كىيا K7 نىڭ دۆلەت ئىچىدىكى جاسۇسلۇق سۈرىتى ئاشكارىلاندى

يېقىندا كىيا K7 نىڭ دۆلەت ئىچىدە يولدا سىناۋاتقان جاسۇسلۇق سۈرىتى ئاشكارىلانغان بولۇپ، بۇ يىل ئىچىدە جۇڭگوغا كىرىشىدىن ئۈمىد بار ئىكەن. 

كىيا شىركىتى ئۆتكەن يىلى كورېيەدە يېڭى بىر ئەۋلاد K7 ئاپتوموبىلى تىپىنى ئېلان قىلغان بولۇپ، پۈتۈنلەي يېڭى لايىھە ئۇسلۇبى قوللىنىلغان. بۇ قېتىم دۆلەت ئىچىدە ئاشكارىلانغان جاسۇسلۇق سۈرىتىدىن قارىغاندا، گەرچە يولدا سىنىغاندا ناھايىتى قېلىن نىقاب ئىشلەتكەن بولسىمۇ، يەنىلا يېڭى ئاپتوموبىلنىڭ تىك شەكىلدىكى ھاۋا كىرىش رېشاتكىلىرىنى كۆرگىلى بولىدۇ. رېشاتكىلارنىڭ ئارىسىغا يەنە رادار بۆلەكلىرى ئورۇنلاشتۇرۇلغان. شۇڭا، بۇ قېتىم يولدا سىنالغان ئاپتوموبىل تىپى چەتئەلدىكى ئاپتوموبىل تىپى بىلەن بىردەك بولۇشى مۇمكىن. 

كىيا پۈتۈنلەي يېڭى K7 نىڭ جاسۇسلۇق سۈرىتى

چەتئەل نۇسخىسىدىكى K7 نىڭ ئورگان سۈرىتى

يېڭى ئاپتوموبىلغا تىك شەكىلدىكى ھاۋا كىرىش رېشاتكىلىرى ئىشلىتىلگەن، رېشاتكىلارنىڭ ئارىسىغا يەنە رادار بۆلەكلىرى ئورۇنلاشتۇرۇلغان.

قۇيرۇق قىسمىغا قارايدىغان بولساق، يېڭى بىر ئەۋلاد K7 ئاپتوموبىلغا LED نۇر مەنبەلىك قۇيرۇق چىراغلار سەپلەنگەن، ئارقا بىخەتەرلىك لىمىنىڭ ئاستى قىسىمىغا يەنە قوش گاز چىقىرىش تۇرۇبىسى ئورنىتىلغان. 

ئاپتوموبىل گەۋدىسى ناھايىتى ئۇزۇن

كىيا پۈتۈنلەي يېڭى K7 نىڭ دۆلەت ئىچىدىكى جاسۇسلۇق سۈرىتى

ھەرىكەت كۈچى جەھەتتىن، يېڭى K7 گە 3.3L V6 GDI ماتور سەپلەنگەن بولۇپ، ئەڭ يۇقىرى قۇۋۋىتى 282 ئات كۈچى. ھەرىكەت ئۇزىتىش جەھەتتىن، ماتورغا ماسلاشتۇرۇلۇپ، سەككىز خوتلۇق ئاپتوماتىك سۈرئەت ئۆزگەرتكۈچ سەپلەنگەن. بۇنىڭدىن باشقا، كەلگۈسىدە دۆلىتىمىزگە كىرىدىغان ئاپتوموبىل تىپىدىن يەنە 2.4L ۋە 2.0T نۇسخىسى بولۇشى مۇمكىن.