mtime تورى خەۋىرى، :
2016-يىلى 11-ھەپتىسى، «Zootopia» فىلىمى 133.1 مىليون دوللارلىق بېلەت كىرىمى بىلەن ئۇدا چېمپىيونلىقىغا ئېرىشتى. جۇڭگو-ئامېرىكا ئىككى چوڭ ماتورنىڭ قوزغىتىشى ئاستىدا، ئالدىنقى ھەپتە ئاخىرىدا پۈتۈن دۇنيادىكى يېڭى بازارغا قويۇلغان «Zootopia» نىڭ بېلەت كىرىمىنىڭ چۈشۈپ كېتىشى نۆلگە يېقىنلىشىپ، 133.1 مىليون دوللار بېلەت كىرىمى قىلىپ، جۇغلانما بېلەت كىرىمى 431 مىليون دوللارغا يېتىپ، تېخى قويۇلمىغان تۆت چوڭ بازارنى ئويلىشىپ، ئەڭ ئاخىرىدا 900 مىليون دوللارنى نىشانلىدى.
ئىككىنچى ھەپتىسى كىرىپ، «Zootopia» نىڭ جۇڭگو بازىرىدىكى پۇل سۈمۈرۈش سۈرئىتى چاقماقتەك تېزلەشتى، ئىككىنچى ھەپتە ئاخىرىدا بېلەت كىرىمى %139 ئېشىپ 56.50 مىليون دوللارغا يېتىپ، ھەتتا شىمالىي ئامېرىكىنىڭكىدىن ئېشىپ كەتتى. «Zootopia» يەنە جۇڭگودا 85.30 مىليون دوللارلىق كارتون فىلىم تاق ھەپتە بېلەت كىرىمى يېڭى رېكورتى ۋە ئالدىنقى ھەپتە شەنبە كۈنى 25.90 مىليون دوللار بىلەن ياراتقان كارتون فىلىمنىڭ تاق كۈنلۈك بېلەت كىرىمى يېڭى رېكورتى ياراتتى، نۆۋەتتە بۇ فىلىمنىڭ جۇغلانما بېلەت كىرىمى 109 مىليون دوللار بولۇپ، مۆلچەردە مۇشۇ ھەپتە ئىچىدە «گۇمپىچى مۈشۈكئېيىق3» نى تارىختىكى ئەڭ ئۆمىرى قىسقا كارتون فىلىم بېلەت كىرىمى چېمپىيونىغا ئايلاندۇرۇپ قويىشى مۇمكىن.
«گۇمپىچى مۈشۈكئېيىق3» مۇشۇ ھەپتە ئاخىرىدا ئىككىنچى قېتىملىق چوڭ كۆلەمدە قويۇشنى قوزغاتتى، ھەپتە ئاخىرىدا 30.25 مىليون دوللارلىق يەرشارى بېلەت كىرىمىگە ئېرىشىپ، جۇغلانما بېلەت كىرىمى 356 مىليون دوللارغا يەتتى. خەلقئارا بازار 28.60 مىليون دوللار تۆھپە قوشۇپ، جۇغلانمىسى 219.5 مىليون دوللارغا يەتتى. 15 يېڭى بازارنىڭ ھەممىسىدە چېمپىيونلۇققا ئېرىشتى، ئەنگىلىيەدە 949 مەيدان قويۇلۇپ 6.90 مىليون دوللار بېلەت كىرىمىگە ئېرىشتى. مېكسىكىدا 2554 مەيدان قويۇلۇپ 5.12 مىليون دوللار بېلەت كىرىمىگە ئېرىشتى. ئىسپانىيەدە 1.80 مىليون دوللار، سىنگاپوردا 1.70 مىليون دوللار، مالايسىيادا 1.50 مىليون دوللار، فىلىپىندا 1.40 مىليون دوللار بېلەت كىرىمىگە ئېرىشتى. مۇشۇ ھەپتىدە بۇ فىلىم گېرمانىيە ۋە ئىتالىيەنى ئۆز ئىچىگە ئالغان 40 بازاردا قويۇلىدۇ. بۇنىڭدىن سىرت فوكىسنىڭ خەلقئارا بېلەت كىرىمى ئوڭۇشلۇق ھالدا 1 مىليارد دوللاردىن ئېشىپ، ھوللىۋود تارقىتىش شىركىتى ئىچىدىكى يېقىنقى سەككىز يىلدا يەتتە يىل ئەڭ تېز سۈرئەتنى ساقلىدى.
