دۈشەنبە ياۋرۇپا بازىرىدا، خەلقئارا نېفىت باھاسى تۆۋەنلىدى، دۇنيا تەمىنلەش ئېشىپ كېتىش ۋە ئىقتىساد ئېشىش سۈرئىتىنىڭ ئاستىلىشى نېفىت باھاسىغا بېسىم پەيدا قىلغان، لېكىن مەھسۇلاتنىڭ تۆۋەنلەش ئەھۋالى نېفىت باھاسىغا بىر قىسىم تىرەشلىك بىلەن تەمىنلىدى. نۇرغۇن تەھلىلچىلەر نېفىت باھاسىنىڭ تەدرىجىي جانلىندىغانلىقىنى مۆلچەرلىدى.
مورگان سىتەنلى Morgan Stanley) ( نىڭ ئېيتىشىچە، نېفىت باھاسى تۆۋەن ھالىتىنى شەكىللەندۈرۈپ بولغان بولۇشى مۇمكىن دەپ كۆرسەتتى، لېكىن مەزكۇر بانكا يەنە ئاگاھلاندۈرۈش بېرىپ، ئىقتىساد ئېشىش سۈرئىتىنىڭ پەسىيىشى ۋە يۇقىرى مەھسۇلات مىقدارى نېفىت باھاسىنىڭ چوڭ دائىرىدە ئۆسۈشىگە توسالغۇ بولۇشى مۇمكىن دەپ ئېيتقان.
مورگان سىتەنلىنىڭ ئېيتىشىچە" ھازىرى نېفىت باھاسى ئاللىقاچان تۆۋەن نۇقتىنى كۆرسىتىپ بولغاندەك كۆرۈنىدۇ، لېكىن بۇ يىلنىڭ كېيىنكى ۋاقىتلىرىدا ئاجىز ھالىتىنى ساقلاپ قېلىشى مۇمكىن، 2017- يىلدىن باشلاپ قايتا ئۆسۈشكە باشلايدۇ." دەپ ئېيتقان.
مورگان سىتەنلى يەنە كۆرسەتمە بېرىپ، تۆۋەن نېفىت باھاسى نۇرغۇن كىشىلەر ئۈمىد قىلغىنىدەك ئېقتىساد ئېشىشقا نىسبەتەن تۈرتكىلىك رول ئوينىيالمىدى دەپ كۆرسەتتى.
خەلقئارا ئېنىرگىيە باش مەھكىمىسى (IEA) نىڭ جۈمە كۈنى ئېيتىشىچە، نېفىت باھاسى ئېھتىمال تۆۋەن نۇقتىنى كۆرسىتىپ بولغان بۇلۇشى مۇمكىن، چۈنكى ئامېرىكا ۋە باشقا (OPEC) غا ئەزا بولمىغان نېفىت ئىشلەپچىقارغۇچى دۆلەتلەرنىڭ مەھسۇلات مىقدارى تېز سۈرئەتتە تۆۋەنلەشكە باشلىغان، ئىراننىڭ نېفىت بىلەن تەمىنلەشنى ئاشۇرۇش ئەھۋالى ئانچە كەسكىن بولمىغان.
نېفىت مۇلازىمەت شىركىتى Baker Hughes جۈمە كۈنى ئىپادە بىلدۈرۈپ، ئامېرىكا نېفىت بۇرغىلاش سۇپىسى سانى بۇ ھەپتە ئۇدا 12 ھەپتە كېمەيگەن بولۇپ، 6 كېمىيىپ 386 گىچە بولغان، بۇ 2009- يىل 12- ئايدىن بۇيانقى ئەڭ تۆۋەن ھالىتى ھېسابلىنىدۇ.
دۈشەنبە مورگان سىتەنلى ئىپادە بىلدۈرۈاپ، " تەڭپۇڭلاشتۇرغۇچى فوند ۋە زاپاس مىقدارى" ئامېرىكا نېفىت باھاسىنى چەكلەپ قويدى، بۇ سودىگەرلەرنىڭ قەرەللىك مالنى سېتىش ئارقىلىپ كەلگۈسىدىكى ئىشلەپچىقىرش ۋە زاپاس مىقدارىنى تەڭپۇڭلاشتۇرماقچى بولغان، بۇ نېفىت باھاسىغا بېسىم ئېلىپ كېلىدۇ.
ئۇلارنىڭ تولۇقلاپ ئېيتىشىچە، " دوللار داۋاملىق تۆۋەنلىگەن تەقدىردىمۇ، كېيىنكى بازاردا نېفىت باھاسى 45 دوللاردىن ھالقىپ ئۆتۈشى تەسكە توختايدۇ." دەپ كۆرسەتتى.
بېيجىڭ ۋاقتى15:34 دە ، برېنىت قەرەللىك نېفىت باھاسى %0.62 تۆۋەنلەپ، 40.14 دوللار/باك بولدى؛ ئامېرىكا قەرەللىك نېفىت باھاسى %0.96 تۆۋەنلەپ، 38.13 دوللار/باك بولدى.
ئەگەر سىز ئىقتىساد تۈرىدىكى ئۇچۇرلارغا قىزىقسىڭىز ياكى تەپسىلى چۈشىنىپ بېقىشنى خالىسىڭىز بىزبىلەن ئالاقىلاشسىڭىز بولدۇ؛
ئالاقىلىشىڭ: 0991-8588854 ، 0991-8588824 ، 4000991014
ئەسلى مەنبەنى چېكىپ ئىلكان تورىنى زىيارەت قىلىڭ.
ئەسلى مەنبە :ئىلكان ئىقتىساد تورى
