سونىي شىركىتىدىن ئايرىلىپ چىققان ياپونىيە Vaio ماركىسى يېقىندا تۇنجى نۇسخىدىكى Win10 يانفونى Vaio Phone Biz نى ئېلان قىلغان، بۇندىن ئىلگىرىكى خەۋەرلەردە، بۇ يانفوننىڭ 4-ئايدا ياپونىيە بازىرىدا سېتىلىدىغانلىقى، باھاسىنىڭ 50 مىڭ يېن (خەلق پۇلىغا تەخمىنەن 2855 يۈەن) ئەتراپىدا بولىدىغانلىقى تىلغا ئېلىنغان. بۈگۈنكى ئۇچۇرلارغا ئاساسلانغاندا، Vaio Phone Biz يانفونى رەسمىي ھالدا كۆك چىش ھەمكارلىقىنىڭ تەكشۈرۈپ بېكىتىشىدىن ئۆتكەن بولۇپ، ئۇزۇنغا قالماي بازارغا سېلىنىدىكەن.
كۆك چىش ھەمكارلىقىنىڭ تەكشۈرۈشىدىن ئۆتكەنلىكىگە ئائىت ئۇچۇردا كۆرسىتىلىشىچە، بۇ يانفوننىڭ تىپى Vaio’s VPU051C11N بولۇپ، بۇ دەل ئىلگىرى تاراتقۇلار تەرىپىدىن دەلىللەنگەن Vaio Phone Biz يانفونى ئىكەن، ئۇندىن باشقا، بۇ يانفوننى ياپونىيەدىكى گۇاڭدا كومپيۇتېر شىركىتى ۋەكالىتەن ئىشلەپچىقىرىدىكەن.
Vaio Phone Biz نىڭ قاتتىق دېتال سەپلىمىسى تۆۋەندىكىچە:
• ئېنىقلىقى 1080P بولغان 5.5 دىيۇملۇق ئېكران
• كۇۋالكوم سنەپدىراگون 617 تىپلىق بىر تەرەپ قىلغۇچ
• 3GB لىق ئىچكى ساقلىغۇچ
• 16GB لىق ئاساس ساقلىغۇچ، ئەڭ چوڭ بولغاندا 64GB سىغىم كارتىسىنى قوللايدۇ
• بەش مىليون ۋە 13 مىليون پىكسېللىق كامېرا
• يانفون گەۋدىسى 77.0*156.1*8.3 مىللىمېتىر ئۆلچىمىدە
• ئېغىرلىقى 167 گرام
• باتارىيە سىغىمى 2800 مىللىئامپىر.
