇ مۇسابىقە پەسىلىدىكى سەپىرىنىڭ ئاياغلاشقانلىقىدىن دېرەك بىرىدىغانلىقىنى ھېس قىلىپ بولدى.
ئىنگلاند دەرىجىدىن تاشقىرى بىرلەشمىسى مۇسابىقىسىدە ئارسېنال كوماندىسى 29 مەيدان مۇسابىقە ئويناپ 52 نومۇر ئالدى، ئۇلار ھازىر بىرلەشمىدە ئۈچىنچى ئورۇندا بولۇپ بىرىنچى ئورۇندا تۇرۇۋاتقان لېچستېر شەھەر كوماندىسىدىن سەككىز نومۇر ئارقىدا.
