ۋاڭيى تورى خەۋىرى، :
باشقىلارنى ئويلاشماي، ناۋادا بۇ قېتىم 4 دىيۇملۇق يېڭى iPhone ئېلان قىلىنسا سىز سېتىۋالامسىز؟
مۇشۇ ھەپتىنىڭ بېشىدىراق ئالما Apple ئالاھىدە پائالىيىتى، يەنى ئەتىيازلىق ئاخبارات ئېلان قىلىش يىغىنى ئېچىشنى رەسمىي ئېلان قىلدى، خەۋىرى تارقالغىلى ئۇزۇن بولغان 4 دىيۇملۇق يېڭى iPhone نىڭ مەيدانغا چىقىشىدىن ئۈمىد بار، لىكىن ئەڭ يېڭى تەكشۈرۈشتىن قارىغاندا، گەرچە كۆڭۈل بۆلۈش دەرىجىسى ناھايىتى يۇقىرى بولسىمۇ ھەۋەسكارلارنىڭ سېتىۋېلىش قىزغىنلىقى بىرقەدەر تۆۋەن بولغان.
كۆچمە مال سېتىۋېلىش ئەپى ۋە تور بەت سۇپىسى Branding Brand يېقىندا بىر قېتىملىق تەكشۈرۈش ئېلىپ باردى، ئامېرىكىدىكى 1041 نەپەر ساداقەتمەن ئالما iPhone ئابونىتى قاتناشتى، مەقسىتى بولسا ھازىرقى iPhone ئابونىتىنىڭ كەلگۈسىدە يىتىپ كېلىدىغان ئالما ئەتىيازلىق ئاخبارات ئېلان قىلىش يىغىنىغا قانداق قارايدىغانلىقىنى ئىگەللەش.
تەكشۈرۈش نەتىجىسىدىن قارىغاندا، %78 زىيارەت قوبۇل قىلغۇچى نۆۋەتتە ئىشلىتىۋاتقان iPhone دىن رازى بولغان، يېڭى بىر iPhone سېتىۋېلىشقا ئالدىرىمايدىغانلىقىنى ئېيىتقان. بۇنىڭ ئىچىدە، %60 ( 1984-يىلىدىن 1985-يىلىغىچە تۇغۇلغانلار ۋە 1965-يىلىدىن 1976-يىلىغىچە تۇغۇلغانلار) زىيارەت قوبۇل قىلغۇچى iPhone 6 ۋە iPhone 6 Plus قا ئىگە، بۇ كىشلەر ئىچىدە %88 كىشى 4 دىيۇملۇق يېڭى iPhone غا قىزىقمايدىغانلىقىنى ئېيىتقان.
بۇنىڭدىن سىرت، يېشى چوڭايغانسىرى ئىلگىرىكى تىپلىق iPhone ئىشلىتىشكە مايىللاشقان، ھەمدە بۇ كىشلەر ئىچىدە 4 دىيۇملۇق يېڭى iPhone غا قىزىقىدىغانلار بىرقەدەر كۆپ. ئىگەللىنىشىچە، 55 ياشتىن 64 ياش ۋە يۇقىرىسىغىچە بولغان ئابونىتلارنىڭ %55 تېخىمۇ كونا نۇسخىدىكى iPhone 5s ئىشلىتىدىكەن، ئەمما بۇنىڭ ئىچىدە %42 كىشى ھازىرقى iPhone نى سېتىۋېتىپ 4 دىيۇملۇق يېڭى iPhone سېتىۋېلىشنى ئويلىغان.
