ئەنقەرەدىكى تېررورلۇق ۋەقەسىنى بىر ئەر ۋە بىر ئايالنىڭ پەيدا قىلغانلىقى ئېنىقلاندى

ۋەقە يۈز بەرگەن جاينىڭ يېنىدىكى كوچا

جۇڭگو ئاخبارات تورى 3-ئاينىڭ 14-كۈنى تېلېگراممىسى، :

چەتئەل تاراتقۇلىرىنىڭ خەۋىرىگە قارىغاندا، تۈركىيە ئەنقەرەدىكى ئۆزىنى قوشۇپ پارتلىتىش خاراكتېردىكى تېررورلۇق ھۇجۇمىنى كەلتۈرۈپ چىقارغانلار بىر ئەر ۋە بىر ئايال بولۇپ، ئايالنىڭ سالاھىيىتى ئېنىقلانغان. 

شۇ جاي ۋاقتى 3-ئاينىڭ 13-كۈنى كەچتە ئەنقەرە شەھەر مەركىزىدىكى كىشىلەر بىر قەدەر توپلاشقان ئاممىۋى قاتناش بېكىتى ئەتراپىدا بومبا قاچىلانغان بىر ماشىنا باشقا ئىككى ئاپتوبۇسنىڭ ئوتتۇرىسىدا پارتلىغان. تۈركىيە سەھىيە مىنىستىرلىقىنىڭ خەۋىرىگە ئاساسلانغاندا، كەم دېگەندە بىر تېررورچىنى ئۆز ئىچىگە ئالغان 37 ئادەم بۇ قېتىمقى پارتلاشتا قازا قىلغان. 125 ئادەم يارىلانغان بولۇپ، بۇنىڭ ئىچىدە 71 ئادەم دوختۇرخانىدا داۋالانماقتا. 

خەۋەرگە ئاساسلانغاندا، ئايال تېررورچى تۈركىيە غەربىي قىسىمىدىكى شەھەر بالقېشىردە ئۇنىۋېرسىتېتتا ئوقۇغان ھەمدە 2013-يىلى تېررورلۇق تەشكىلاتقا قاتناشقان. ئۇنىڭ ئىسمى تېخى ئاشكارىلانمىغان.