جەنۇبىي ئافرىقىلىق بېلى ئەڭ ئىنچىكە ئايال چولپان ئۇزاق مۇددەت بېلىنى چىڭ باغلىۋەتكەچكە بۆرەك كېسىلى بولۇپ قالدى
سۈرەتتە: سىنگىلنىڭ دوختۇرخانىغا كىرىپ قېلىشتىن بۇرۇنقى رەسىمى
:
ئەنگلىيە كۈندىلىك پوچتا گېزىتىنىڭ خەۋىرىگە قارىغاندا، جەنۇبىي ئافرىقىدىكى ئۆزىنىڭ تەننازلىقى بىلەن داڭق چىقارغان پرىنسېس سىنگىل (Princess Shyngle) ئىسىملىك بىر ئايال ئارتىس يېقىندا ئۇزاق مۇددەت بېلىنى چىڭ باغلىۋەتكەنلىك سەۋەبىدىن بۆرەك كېسىلى بولۇپ قالغاچقا دوختۇرخانىغا كېرىپ قالغان. بۇ ئايال ئارتىس بۇ يىل ئارانلا 24 ياش بولۇپ، 22 ئېنگلىز سۇڭى كېلىدىغان كىشىنى مەپتۇن قىلىدىغان ئىنچىكە بېلىنى داۋاملىق ساقلاپ قېلىش ئۈچۈن، ئۇزۇن مۇددەت بېلىنى چىڭ قورۇيدىغان تاسما تاقىغان، نەتىجىدە ئويلىمىغان يەردىن بۆرەك كېسىلى بولۇپ قالغان.
تېببىي مۇتەخەسسىسلەر مۇنداق دەپ كۆرسەتتى:
بەلنى چىڭ قورۇيدىغان تاسمىنى ئۇزۇن مۇددەت ئىشلەتكەندە، كىشىدە بېقىنىش پسىخىكىسى پەيدا قىلىدۇ، سۆڭەكنىڭ شەكلىنى ئۆزگەرتىۋېتىدۇ، ئەزالارنىڭ ئورنىمۇ يۆتكىلىپ كېتىدۇ، ھەتتا تېرە ياللۇغى، ئۆپكە كېسەللىكلىرى ۋە بۆرەك زەئىپلىشىش قاتارلىق مەسىلىلەرنى كەلتۈرۈپ چىقىرىدۇ. بەدەن شەكلىنى ياخشى ساقلاش ئۈچۈن چوقۇم توغرا بولغان بەدەن چېنىقتۇرۇش ئۇسۇلىنى تاللاش كېرەك، ھەرگىزمۇ دائىملا ئورۇقلىتىش ئەسۋابلىرىغا بېقىنىۋېلىشقا بولمايدۇ.
بەلنى قورۇش تاسمىسىنىڭ خەۋپ-خەتىرى بار، ئىشلىتىش توغرا كەلسە ئېھتىياتچان بولغان ياخشى.
