جۇڭگو ئاخبارات تورى خەۋىرى، :
ئاۋىستىرالىيە تاراتقۇلىرىنىڭ خەۋىرىگە قارىغاندا، مېلبۇرندىكى يىلدا بىر قېتىم ئۆتكۈزۈلىدىغان «مومبا قۇش ئادەم موسابىقىسى» (Moomba Birdman Rally) يېقىندا ياررا دەرياسى بويىدا ئۆتكۈزۈلگەن بولۇپ، بۇ قېتىملىق قۇش ئادەم موسابىقىسىنىڭ چېمپىيونىنىڭ ئۇچقان ئەڭ ئۇزۇن ئارىلىقى 17 مېتىر بولغان.
Michael Paul بۇ يىل ئاليۇمىندىن ياسالغان بىر جۈپ قانىتىغا تايىنىپ، 17 مىتىر ئۇزۇنلۇققا ئۇچۇپ بېرىپ، بۇ قېتىملىق مۇسابىقىنىڭ قىزىق نوقتىسىغا ئايلانغان. ئۆتكەنكى 13 يىللىق مۇسابىقىدە، Michael Paul جەمئىي 10 قېتىم چېمپىيونلۇقنى قولغا كەلتۈرگەن، ئۇنىڭ ئەڭ ياخشى نەتىجىسى 25.5 مېتىر ئىكەن.
Michael Paul مۇنداق دېگەن: بۇ يىل مەن چېمپىيون بولدۇم، مەن بىر ئۇچقۇچى، ئەمما مەن پەقەت ئادەم ئېلىپ يۈرەلەيدىغان ئايروپىلان ياساشنىلا ياخشى كۆرىمەن. بۇ مېنىڭ بالىلىقتىكى ئارزۇيۇم ئىدى. بۇ قېتىملىق مۇسابىقىدە مەن بىر كىچىككىنە خاتالىق سادىر قىلىپ، بەدىنىمگە باغلاپ قويۇلغان ئارغامچىنى يېشىشنى ئۇنتۇپ قالدىم، بۇ مەلۇم دەرىجىدە ئىقتىدارىمنى جارى قىلدۇرۇشىمغا توسقۇنلۇق قىلدى.
ئىگىلىنىشچە، «مومبا قۇش ئادەم مۇسابىقىسى» 1976-يىلىدىن باشلانغان بولۇپ، مۇسابىقىگە قاتنىشىدىغانلار چۇقۇم مېخانىكىلىق ھەرىكەت كۈچى بولمىغان ئالدىنقى شەرت ئاستىدا، ئېگىزلىكى 4 مېتىر كېلىدىغان سەھنە ۋە جابدۇق ئارقىلىق ياررا دەرياسى ئۈستىدە ئۇچىدىكەن، ئەڭ يىراققا ئۇچقان ئادەم ئەڭ ئاخىرقى چېمپىيونلۇقنى قولغا كەلتۈرگەن بولىدىكەن.
